ചെളിനിറഞ്ഞ് ഇഎസ്‌ഐ ആശുപത്രി, മന്ത്രിക്കു അധ്യാപികയുടെ പരാതി
ഇരിങ്ങാലക്കുട: ഇഎസ്‌ഐ ആശുപത്രിയിലേക്കു പോകുന്നവര്‍ ശ്രദ്ധിക്കുക. മുന്‍വശത്തെ ചെളി ചവിട്ടാതെ ഇഎസ്‌ഐ ആശുപത്രിയിലെത്തുകയെന്നത് ഒരു കടമ്പയാണ്. ഒരാള്‍ക്കു പോകാന്‍ പാകത്തിന് ഇടവിട്ട് ഇട്ടിരിക്കുന്ന ഇഷ്ടികകളിലൂടെ ബാലന്‍സ് ചെയ്തു വേണം ആശുപത്രിയിലെത്താന്‍. ഒരു മഴപെയ്താല്‍ ചെളിയില്‍ മുങ്ങുന്ന ഈ അവസ്ഥയ്ക്കു പരിഹാരമുണ്ടാക്കാന്‍ ഇതുവരെയും അധികാരികള്‍ക്കു കഴിഞ്ഞിട്ടില്ല. ഇരിങ്ങാലക്കുട എകെപി ജംഗ്ഷനു സമീപം വര്‍ഷങ്ങളായി വാടകക്കെട്ടിടത്തിലാണ് ഇഎസ്‌ഐ ആശുപത്രി പ്രവര്‍ത്തിക്കുന്നത്. കൊടുങ്ങല്ലൂരില്‍ ഇഎസ്‌ഐ ആശുപത്രി ഇല്ലാത്തതിനാല്‍ അവിടെ നിന്നടക്കം നൂറോളം രോഗികളാണു ദിനവും ഇവിടെ എത്തുന്നത്. മഴപെയ്താല്‍ ചെളിയും വെള്ളവും നിറയുന്ന ഈ മുറ്റത്തു കൂടിയല്ലാതെ ഒരു റോഡുപോലും ആശുപത്രിക്കെട്ടിടത്തിലേക്ക് ഇല്ല. കഴിഞ്ഞ ദിവസം ചികിത്സയ്‌ക്കെത്തിയ അഞ്ചുമാസം ഗര്‍ഭിണിയായ അധ്യാപിക ചെളിനിറഞ്ഞ വഴിയില്‍ വീഴാന്‍ പോയപ്പോള്‍ കൂടെയുണ്ടായിരുന്ന സഹായി രക്ഷപ്പെടുത്തുകയായിരുന്നു. ഇരിങ്ങാലക്കുട ചാലാമ്പാടം സ്വദേശിനിയും ക്രൈസ്റ്റ് വിദ്യാനികേതന്‍ സ്‌കൂള്‍ അധ്യാപികയുമായ തനുജയാണു ചെളിയില്‍ വീഴാതെ ഭാഗ്യംകൊണ്ടു രക്ഷപ്പെട്ടത്. സംഭവത്തില്‍ ഇഎസ്‌ഐ അധികാരികള്‍ക്കും ആരോഗ്യമന്ത്രിക്കും അധ്യാപിക പരാതി നല്‍കി. ജില്ലയില്‍ത്തന്നെ ഏറ്റവും അധികം രോഗികള്‍ എത്തുന്ന ഇഎസ്‌ഐ ക്ലിനിക്കുകളിലൊന്നാണ് ഇരിങ്ങാലക്കുടയിലേത്. വിവിധ സ്ഥാപനങ്ങളില്‍ നിന്നായി 10, 200-ഓളം പേരാണ് ഈ ആശുപത്രിയുമായി ബന്ധപ്പെടുന്നത്. വാടകക്കെട്ടിടത്തില്‍ പ്രവര്‍ത്തിക്കുന്ന കെട്ടിടത്തിനു സ്വന്തം കെട്ടിടം നിര്‍മിക്കാനായില്ലെങ്കിലും ചെളിനിറഞ്ഞ വഴിയെങ്കിലും നേരെയാക്കി നല്‍കണമെന്നാണ് ഇവിടെ എത്തുന്നവരുടെ ആവശ്യം.
About Author
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
