വിശുദ്ധ സെബസ്ത്യാനോസിന്റെ തിരുശേഷിപ്പ് പ്രയാണം വ്യാഴാഴ്ച അരിപ്പാലം പള്ളിയില്‍ എത്തിച്ചേരും
അരിപ്പാലം: എ.ഡി 304 ല്‍ രക്തസാക്ഷിത്വം വരിച്ച വിശുദ്ധ സെബസ്ത്യാനോസിന്റെ തിരുശേഷിപ്പ് പ്രയാണം വ്യാഴാഴ്ച അരിപ്പാലം സേക്രഡ് ഹാര്‍ട്ട് പള്ളിയില്‍ എത്തിച്ചേരും. വൈകീട്ട് 5.30 നു ചെട്ടിയങ്ങാടി തിരുകുടുംബ ദേവാലയത്തില്‍ എത്തിച്ചേരുകയും തുടര്‍ന്ന് വാഹനങ്ങളുടെ അകമ്പടിയോടെ അരിപ്പാലം തിരുഹൃദയ ദേവാലയത്തിലേക്ക് പ്രയാണം ആരംഭിക്കും.
റോമിലെ വിശുദ്ധന്റെ നാമത്തിലുള്ള ബസിലിക്കയുടെ റെക്ടര്‍ ഫാ. സ്റ്റഫാനോ റ്റംബ്യൂറോയും വൈസ് സെക്ടര്‍ ഫാ. കാര്‍ലോ ഡി ജിയോവാനിയും തിരുശേഷിപ്പിനെ അനുഗമിക്കുന്നുണ്ട്. തിരുശേഷിപ്പ് ദേവാലയത്തില്‍ എത്തിച്ചേര്‍ന്നതിനു ശേഷം വിശുദ്ധ സെബസ്ത്യാനോസിന്റെ മാത്യഭാഷയായ ഇറ്റാലിയന്‍ ഭാഷയില്‍ ദിവ്യബലി ഉണ്ടായിരിക്കും. നവീകരിച്ചു കൊണ്ടിരിക്കുന്ന അരിപ്പാലം കെട്ടുചിറയിലെ വിശുദ്ധ സെബസ്ത്യാനോസിന്റെ കപ്പേളയില്‍ സ്ഥാപിക്കാന്‍ വിശുദ്ധന്റെ ഒരു തിരുശേഷിപ്പ് റോമിലെ വിശുദ്ധ സെബസ്ത്യാനോസിന്റെ ബസിലിക്കയുടെ റെക്ടര്‍ ഫാ. സ്റ്റഫാനോ റ്റംബ്യൂറോ അരിപ്പാലം തിരുഹൃദയ ദേവാലയ വികാരി ഫാ.ഡയസ് ആന്റണി വലിയമരത്തുങ്കലിന് കൈമാറും.
നാളെ മുഴുവന്‍ സമയവും 29 ന് ഉച്ചതിരിഞ്ഞ് മൂന്നു മണി വരെയും വിശ്വാസികള്‍ക്ക് തിരുശേഷിപ്പ് വണങ്ങുന്നതിനുള്ള സൗകര്യം ഉണ്ടായിരിക്കും. തിരുശേഷിപ്പ് അടങ്ങുന്ന പേടകം റോമിലെ വിശുദ്ധ സെബസ്ത്യാനോസിന്റെ ബസിലിക്കയിലാണ് സൂക്ഷിച്ചിരുന്നത്. 1511 നു ശേഷം 2024 ജനുവരി 20 നാണ് വിശുദ്ധന്റെ തിരുശേഷിപ്പ് അടങ്ങുന്ന പേടകം വത്തിക്കാന്റെ നിര്‍ദ്ദേശത്തിലും മേല്‍നോട്ടത്തിലും തുറന്നത്. തുടര്‍ന്ന് തിരുശേഷിപ്പ് വഹിച്ചുകൊണ്ടുഉള പ്രയാണം ആരംഭിച്ചു. ആദ്യമായി പോളണ്ടിലേക്കാണ് തിരുശേഷിപ്പ് പ്രയാണം നടന്നത്. രണ്ടാമതായി ഇപ്പോള്‍ ഇന്ത്യയിലേക്കുള്ള പ്രയാണം നടക്കുകയാണ്.
കോട്ടപ്പുറം രൂപതയ്ക്കും ആലപ്പുഴ രൂപതക്കുമാണ് ഇപ്പോള്‍ വിശുദ്ധന്‍ തിരുശേഷിപ്പ് സ്വീകരിക്കുവാനുള്ള ഭാഗ്യം ലഭിക്കുന്നത്. ദക്ഷിണേന്ത്യയിലെ പ്രസിദ്ധ തീര്‍ത്ഥാടനകേന്ദ്രമായ ആലപ്പുഴ രൂപതയിലെ അര്‍ത്തുങ്കല്‍ ബസിലിക്കയില്‍ 24 നു തിരുശേഷിപ്പിനു സ്വീകരണം നല്‍കി. വിശുദ്ധന്റെ തിരുശേഷിപ്പിനെ സ്വീകരിക്കുന്നതിനും വണങ്ങുന്നതിനും വിപുലമായ ഒരുക്കങ്ങള്‍ പൂര്‍ത്തിയായതായി വികാരി ഫാ.ഡയസ് ആന്റണി വലിയമരത്തുങ്കല്‍, ഷാജപ്പന്‍ തിയ്യാടി, അഗസ്റ്റിന്‍ പിന്‍ഹീറോ, പോള്‍ ന്യൂനസ്, നിക്‌സണ്‍ പിന്‍ഹീറോ എന്നിവര്‍ പത്രസമ്മേളനത്തില്‍ അറിയിച്ചു.
About Author
കൊടും വേനലിലും കുടിവെള്ളം പാഴാകുന്നു; പൈപ്പ് പൊട്ടല്‍ തുടര്‍കഥ 
വിശുദ്ധ സെബസ്ത്യാനോസിന്റെ തിരുശേഷിപ്പ് പ്രയാണത്തിന് അരിപ്പാലം പള്ളിയില്‍ ഭക്തിനിര്‍ഭരമായ സ്വീകരണം 
ഒരു തുള്ളി മദ്യം ആയിരം തുള്ളി കണ്ണുനീരിനിടയാക്കുന്നു, ലഹരിക്കെതിരെ പോരാട്ടം ശക്തമാക്കണം – മാര്‍ പോളി കണ്ണൂക്കാടന്‍ 
എംഎസ്എസ് പ്രവര്‍ത്തനങ്ങള്‍ മാതൃകാപരം; ഡോ. സുലേഖ കൊമ്പനേഴത്ത് 
ഠാണ ചന്തക്കുന്ന് റോഡ് കോണ്‍ക്രീറ്റിടല്‍; അടുത്ത മാസം ആരംഭിക്കുവാന്‍ നീക്കം 
വിഷുവിന്റെ വരവറിയിച്ചു കണിക്കൊന്ന പൂത്തു 
