ഇരിങ്ങാലക്കുട ഭാരതീയ വിദ്യാഭവനില്‍ കളമരങ്ങ് 2025 കലാശില്പശാല സംഘടിപ്പിച്ചു
ഭാരതീയ വിദ്യാഭവന്റെയും ഇന്‍ഫോസിസ് ഫൗണ്ടേഷന്റെയും സംയുക്താഭിമുഖ്യത്തില്‍ നടന്ന കലാശില്പശാല കളമരങ്ങ് 2025 കേരള ഫോക് ലോര്‍ അക്കാദമി അവാര്‍ഡ് ജേതാവ് കടന്നമണ്ണ ശ്രീനിവാസന്‍ ഉദ്ഘാടനം ചെയ്യുന്നു.
ഇരിങ്ങാലക്കുട: അന്യം നിന്നു പോകുന്ന നാടന്‍കലകളെ പ്രോത്സാഹിപ്പിക്കുക എന്ന ഉദ്ദേശ്യത്തോടെ, ഭാരതീയ വിദ്യാഭവന്റെയും ഇന്‍ഫോസിസ് ഫൗണ്ടേഷന്റെയും സംയുക്താഭിമുഖ്യത്തില്‍ രാജ്യവ്യാപകമായി സംഘടിപ്പിക്കുന്ന കലാപ്രോത്സാഹനയജ്ഞത്തിന്റെ ഭാഗമായി ഇരിങ്ങാലക്കുട ഭാരതീയ വിദ്യാഭവനില്‍ കലാശില്പശാല കളമരങ്ങ് 2025 നടത്തി. കളമെഴുത്ത്, ഓട്ടന്‍തുള്ളല്‍ എന്നീ കലാരൂപങ്ങളെക്കുറിച്ച് പുതുതലമുറയ്ക്ക് അറിവു പകരാന്‍ അവസരമൊരുക്കിയ ശില്പശാല ദിവസം മുഴുവന്‍ നീണ്ടുനിന്നു.
പ്രസിദ്ധ കളമെഴുത്ത് കലാകാരനും കേരള ഫോക് ലോര്‍ അക്കാദമി അവാര്‍ഡ് ജേതാവുമായ കടന്നമണ്ണ ശ്രീനിവാസന്‍, കേരള കലാമണ്ഡലം ഓട്ടന്‍തുള്ളല്‍ വിഭാഗം മേധാവിയും കേരള സംഗീത നാടക അക്കാദമി അവാര്‍ഡ് ജേതാവുമായ കലാമണ്ഡലം മോഹനകൃഷ്ണന്‍ എന്നിവര്‍ നയിച്ചു. കേരള കലാമണ്ഡലത്തില്‍ നിന്നുള്ള ഐശ്വര്യ എസ്. കുമാര്‍, അനിരുദ്ധ്, അദ്വൈത ആനന്ദ് എന്നീ വിദ്യാര്‍ഥികളും പങ്കചേര്‍ന്നു. ഉദ്ഘാടന സമ്മേളനത്തില്‍ ചെയര്‍മാന്‍ അപ്പുക്കുട്ടന്‍ നായര്‍, സെക്രട്ടറി വി. രാജന്‍, മാനേജ്‌മെന്റ് കമ്മിറ്റി അംഗങ്ങളായ പി.എന്‍. മേനോന്‍, വിവേകാനന്ദന്‍, പ്രിന്‍സിപ്പല്‍ ബിജു ഗീവര്‍ഗീസ്, വൈസ് പ്രിന്‍സിപ്പല്‍ ശോഭ ശിവാനന്ദരാജന്‍, മലയാള വിഭാഗം മേധാവി ബിന്ദുമതി എന്നിവര്‍ പങ്കെടുത്തു.
About Author
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
കൊറ്റെനല്ലൂര്‍ എയ്ഡഡ് ലോവര്‍ പ്രൈമറി ചര്‍ച്ച് സ്‌കൂള്‍ വാര്‍ഷികോത്സവവും അധ്യാപക രക്ഷാകര്‍തൃദിനവും 
എടതിരിഞ്ഞി എച്ച്ഡിപി സമാജം ശിവകുമാരേശ്വര ക്ഷേത്രത്തിലെ തിരുവുത്സത്തോടൊനുബന്ധിച്ചു നടന്ന കൂട്ടിഎഴുന്നള്ളിപ്പ് 
നടവരമ്പ് സെന്‍റ് മേരീസ് അസംപ്ഷന്‍ ദേവാലയത്തില്‍ തിരുനാളിന് കൊടികയറി 
ലഹരി വസ്തുക്കള്‍ ഉപയോഗിക്കുന്നത് തടഞ്ഞതിലുള്ള ആക്രമണം; പ്രതി റിമാന്‍ഡില്‍ 
കുപ്രസിദ്ധ ഗുണ്ടയെ കാപ്പ ചുമത്തി തടങ്കലിലാക്കി 
