തീവ്ര വോട്ടര്പട്ടിക പരിഷ്ക്കരണം- കാട്ടൂരില് എല്ഡിഎഫ് പ്രതിഷേധ റാലിയും പൊതുസമ്മേളനവും നടത്തി
വോട്ടര് പട്ടിക തീവ്ര പുനപരിശോധനയ്ക്കായി കേന്ദ്ര ഇലക്ഷന് കമ്മീഷനും കേന്ദ്രസര്ക്കാരും നടത്തുന്ന നീക്കങ്ങള്ക്കെതിരെ എല്ഡിഎഫ് കാട്ടൂര് മണ്ഡലം കമ്മിറ്റി സംഘടിപ്പിച്ച പൊതുയോഗം കേരള കോണ്ഗ്രസ് എം ഇരിങ്ങാലക്കുട നിയോജക മണ്ഡലം പ്രസിഡന്റ് ടി.കെ. വര്ഗീസ് ഉദ്ഘാടനം ചെയ്യുന്നു.
കാട്ടൂര്: കേരളത്തിലെ താമസക്കാരായ സാധാരണ പൗരന്മാരുടെ പേരുകള് വോട്ടര് പട്ടികയില് ചേര്ക്കുന്നതിന് പൗരത്വ രേഖകള് ഹാജരാക്കണം തുടങ്ങിയ കഠിന നിയന്ത്രണങ്ങള് ജനാധിപത്യത്തിന്റെ ആത്യന്തിക അട്ടിമറിയിലേക്കാണ് നയിക്കുകയെന്ന് കേരള കോണ്ഗ്രസ് എം ഇരിങ്ങാലക്കുട നിയോജക മണ്ഡലം പ്രസിഡന്റ് ടി.കെ. വര്ഗീസ് പ്രസ്താവിച്ചു.
വോട്ടര് പട്ടിക തീവ്ര പുനപരിശോധനയ്ക്കായി കേന്ദ്ര ഇലക്ഷന് കമ്മീഷനും കേന്ദ്രസര്ക്കാരും നടത്തുന്ന നീക്കങ്ങള്ക്കെതിരെ ജനങ്ങളുടെ വോട്ടവകാശം സംരക്ഷിക്കുക എന്ന മുദ്രാവാക്യമുയര്ത്തി എല്ഡിഎഫ് കാട്ടൂര് മണ്ഡലം കമ്മിറ്റി സംഘടിപ്പിച്ച പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മരിച്ചവരുടെയും ഇരട്ട വോട്ടര്മാരുടെയും പേരുകള്ക്കൊപ്പം കുടിയേറ്റക്കാരുടെയും വിദേശികളുടെയും പേരുകള് നീക്കുന്നത് പൗരത്വ രജിസ്റ്റര് നടപ്പാക്കാന് ആണെന്ന് അദ്ദേഹം പറഞ്ഞു. പ്രകടനത്തിനുശേഷം ചേര്ന്ന് പൊതുയോഗത്തില് എം.ജെ. ബേബി അധ്യക്ഷത വഹിച്ചു. എന്.ബി. പവിത്രന്, മിഥുന് പൊട്ടോക്കാരന്, വിജീഷ്, ജൂലിയസ് ആന്റണി, റഷീദ് കാട്ടൂര്, ടി.വി. ലത, ബെന്നി പൊയ്യാറാ എന്നിവര് സംസാരിച്ചു.
About Author
കാട്ടൂര് സര്വീസ് സഹകരണ ബാങ്കില് ഞാറ്റുവേല സഹകരണ പഞ്ചദിന മഹോത്സവം ആരംഭിച്ചു 
പൊറത്തിശേരി മണ്ഡലം കോണ്ഗ്രസ് കമ്മിറ്റി പ്രതിഷേധ പ്രകടനം നടത്തി 
ബെയര്ഫൂട്ട് പെനാല്റ്റി ഷൂട്ടൗട്ടില് മഹാത്മാ സ്കൂളിന് ഇരട്ടനേട്ടം 
ക്രൈസ്റ്റ് കോളജില് മാരത്തോണ് സെമിനാര് സംഘടിപ്പിച്ചു 
ക്രൈസ്റ്റ് എന്ജിനീയറിംഗ് കോളജിന് എഐസിടിഇയുടെ 34 ലക്ഷം രൂപയുടെ ഗവേഷണ ഫണ്ടിംഗ് 
ഡിസിസി ജനറല് സെക്രട്ടറി കെ.എല്. ജെയ്സണ് സ്വീകരണം നല്കി 
