ഊര്‍ജതന്ത്ര ഗവേഷണത്തിനു ഒരു കോടിയുടെ സ്‌കോളര്‍ഷിപ്പുമായി വല്ലക്കുന്ന് സ്വദേശി നോനു വർഗീസ്
ആളൂര്‍: ഗ്രാമപഞ്ചായത്തിലെ വല്ലക്കുന്ന് സ്വദേശി നോനു വര്‍ഗീസിനു ഒരു കോടിയുടെ സ്‌കോളര്‍ഷിപ്പ്. ലണ്ടനിലെ ക്വീന്‍ മേരി സര്‍വകലാശാലയില്‍ നിന്നാണു ഊര്‍ജതന്ത്ര ഗവേഷണത്തിനു ഒരു കോടി രൂപയുടെ സ്‌കോളര്‍ഷിപ്പ് ലഭിച്ചത്. ഗവേഷണത്തിനു വേണ്ടി ഓസ്‌ഫോര്‍ഡ് സര്‍വകലാശാലയില്‍ ലബോറട്ടറി ഉപയോഗിക്കുന്നതിനുള്ള പ്രത്യേക അനുമതിയും ഈ സ്‌കോളര്‍ഷിപ്പിന്റെ ഭാഗമായി ലഭിച്ചിട്ടുണ്ട്. ഊര്‍ജതന്ത്ര ഗവേഷണത്തിനു ഓസ്‌ഫോര്‍ഡിലും ക്വീന്‍ മേരിയിലും ഇന്ത്യക്കാര്‍ക്കു അവസരം ലഭിയ്ക്കുന്നത് വളരെ അപൂര്‍വമാണ്. മൂന്നു വര്‍ഷം കൊണ്ടു തന്റെ ഗവേഷണം പൂര്‍ത്തിയാകുമെന്നു നോനു പറഞ്ഞു. കോവിഡ് കാരണം ഓണ്‍ലൈനില്‍ ഗവേഷണം തുടങ്ങിയ നോനു ഈ മാസം 20 നു ലണ്ടനിലെ ഓസ്‌ഫോര്‍ഡ് സര്‍വകലാശാലയില്‍ നേരിട്ട് ഗവേഷണത്തിനു പ്രവേശിക്കും. കര്‍ഷകമുന്നേറ്റം മുഖ്യസംഘാടകന്‍ വര്‍ഗീസ് തൊടുപറമ്പിലിന്റെയും ഷീലയുടെയും മകനാണ്. നോനുവിന്റെ ഭാര്യ റോസ് കോഴിക്കോട് ഐഐടിയില്‍ ഗവേഷക വിദ്യാര്‍ഥിയാണ്.
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
അധ്യാപനത്തിനും ഗവേഷണത്തിനും എഐയുടെ കരുത്ത്; സെന്റ് ജോസഫ്‌സില്‍ അധ്യാപകര്‍ക്ക് പരിശീലനം 
ഭരതനാട്യത്തില്‍ മികവിന്റെ മുദ്ര പതിപ്പിച്ച് കാറ്റ്‌ലിന്‍; സഹോദയ കലോത്സവത്തില്‍ തുടര്‍ച്ചയായ മൂന്നാം വര്‍ഷവും ഒന്നാം സ്ഥാനം 
