ജില്ലയില്‍ ഒന്നാം റാങ്കും സംസ്ഥാനതലത്തില്‍ 17-ാം റാങ്കും നേടി അഭിമാനമായി അഭിനവ്
അഭിനവ്.
എടതിരിഞ്ഞി: മലയാളം മീഡിയത്തില്‍ പഠിച്ച് കേരള എന്‍ട്രന്‍സ് പരീക്ഷയില്‍ ജില്ലയില്‍ ഒന്നാം റാങ്കും സംസ്ഥാനതലത്തില്‍ 17-ാം റാങ്കും നേടി നാടിനും വീടിനും അഭിമാനമായി അഭിനവ്. എടതിരിഞ്ഞി കോറോത്ത് വീട്ടില്‍ കെ.എസ്. അഭിനവാണ് എന്‍ജിനീയറിംഗ് പ്രവേശനപരീക്ഷയില്‍ മികച്ച നേട്ടമുണ്ടാക്കിയത്. ഐഐടിയില്‍ പഠിക്കാനാണ് അഭിനവിന്റെ ആഗ്രഹം. കഴിഞ്ഞ വര്‍ഷം റാങ്കില്‍ പിറകിലായിരുന്നതിനാല്‍ വീണ്ടും എഴുതുകയായിരുന്നു.
എടതിരിഞ്ഞി എച്ച്ഡിപി സമാജം സ്‌കൂളിലായിരുന്നു അഭിനവ് പ്ലസ്ടു പഠിച്ചത്. ജെഇഇക്കുവേണ്ടി കോച്ചിങ്ങിന് പോയിരുന്നു. അതോടൊപ്പം കീം പരീക്ഷയും എഴുതി. ജെഇഇ മെയിനില്‍ കഴിഞ്ഞ വര്‍ഷം 97.54 ശതമാനം മാര്‍ക്ക് നേടിയിരുന്നു. ഇത്തവണ പരീക്ഷയെഴുതി 99.178 ശതമാനം മാര്‍ക്കുമായി നേട്ടമുണ്ടാക്കാനും അഭിനവിനായി. വിഎച്ച്എസ്ഇ റിട്ട. അധ്യാപകന്‍ ശിവദാസനാണ് പിതാവ്. സുഷിയാണ് അമ്മ. പ്ലസ്വണ്‍ വിദ്യാര്‍ഥി അഭിനന്ദ് സഹോദരനാണ്.
About Author
വെള്ളാനി സെന്റ് ഡൊമിനിക് കോണ്‍വെന്റ് ഇംഗ്ലീഷ് മീഡിയം സ്‌കൂളില്‍ ഡോക്ടേഴ്‌സ് ഡേ ആഘോഷിച്ചു 
മുരിയാട് നിയന്ത്രണം വിട്ട ക്രൈയിന്‍ സ്‌കൂട്ടറില്‍ ഇടിച്ച് മറിഞ്ഞു: സ്‌കൂട്ടര്‍ യാത്രക്കാരി രക്ഷപ്പെട്ടത് തലനാരിഴയ്ക്ക് 
സ്‌നേഹവും കരുതലുമുള്ളവരാണ് സ്ത്രീകള്‍- ജയരാജ് വാര്യര്‍ 
സെന്റ് ജോസഫ്‌സ് കോളജില്‍ നാലു വര്‍ഷ ബിരുദ പഠനത്തിന്റെയും ബിരുദാനന്തര പഠനത്തിന്റെയും ഉദ്ഘാടനം 
ലയണ്‍സ് ക്ലബ് ഓഫ് ഇരിങ്ങാലക്കുട ഭാരവാഹികളുടെ സ്ഥാനാരോഹണ ചടങ്ങും ജീവകാരുണ്യ പ്രവര്‍ത്തനങ്ങളുടെ ഉദ്ഘാടനവും 
പോട്ട ബാങ്ക് കവര്‍ച്ച; അന്വേഷണ മികവിന് സംസ്ഥാന പോലീസ് മേധാവിയുടെ അംഗീകാരം 
