ആറ് വിദ്യാഭ്യാസ പദ്ധതികള്ക്ക് തുടക്കം കുറിച്ച് ഉയിരെ എജുക്കേഷന് മീറ്റ്
മുരിയാട് പഞ്ചായത്തില് ഉയരെ എജുക്കേഷന് മീറ്റിന്റെ ഭാഗമായി നടന്ന ചെസ് സാക്ഷരത പരിപാടി ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു ഉദ്ഘാടനം ചെയ്യുന്നു.
ഇരിങ്ങാലക്കുട: മുരിയാട് പഞ്ചായത്തില് ഉയരെ എജുക്കേഷന് മീറ്റ് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു ഉദ്ഘാടനം ചെയ്തു. വിദ്യാര്ഥികള്ക്ക് കേരള സിവില് സര്വീസ് അക്കാദമിയുടെ നേതൃത്വത്തിലുള്ള സിവില് സര്വീസ് ഓറിയന്റേഷന് പ്രോഗ്രാം, അസാപ് കേരളയുടെ സഹകരണത്തോടുകൂടി പ്ലസ് ടു മുതല് മുകളിലുള്ള വിദ്യാര്ഥികള്ക്ക് ഇന്റര്വ്യൂ ടെക്നിക്സ് കമ്മ്യൂണിക്കേഷന് സ്കില് കോഴ്സ്, എസ് സി വിദ്യാര്ഥികള്ക്ക് ലാപ്ടോപ്പ്, സ്കോളര്ഷിപ്പ് എല്പി, യുപി വിദ്യാര്ഥികള്ക്ക് മേശയും കസേരയും വിദ്യാലയങ്ങളില് ചെസ് സാക്ഷരത പരിപാടി വിദ്യാലയങ്ങളില് ചെസ് ക്ലബ്ബുകള് രൂപീകരിക്കാനുള്ള ഉപകരണങ്ങളുടെ വിതരണം തുടങ്ങിയ പദ്ധതികളാണ് ഉയിരെ എഡ്യൂക്കേഷണല് മീറ്റിന്റെ ഭാഗമായി നടത്തിയത്.
പ്രസിഡന്റ് ജോസ് ജെ. ചിറ്റിലപ്പിള്ളി അധ്യക്ഷ വഹിച്ചു. വൈസ് പ്രസിഡന്റ് രതി ഗോപി, ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന് കെ.യു.വിജയന്, ക്ഷേമകാര്യ സ്റ്റാന്ഡിംഗ് കമ്മിറ്റി ചെയര്പേഴ്സണ് സരിത സുരേഷ്, പഞ്ചായത്തംഗങ്ങളായ ശ്രീജിത്ത് പട്ടത്ത്, നിജി വത്സന്, ആനന്ദപുരം ഗവ. യുപി സ്കൂള് പ്രധാനാധ്യാപിക ഇ.ടി. ബീന, അസി. സെക്രട്ടറി മനോജ് മുകുന്ദന്, അസാപ് പരിശീലക വി.എം. അശ്വതി, സിവില് സര്വീസ് അക്കാദമി പരിശീലകരായ എസ്. ബെലിന്ഡ, ടി.വി. ഹെഡ്വിന്, ചെസ് ഇന്റര്നാഷണല് ആര്ബിറ്റര് പീറ്റര് ജോസഫ് എന്നിവര് ക്ലാസുകള്ക്ക് നേതൃത്വം നല്കി.
About Author
ക്രൈസ്റ്റ് കോളജില് സ്പിക് മാക്കേയുടെ ആഭിമുഖ്യത്തില് സൂഫി ഖവാലി സംഘടിപ്പിച്ചു 
ഐഐടി മദ്രാസില് നിന്ന് പിഎച്ച്ഡി നേടി കാതറിന് തോമസ് 
കരുതലിന്റെയും സ്നേഹത്തിന്റെയും വാത്സല്യത്തിന്റെയും ഒരു തൂവല് സ്പര്ശം അതായിരുന്നു മാര് ജെയിംസ് പഴയാറ്റില്: ബിഷപ് മാര് പോളി കണ്ണൂക്കാടന് 
കലാ സംരംഭങ്ങള് സമൂഹത്തിന് ഗുണകരം, പെരുവനം കുട്ടന്മാരാര് 
ഇന്നസെന്റ് സ്മാരക ഫിലിം സൊസൈറ്റി രൂപീകരിച്ചു 
ഇരിങ്ങാലക്കുട സെന്ട്രല് റോട്ടറി ക്ലബ്ബ് ഭാരവാഹികള് 
