പട്ടിക വിഭാഗ ഫണ്ട് വെട്ടിക്കുറച്ച നടപടി പ്രതിഷേധാര്‍ഹം: കെപിഎംഎസ്
കെപിഎംഎസ് മുരിയാട് യൂണിയന്‍ വാര്‍ഷിക സമ്മേളനം സംസ്ഥാന ട്രഷറര്‍ അഡ്വ. എ. സനീഷ് കുമാര്‍ ഉദ്ഘാടനം ചെയ്യുന്നു.
മുരിയാട്: സംസ്ഥാന സര്‍ക്കാര്‍ പട്ടികജാതിപട്ടികവര്‍ഗ്ഗ വിഭാഗങ്ങളുടെ ക്ഷേമവികസന പ്രവര്‍ത്തനങ്ങള്‍ക്കായി നീക്കിവച്ച 610 കോടി രൂപ ചിലവഴിക്കാതെ വെട്ടിക്കുറച്ച നടപടി പ്രതിഷേധാര്‍ഹമാണെന്നും, ഈ നടപടി സംസ്ഥാന സര്‍ക്കാര്‍ അടിയന്തിരമായി പിന്‍വലിക്കണമെന്നും കെപിഎംഎസ്് സംസ്ഥാന ട്രഷറര്‍ അഡ്വ. എ. സനീഷ് കുമാര്‍ പറഞ്ഞു. കെപിഎംഎസ്് മുരിയാട് യൂണിയന്‍ വാര്‍ഷിക സമ്മേളനം അശ്വതി ആര്‍ക്കേഡ് ഹാളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പട്ടികജാതി വിഭാഗത്തിന്റെ 500 കോടിയും, പട്ടികവര്‍ഗ്ഗ വിഭാഗത്തിന്റെ 110 കോടി രൂപയുമാണ് സര്‍ക്കാര്‍ വെട്ടിക്കുറച്ചത്. വികസനത്തിന്റെ പേരില്‍ പെരുമ്പറ മുഴക്കുന്ന സര്‍ക്കാരിന്റെ വികൃതമായ മുഖമാണ് അനാവരണം ചെയ്യുന്നതെന്നും അദ്ദേഹം കൂട്ടി ചേര്‍ത്തു. യൂണിയന്‍ പ്രസിഡന്റ് കെ.കെ. സന്തോഷ് അധ്യക്ഷത വഹിച്ചു. സംസ്ഥാന നേതാക്കളായ ശശി കൊരട്ടി, ഷാജു ഏത്താപ്പിള്ളി, യൂണിയന്‍ സെക്രട്ടറി പി.കെ. കുട്ടന്‍, വി.സി. അനീഷ്, സജീവനി ശശി, ഷീബ സുരേഷ് തുടങ്ങിയവര്‍ സംസാരിച്ചു.
ഭാരവാഹികളായി കെ.കെ. സന്തോഷ് (പ്രസിഡന്റ്), പി.കെ. കുട്ടന്‍ (സെക്രട്ടറി), വിനോദ് കുറുമാലി (ട്രഷറര്‍), കെ.സി. അയ്യപ്പന്‍, എം.സി. സിജോ (വൈസ് പ്രസിഡന്റ്), പി.വി. പ്രതീഷ്, മണികണ്ഠന്‍ (അസിസ്റ്റന്റ് സെക്രട്ടറി), കെ.സി. സുധീര്‍ (പഞ്ചമി കോ ഓര്‍ഡിനേറ്റര്‍), അശ്വതി സുബിന്‍ (മീഡിയ കോ ഓര്‍ഡിനേറ്റര്‍) എന്നിവര്‍ ഉള്‍പ്പടെ പതിനഞ്ച് അംഗ കമ്മിറ്റിയെ സമ്മേളനം തെരഞ്ഞെടുത്തു.
About Author
പാറപ്പുറം സാംസ്‌കാരിക നിലയം: പ്രതീകാത്മക ഉദ്ഘാടനം നടത്തി ബിജെപി 
കുഴിക്കാട്ടുകോണം വിമലമാതാ പള്ളിയില്‍ തിരുനാള്‍ 
നിപ്മറും പുല്ലൂര്‍ സേക്രഡ് ഹാര്‍ട്ട് മിഷന്‍ ഹോസ്പിറ്റലുമായി ധാരണാപത്രം കൈമാറി 
ഒമ്പത് വര്‍ഷം വാടക കെട്ടിടത്തില്‍; ആളൂര്‍ പോലീസ് സ്റ്റേഷന്‍ കെട്ടിടത്തിനുള്ള 19 സെന്റ് ഭൂമിയുടെ അനുമതി പത്രം കൈമാറി 
രൂപത സിഎല്‍സി മരിയന്‍ 2കെ25 ക്വിസ് മത്സരം; വെസ്റ്റ് ചാലക്കുടി നിത്യസഹായമാതാ ഇടവകക്ക് ഒന്നാം സമ്മാനം 
കെഎസ്എസ്പിഎ പ്രതിഷേധ ജ്വാല സംഘടിപ്പിച്ചു 
