ക്രൈസ്റ്റ് കോളജില് എഐ പരിശീലനക്കളരി
ക്രൈസ്റ്റ് കോളജ് ഐക്യുഎസിയുടെ നേതൃത്വത്തില് സ്കൂള് കോളജ് തലങ്ങളിലെ അധ്യാപകര്ക്കായി സംഘടിപ്പിച്ച ഏകദിന എഐ പരീശീലന കളരിയില് പങ്കെടുത്തവര്.
ഇരിങ്ങാലക്കുട: ക്രൈസ്റ്റ് കോളജ് ഐക്യുഎസിയുടെ നേതൃത്വത്തില് സ്കൂള് കോളജ് തലങ്ങളിലെ അധ്യാപകര്ക്കായി ഏകദിന എഐ പരീശീലന കളരി സംഘടിപ്പിച്ചു. അധ്യാപകരെ ആധുനിക സാങ്കേതികവിദ്യകളായ നിര്മ്മിത ബുദ്ധി (എഐ) ഉപയോഗിച്ച് ശാക്തീകരിക്കുന്നതിനായി എഐ ഫോര് ടീച്ചേഴ്സ് എന്ന ശില്പ്പശാല കോളജിലെ ഫാ. ദിസ്മാസ് കമ്പ്യൂട്ടര് ലാബില് വച്ച് നടത്തി. സ്കൂളുകളിലെയും കോളജുകളിലെയും അധ്യാപകര്ക്ക് ഒരുപോലെ പ്രയോജനപ്പെടുന്നതും, അധ്യയനത്തെ ലളിതമാക്കാനും കൂടുതല് ഫലപ്രദമാക്കാനും സഹായിക്കുന്ന എഐ ടൂളുകളെ പരിചയപ്പെടുത്തിയ ശില്പശാലയില് ഗൂഗിള് സര്ട്ടിഫൈഡ് എഡ്യൂക്കേറ്ററും മലയാളവിഭാഗം അധ്യക്ഷനുമായ ഫാ. ടെജി കെ. തോമസ് സിഎംഐ ക്ലാസെടുത്തു. കേരളത്തിലെ വിവിധ ജില്ലകളിലെ അധ്യാപകര് ശില്പശാലയില് പങ്കെടുത്തു. പ്രിന്സിപ്പല് റവ.ഡോ. ജോളി ആന്ഡ്രൂസ് സിഎംഐ നേതൃത്വം നല്കിയ പരിപാടിയില് ഐക്യുഎസി കോ ഓര്ഡിനേറ്റര് ഡോ. കെ.ജി. ഷിന്റോ, എച്ച്.ആര്. മാനേജര് പ്രഫ. യു. ഷീബ വര്ഗീസ്, ഡോ. ലിന്ഡ മേരി സൈമണ് എന്നിവര് സന്നിഹിതരായിരുന്നു.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി