യുവതിയെ കാറിൽ ത​ട്ടി​ക്കൊ​ണ്ടു​പോ​യി; വേ​ഗത കുറഞ്ഞപ്പോൾ പു​റ​ത്തേ​ക്കു ചാ​ടി ര​ക്ഷ​പ്പെ​ട്ടു.

യുവതിയെ കാറിൽ ത​ട്ടി​ക്കൊ​ണ്ടു​പോ​യി; വേ​ഗത കുറഞ്ഞപ്പോൾ പു​റ​ത്തേ​ക്കു ചാ​ടി ര​ക്ഷ​പ്പെ​ട്ടു.

ഇ​രി​ങ്ങാ​ല​ക്കു​ട: യുവാവ് കാ​റി​ൽ ത​ട്ടി​ക്കൊ​ണ്ടു​പോ​യ 19 കാരി വാ​ഹ​ന​ത്തി​ൽ​നി​ന്നു പു​റ​ത്തേ​ക്കു ചാ​ടി ര​ക്ഷ​പ്പെ​ട്ടു. സം​ഭ​വ​ത്തി​ൽ ഒ​ല്ലൂ​ർ എടക്കുന്നി സ്വ​ദേ​ശി ആലപ്പാട്ട് വീട്ടിൽ ജോ ആന്‍റണിയെ (30) പോ​ലീ​സ് അറസ്റ്റ് ചെയ്തു. ഇ​ന്ന​ലെ ഉച്ചതിരിഞ്ഞു മൂന്നിന് മുരിയാട് വല്ലക്കുന്നിലാണു സംഭവം.
പെൺകുട്ടി വ​ഴി​യി​ലൂ​ടെ ന​ട​ന്നു​പോ​കു​ന്പോഴാണു കാ​റി​ലെ​ത്തി​യ​യാ​ൾ വാഹനംകൊണ്ടു തടഞ്ഞുനിർത്തി ത​ട്ടി​ക്കൊ​ണ്ടു​പോ​യത്. വാ​ഹ​നം ഇ​ട​റോ​ഡി​ലേ​ക്കു പ്ര​വേ​ശി​ച്ച് വേ​ഗം കു​റ​ഞ്ഞ​പ്പോ​ൾ പെൺകുട്ടി പു​റ​ത്തേ​ക്കു ചാ​ടി ര​ക്ഷ​പ്പെ​ടു​ക​യാ​യി​രു​ന്നു.
വ​ല്ല​ക്കു​ന്ന് സ്വ​ദേ​ശി​യാ​യ പെണ്‌കുട്ടി ജ​ര്‍​മ്മ​ന്‍ ഭാ​ഷാകോ​ഴ്‌​സ് പ​ഠി​ക്കാൻ എ​റ​ണാ​കു​ള​ത്തു പോ​യി തി​രി​കെ ബസിറങ്ങി വീ​ട്ടി​ലേ​ക്കു ന​ട​ന്നു​പോ​കു​കയായിരുന്നു. ഇ​ല​ക്‌ട്രിക് കാ​റി​ല്‍ എത്തിയ പ്രതി യു​വ​തി​യെ ത​ട​ഞ്ഞു​നി​ര്‍​ത്തി ബ​ല​മാ​യി കാ​റി​ല്‍ക​യ​റ്റി 50 മീ​റ്റ​റോ​ളം കൊ​ണ്ടു​പോ​യി ലൈം​ഗി​ക ഉ​പ​ദ്ര​വത്തിനു ശ്ര​മി​ക്കു​ക​യാ​യി​രു​ന്നു. കാ​റി​ന്‍റെ വേ​ഗ​ം കു​റ​ഞ്ഞ​ തക്കത്തിനു പെൺകുട്ടി വാഹനത്തിൽനിന്നു പുറത്തേക്കു ചാടിയാണു ര​ക്ഷ​പ്പെ​ട്ടത്. ഉ​ട​ന്‍ ആ​ളൂ​ര്‍ പോ​ലീ​സി​ൽ വിവരം അറിയിക്കുകയും ചെയ്തു.
തു​ട​ര്‍​ന്ന് മൊ​ബൈ​ല്‍ ട​വ​ര്‍ കേന്ദ്രീകരിച്ചുള്ള അ​ന്വേ​ഷ​ണ​ത്തി​ല്‍ പ്ര​തി വാ​ഹ​ന​വു​മാ​യി ഒ​ല്ലൂ​രി​ല്‍നി​ന്ന് കൊ​ട​ക​ര മാ​ള ചെ​ങ്ങ​മ​നാ​ട് വ​ഴി ആ​ലു​വ​യി​ലേ​ക്കു പോ​കു​ന്ന​താ​യി പോലീസിനു മനസിലായി. ഉടൻ ഇ​രി​ങ്ങാ​ല​ക്കു​ട ഡി​വൈ​എ​സ്പി സു​രേ​ഷി​ന്‍റെ നേ​തൃ​ത്വ​ത്തി​ലു​ള്ള സം​ഘം വാഹനം പി​ന്തു​ട​ര്‍​ന്ന് ആ​ലു​വ​യി​ൽവ​ച്ച് പ്രതിയെ ക​സ്റ്റ​ഡി​യി​ലെ​ടു​ത്തു.
പ്രതി കഴിഞ്ഞ ദിവസം രാവിലെ പതിനൊന്നോടെ ചെ​ങ്ങ​മ​നാ​ട് പോ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ മറ്റൊരു യുവതിയെ സമാനരീതിയിൽ തട്ടിക്കൊണ്ടുപോകാൻ ശ്രമിച്ചതായി പോലീസ് പറഞ്ഞു.
റോഡിലൂടെ നടന്നുപോകുകയായിരുന്ന 31 വയസുള്ള യുവതിയെ കാറുകൊണ്ടു തടഞ്ഞുനിർത്തി ത​ന്നോ​ടൊ​പ്പം വ​രു​ന്നോയെന്നു ചോ​ദി​ക്കു​ക​യായിരുന്നു. യു​വ​തി വഴിമാറി നടന്നു വീട്ടിലെത്തി ഭ​ര്‍​ത്താ​വി​നോ​ടു വി​വ​രം പ​റ​ഞ്ഞു. ഭ​ര്‍​ത്താ​വ് സി​സി​ടി​വി ദൃ​ശ്യ​ങ്ങ​ള്‍ വ​ഴി വാ​ഹ​നം തി​രി​ച്ച​റി​ഞ്ഞ് ചെ​ങ്ങ​മ​നാ​ട് പോ​ലീ​സ് സ്റ്റേ​ഷ​നി​ല്‍ പ​രാ​തിയും ന​ല്‍​കിയിരുന്നു.

About Author

IjkNews Office

See author's posts