ആലപ്പുഴ-കണ്ണൂർ സ്‌പെഷൽ ട്രെയിനിന് ഇരിങ്ങാലക്കുട, പുതുക്കാട് സ്റ്റേഷനുകളിൽ സ്റ്റോപ്പ്
ഇരിങ്ങാലക്കുട: 06307/06308 ആലപ്പുഴ-കണ്ണൂർ സ്‌പെഷൽ എക്‌സ്പ്രസിനു പുതുക്കാട്, ഇരിങ്ങാലക്കുട റെയിൽവേ സ്റ്റേഷനുകളിൽ സ്റ്റോപ്പ് അനുവദിച്ചു. ഈ മാസം 10 മുതൽ ആലപ്പുഴയിൽ നിന്നാണു ട്രെയിൻ സർവീസ് ആരംഭിക്കുന്നത്. ദിവസവും വൈകീട്ട് 4.55 നു ഇരിങ്ങാലക്കുട, വൈകീട്ട് 5.08 നു പുതുക്കാട് സ്റ്റേഷനുകളിൽ നിന്നു കണ്ണൂരിലേക്കും രാവിലെ 10.07 നു പുതുക്കാട്, 10.18 നു ഇരിങ്ങാലക്കുട സ്റ്റേഷനുകളിൽ നിന്നു എറണാകുളം ജംഗ്ഷൻ വഴി ആലപ്പുഴയിലേക്കുമാണു സർവീസ്. പുതുക്കാട്, ഇരിങ്ങാലക്കുട എന്നീ സ്ഥലങ്ങളിൽ നിന്നു ഏറ്റവും കൂടുതൽ യാത്രക്കാരുള്ള എറണാകുളം ഭാഗത്തേക്കു ട്രെയിൻ ഏറെ പ്രയോജനമാകുമെന്നാണു സ്ഥിരം യാത്രക്കാരുടെ അനുമാനം. ഓൺലൈനായി ഐആർസിടിസിയുടെ വെബ്‌സൈറ്റോ മൊബൈൽ ആപ്പോ ഉപയോഗിച്ച് ടിക്കറ്റ് ബുക്ക് ചെയ്യാം. ഇരിങ്ങാലക്കുട റെയിൽവേ സ്റ്റേഷനിലും ടിക്കറ്റ് റിസർവ് ചെയ്യാവുന്നതാണ്. നിലവിൽ രാവിലെ 6.05 നു കോട്ടയം വഴി കന്യാകുമാരിയിലേക്കും രാത്രി 7.24 നു ബാംഗ്ലൂരിലേക്കും സർവീസ് നടത്തുന്ന ബാംഗ്ലൂർ-കന്യാകുമാരി ഐലന്റ് എക്‌സ്പ്രസ് ആണ് പുതുക്കാട് സ്റ്റോപ്പ് ഉള്ളത്. സ്റ്റേഷനിൽ നിന്ന് റിസർവേഷൻ സമ്പ്രദായം ആരംഭിക്കുക, സ്ഥിരം യാത്രക്കാർക്കായി സീസൺ, അൺ റിസർവ്ഡ് ടിക്കറ്റുകൾ കൗണ്ടറുകളിൽ ലഭ്യമാക്കുക, ഗുരുവായൂർ-തിരുവനന്തപുരം ഇന്റർ സിറ്റി എക്‌സ്പ്രസിനു സ്റ്റോപ്പ് അനുവദിക്കുക എന്നീ ആവശ്യങ്ങളാണ് പുതുക്കാട് ട്രെയിൻ പാസഞ്ചേഴ്‌സ് അസോസിയേഷൻ മുന്നോട്ട് വക്കുന്നത്. ട്രെയിനിനു ജില്ലയിൽ തൃശൂർ, വടക്കാഞ്ചേരി, ചാലക്കുടി സ്റ്റേഷനുകളിൽ സ്റ്റോപ്പ് ഉണ്ട്.
About Author
യുക്തിവാദി എം.സി. ജോസഫ് അനുസ്മരണ സമ്മേളനം നടന്നു 
കുട്ടികള്‍ക്ക് നീന്തല്‍ പരിശീലനവുമായി വെള്ളാങ്ങല്ലൂര്‍ ഗ്രാമപ്പഞ്ചായത്ത് 
ജെസിഐ ഇരിങ്ങാലക്കുടയുടെ പുതിയ ഓഫീസ് ജെസിഐ ഭവനം ഉദ്ഘാടനം ചെയ്തു 
പുല്ലൂര്‍ സേക്രഡ് ഹാര്‍ട്ട് മിഷന്‍ ഹോസ്പിറ്റലില്‍ സെമിനാര്‍ സംഘടിപ്പിച്ചു 
സിപിഐഎം പൊറത്തിശേരി ലോക്കല്‍ സമ്മേളനത്തോടനുബന്ധിച്ച് സൈക്കിള്‍ റാലി സംഘടിപ്പിച്ചു 
സംരംഭകത്വത്തിനായി മൂന്നു കോടി വായ്പ സഹായം നല്‍കി മുരിയാട് കുടുംബശ്രീ 
