കാട്ടൂര്‍ വനിത എസ്‌ഐയുടെ നടപടി; പടിയൂര്‍ ഗ്രാമപഞ്ചായത്ത് ഭരണസമിതി പ്രതിഷേധം രേഖപ്പെടുത്തി
പഞ്ചായത്തംഗത്തിനോട് അപമര്യാദയായി പെരുമാറിയ കാട്ടൂര്‍ വനിത എസ്‌ഐയുടെ നടപടിക്കെതിരെ പടിയൂര്‍ ഗ്രാമപഞ്ചായത്ത് ഭരണസമിതി അംഗങ്ങള് പ്ലക്കാര്ഡുകളുമായി പ്രതിഷേധിക്കുന്നു.
പടിയൂര്‍: പഞ്ചായത്ത് ജനപ്രതിനിധിയോട് അപമര്യാദയായി പെരുമാറിയ കാട്ടൂര്‍ വനിത എസ്‌ഐയുടെ നടപടിയില്‍ പടിയൂര്‍ ഗ്രാമപഞ്ചായത്ത് ഭരണസമിതി പ്രതിഷേധം രേഖപ്പെടുത്തി. വാര്‍ഡിലുണ്ടായ മരണത്തെ തുടര്‍ന്ന് മൃതദേഹം ഇന്‍ക്വസ്റ്റ് ചെയ്യുന്ന നടപടിയില്‍ വനിതാ എസ്‌ഐ കാണിച്ച നിര്‍ബന്ധവും പിടിവാശിയും മൂലം പടിയൂര്‍ ഗ്രാമപഞ്ചായത്ത് ജനപ്രതിനിധി ജയശ്രീലാലിന് ഉണ്ടായ ദുരനുഭവത്തിന്റെ അടിസ്ഥാനത്തില്‍ എസ്‌ഐക്കെതിരെ തൃശൂര്‍ എസ്പിക്ക് പരാതി നില്‍കിയിരുന്നു.
ഇതിന്റെ അടിസ്ഥാനത്തില്‍ പഞ്ചായത്ത് ഭരണസമിതി ചര്‍ച്ച ചെയ്യുകയും മറ്റു ഭരണസമിതി അംഗങ്ങള്‍ക്കും ചില മോശം അനുഭവങ്ങള്‍ ഈ എസ്‌ഐയുടെ ഭാഗത്ത് നിന്നും ഉണ്ടായിട്ടുണ്ടെന്ന് അറിയിച്ചു. പോലീസും ജനപ്രതിനിധികളും നാടിന്റെ നന്‍മക്കും വികസനത്തിനും ഒരുപോലെ സേവനം ചെയ്യേണ്ടവരാണ്. കൂട്ടായ പ്രവര്‍ത്തനം എല്ലാ അവസരങ്ങളിലും ഉണ്ടാകേണ്ടതാണ്. ജനപ്രതിനിധികളോടെന്നല്ല എല്ലാ ജനങ്ങളോടും നല്ല രീതിയില്‍ ഇടപെടേണ്ടവരാണ് പോലീസ് എന്നും ഗ്രാമപഞ്ചായത്ത് പ്രസിഡന്റ് ലത സഹദേവന്‍ അഭിപ്രായപ്പെട്ടു. സഹപ്രവര്‍ത്തകക്കുണ്ടായ മോശം അനുഭവത്തില്‍ എസ്‌ഐക്കെതിരെ നടപടി എടുക്കണമെന്നും പഞ്ചായത്ത് പ്രസിഡന്റ് ആവശ്യപ്പെട്ടു.
About Author
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
