ബസ് സ്റ്റാന്ഡ് റോഡില് സ്ലാബ് തകര്ച്ചയില്; വന് അപകട ഭീഷണിയെന്ന് നാട്ടുകാര്
ഇരിങ്ങാലക്കുട ഠാണാ ബസ് സ്റ്റാന്ഡ് റോഡില് ഹെഡ് പോസ്റ്റ് ഓഫീസിന് സമീപം കാനയ്ക്ക് മുകളിലെ കോണ്ക്രീറ്റ് സ്ലാബ് തകര്ന്നതോട വീപ്പകള് നിരത്തി വച്ച നിലയില്.
ഇരിങ്ങാലക്കുട: നഗരത്തിലെ ഏറ്റവും തിരക്കേറിയ ജംഗ്ഷനുകളിലൊന്നായ ഠാണാ ബസ് സ്റ്റാന്ഡ് റോഡില് ഹെഡ് പോസ്റ്റ് ഓഫീസിന് സമീപം റോഡിനു കുറുകെയുള്ള കാനയ്ക്ക് മുകളിലെ കോണ്ക്രീറ്റ് സ്ലാബ് തകര്ന്നതോടെ വന് അപകടഭീഷണി ഉയര്ന്നു. കാലപ്പഴക്കം മൂലം സ്ലാബ് രണ്ടായി പിളര്ന്ന് കമ്പികള് പുറത്തുവന്ന നിലയിലാണ്. ഏതു നിമിഷവും സ്ലാബ് കാനയിലേക്ക് പതിക്കാവുന്ന അവസ്ഥയാണുള്ളത്. ബസ് സ്റ്റാന്ഡ്, കാട്ടൂര് റോഡ് തുടങ്ങിയ ഭാഗങ്ങളില് നിന്ന് നിരന്തരം ബസുകളും മറ്റു വാഹനങ്ങളും സഞ്ചരിക്കുന്ന പ്രധാന ജംഗ്ഷനിലാണ് സംഭവം. തിരക്കേറിയ സമയങ്ങളില് അപകടസാധ്യത കൂടുതല് വര്ധിച്ചിരിക്കുകയാണ്. ഒരു വര്ഷം മുന്പും ഇതേ സ്ഥലത്തിന് സമീപം സമാനരീതിയില് മറ്റൊരു സ്ലാബ് തകര്ന്നു കാനയിലേക്ക് വീണിരുന്നു.
അന്ന് തകര്ന്ന സ്ലാബ് മാറ്റിസ്ഥാപിച്ചെങ്കിലും ബാക്കിയുള്ള സ്ലാബുകളും മാറ്റി പൂര്ണമായ കോണ്ക്രീറ്റ് നിര്മാണം നടത്തുമെന്നും റോഡിലെ കേടുപാടുകള് പരിഹരിക്കുമെന്നും നഗരസഭ ഉറപ്പ് നല്കിയിരുന്നു. എന്നാല് പിന്നീട് യാതൊരു നടപടിയും ഉണ്ടായില്ലെന്നാണ് സമീപത്തെ വ്യാപാരികളും ഓട്ടോറിക്ഷ തൊഴിലാളികളും ആരോപിക്കുന്നത്. ജനങ്ങളുടെ സുരക്ഷയെ വെല്ലുവിളിക്കുന്ന രീതിയില് അപകടാവസ്ഥയില് തുടരുന്ന സ്ലാബുകള് അടിയന്തരമായി മാറ്റി സ്ഥാപിക്കണമെന്നും ഠാണാ ബസ് സ്റ്റാന്ഡ് ഉള്പ്പടെ നഗരത്തിലെ വിവിധ റോഡുകളുടെ ശോചനീയാവസ്ഥ പരിഹരിക്കാന് അധികൃതര് ഉടന് ഇടപെടണമെന്നും നാട്ടുകാര് ആവശ്യപ്പെട്ടു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
കാട്ടൂര് സര്വീസ് സഹകരണ ബാങ്കില് ഞാറ്റുവേല സഹകരണ പഞ്ചദിന മഹോത്സവം ആരംഭിച്ചു 
പൊറത്തിശേരി മണ്ഡലം കോണ്ഗ്രസ് കമ്മിറ്റി പ്രതിഷേധ പ്രകടനം നടത്തി 
ബെയര്ഫൂട്ട് പെനാല്റ്റി ഷൂട്ടൗട്ടില് മഹാത്മാ സ്കൂളിന് ഇരട്ടനേട്ടം 
പുല്ലൂര് ഊരകത്ത് കൃഷി നശിപ്പിച്ച നിലയില് 
ക്രൈസ്റ്റ് കോളജില് മാരത്തോണ് സെമിനാര് സംഘടിപ്പിച്ചു 
ഡോ. മേതില് ദേവിക ഉദ്ഘാടനം നിര്വഹിച്ച് ഋതു അന്താരാഷ്ട്ര പരിസ്ഥിതി ചലച്ചിത്ര മേളയ്ക്ക് തുടക്കം 
