വെള്ളാങ്കല്ലൂര്‍ ബ്ലോക്ക് പഞ്ചായത്തിന്റെ നേതൃത്വത്തില്‍ ഗെയിംസ് ഫെസ്റ്റിവല്‍
കോണത്തുക്കുന്ന്: വെള്ളാങ്കല്ലൂര്‍ ബ്ലോക്ക് പഞ്ചായത്തിന്റെ നേതൃത്വത്തില്‍ ഗെയിംസ് ഫെസ്റ്റിവല്‍ തുടങ്ങി. വിവിധ ഗെയിംസ് ഇനങ്ങളില്‍ കഴിവുള്ളവരെ കണ്ടെത്തി പരിശീലനം നല്‍കി വിവിധ മത്സരങ്ങള്‍ക്ക് ബ്ലോക്കുതല ടീമിനെ സജ്ജമാക്കലാണ് ഗെയിംസ് ഫെസ്റ്റിവല്‍ ലക്ഷ്യമിടുന്നത്. നിലവില്‍ ഫുട്‌ബോള്‍, കബഡി, വോളിബോള്‍, വടംവലി തുടങ്ങിയ ഇനങ്ങളിലാണ് പരിശീലനം നല്‍കുന്നത്. 15 ദിവസമാണ് പരിശീലനം. സ്‌പോര്‍ട്‌സ് കൗണ്‍സില്‍ അഗീകൃത പരിശീലകര്‍ ഓരോ ഇനത്തിലും 20 മുതല്‍ 25 വരെയുള്ള ക്യാമ്പ് അംഗങ്ങള്‍ക്ക് പരിശീലനം നല്‍കും. ക്യാമ്പില്‍ പങ്കെടുക്കുന്നവര്‍ക്ക് പാല്‍, മുട്ട ഉള്‍പ്പെടെയുള്ള പോഷകാഹാരവും ജഴ്‌സി, ബോള്‍, നെറ്റ് എന്നിവയും നല്‍കും. ഗെയിംസ് ഫെസ്റ്റിവല്‍ ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രന്‍ ഉദ്ഘാടനം ചെയ്തു. വികസനകാര്യ സ്ഥിരംസമിതി അധ്യക്ഷ പ്രസന്ന അനില്‍കുമാര്‍ അധ്യക്ഷയായി. അസ്മാബി ലത്തീഫ്, ദിവ്യ കുഞ്ഞുണ്ണി, കിരണ്‍ രാജന്‍, ബിനു ജി. കുട്ടി തുടങ്ങിയവര്‍ പ്രസംഗിച്ചു.
About Author
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
ഇന്റര്‍സോണ്‍ ഖോ ഖോ മത്സരത്തില്‍ തുടര്‍ച്ചയായി മൂന്നാം തവണയും ഇരിങ്ങാലക്കുട ക്രൈസ്റ്റ് കോളജ് ചാമ്പ്യന്‍മാരായി 
ടേബിള്‍ ടെന്നീസില്‍ സ്വര്‍ണവുമായി ജൊവന്ന ജെനില്‍ 
കത്തോലിക്ക കോണ്‍ഗ്രസ് നേതൃത്വത്തില്‍ കനിവ് ഫുട്‌ബോള്‍ ഷൂട്ട് ഔട്ട് മേള; എഫ്‌സി തലൂര്‍ ജേതാക്കള്‍ 
ജെസിഐ ക്രിക്കറ്റ് ടൂര്‍ണമെന്റ്; ഡൈനാമിക് ഡെയര്‍ ഡേവിള്‍സ് ജേതാക്കള്‍ 
ഭാരോദ്വഹനത്തില്‍ ഒന്നാംസ്ഥാനം നേടി ദേശീയതലത്തിലേക്ക് അമീഷ അന്‍വര്‍ തെരഞ്ഞെടുക്കപ്പെട്ടു 
