വേനല്‍ മഴയുടെ കെടുതിയില്‍ ലക്ഷങ്ങളുടെ നഷ്ടം; പുല്ലൂരിലെ കര്‍ഷകര്‍ ദുരിതത്തില്‍
അധികൃതര്‍ ഇടപെടുന്നില്ലെന്നു പരാതി
പുല്ലൂര്‍: കഴിഞ്ഞ ദിവസങ്ങളിലുണ്ടായ വേനല്‍ മഴയില്‍ കൊയ്‌തെടുക്കാറായ നെല്ല് നശിച്ചതോടെ പുല്ലൂരിലെ കര്‍ഷകര്‍ക്കു ലക്ഷകണക്കിനു രൂപയുടെ നഷ്ടം. ഏക്കറുകണക്കിനു പാടത്താണു മഴയുടെ കെടുതി ഉണ്ടായത്. വിളഞ്ഞു പാകമായ നെല്ലു കൊയ്‌തെടുക്കാന്‍ തയാറെടുക്കുന്നതിനിടയിലാണു മഴ പെയ്തത്. ഇതോടെ മഴയുടെ ശക്തിയില്‍ നെല്ലെല്ലാം വീണു. പാടത്തു വെള്ളം നിറഞ്ഞതോടെ വീണുകിടന്ന നെല്ലെല്ലാം മുങ്ങിപോകുകയായിരുന്നു. ഇതു സംബന്ധിച്ചു കൃഷിഭവനിലും പഞ്ചായത്തിലും അറിയിച്ചെങ്കിലും അധികൃതരുടെ ഭാഗത്തുനിന്നും നിസംഗതയാണുണ്ടായതെന്നു കര്‍ഷകര്‍ പറഞ്ഞു. നേരത്തെ ഇവര്‍ പറഞ്ഞതനുസരിച്ച് എല്ലാ തരത്തിലുമുള്ള ഇന്‍ഷ്വറന്‍സുകള്‍ വിളകള്‍ക്കു കര്‍ഷകര്‍ എടുത്തിട്ടുണ്ടെങ്കിലും ഇതു ലഭിക്കുന്നതിനാവശ്യമായ നടപടികള്‍ അധികാരികള്‍ എടുക്കുന്നില്ലെന്നും കര്‍ഷകര്‍ പരാതിപ്പെട്ടു. വെള്ളത്തില്‍ മുങ്ങിയ നെല്ലു മുളച്ചു പൊങ്ങുകയും കൊയ്‌തെടുക്കാന്‍ കഴിയാത്തതിനാല്‍ അവ ചീഞ്ഞു പോകുകയുമാണ്. ഇന്‍ഷ്വറന്‍സ് തുക ലഭിക്കണമെങ്കില്‍ എത്രയും വേഗം നടപടിക്രമങ്ങള്‍ പൂര്‍ത്തിയാക്കേണ്ടതുണ്ട്. അതിനു അധികൃതര്‍ തയാറാകണമെന്നും കര്‍ഷകര്‍ ആവശ്യപ്പെട്ടു.
About Author
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
കാറളം ഹരിപുരം അമ്പലക്കടവില്‍ ഒരു ലക്ഷം കാര്‍പ്പ് മത്സ്യകുഞ്ഞുങ്ങളെ നിക്ഷേപിച്ചു 
ജൈവ മഞ്ഞള്‍ കൃഷി രീതിയും വിപണനവും പഠിക്കാന്‍ കൃഷിയിടം സന്ദര്‍ശിച്ചു 
പൂമംഗലം പഞ്ചായത്ത് കുടുംബാരോഗ്യ കേന്ദ്രത്തില്‍ ഫിസിയോ തെറാപ്പി വിഭാഗം ഉദ്ഘാടനം ചെയ്തു 
കരൂപ്പടന്ന സ്‌കൂളിലെ എന്‍എസ്എസ് വിദ്യാര്‍ഥികള്‍ മനയ്ക്കലപ്പടി ആനയ്ക്കല്‍ച്ചിറ പാടത്ത് ഞാറുനട്ടു 
വാര്‍ഡ് വിഭജനം; ആളൂര്‍ പഞ്ചായത്ത് യോഗത്തില്‍ നിന്നും കോണ്‍ഗ്രസ് അംഗങ്ങള്‍ ഇറങ്ങിപോക്ക് നടത്തി 
