ഠാണാ – ചന്തക്കുന്ന് റോഡ്, ദുരിതത്തിലായി വ്യാപാരികളും കാല്നടക്കാരും
ഠാണ- ചന്തക്കുന്ന് റോഡില് പൈപ്പിട്ടുമൂടിയ ഭാഗത്ത് കുഴികള് രൂപപ്പെട്ട് ചെളിയായി കെട്ടിനില്ക്കുന്ന അവസ്ഥയില്.
ഇരിങ്ങാലക്കുട: ഠാണ – ചന്തക്കുന്ന് റോഡില് കുടിവെള്ള പൈപ്പിടാനെടുത്ത കുഴിമൂടിയെങ്കിലും വ്യാപാരികളും കാല്നടക്കാരും ദുരിതത്തിലായി. റോഡിന്റെ വശത്ത് വ്യാപാരസ്ഥാപനങ്ങളുടെ മുന്നിലായി ഇത്തരത്തില് കുഴിയെടുത്തത് വ്യാപാരികള്ക്കും മറ്റ് യാത്രക്കാര്ക്കും ഏറെ ബുദ്ധിമുട്ടുണ്ടാക്കിയിരുന്നു. തൃശൂര് – കൊടുങ്ങല്ലൂര് സംസ്ഥാനപാത വികസനത്തിന്റെ ഭാഗമായിട്ടാണ് ഠാണ – ചന്തക്കുന്ന് റോഡില് കെഎസ്ടിപി കുടിവെള്ള പൈപ്പിടുന്നതിനായി കുഴിയെടുത്തത്. അമൃത് പദ്ധതിയില് ഉള്പ്പെടുത്തി ചന്തയില് പണിപൂര്ത്തിയാകുന്ന ജലസംഭരണിയിലേക്കുള്ള വാട്ടര് അഥോറിറ്റിയുടെ പ്രധാന പൈപ്പ് ലൈനും ഇതോടൊപ്പം ഇടുന്നുണ്ട്. ഠാണ – ചന്തക്കുന്ന് റോഡില് ബിഷപ് ഹൗസിന് എതിര്വശത്താണ് കുഴിയെടുത്തത്. അധികൃതരെത്തി പൈപ്പിട്ട് കുഴിമൂടിയെങ്കിലും ദുരിതം അവസാനിക്കുന്നില്ല. പ്രദേശത്ത് ആകെ ചെളി നിറഞ്ഞിരിക്കുകയാണ്. പലിയത്തും പൈപ്പിടുന്നതിനായുള്ള പൈപ്പുകള് കൊണ്ടുവന്നിട്ടതു കാല്നടക്കാര്ക്ക് ഏറെ ദുരിതമായിരിക്കുകയാണ്.


കാലിക്കട്ട് സര്വകലാശാല എന്എസ്എസ് അവാര്ഡില് ക്രൈസ്റ്റ് കോളജിന് അഭിമാന നേട്ടം
സെന്റ് ജോസഫ്സ് കോളജ് യൂണിയന് പ്രൗഢഗംഭീര തുടക്കം
സെന്റ് ജോസഫ്സ് കോളജില് കലാരവം 2026നു തിരിതെളിഞ്ഞു
ഇന്ദിരാഗാന്ധിജിയുടെ ജന്മദിനത്തിനോടനുബന്ധിച്ച് പുഷ്പാര്ച്ചനയും അനുസ്മരണ സമ്മേളനവും സംഘടിപ്പിച്ചു
പുരുഷദിനത്തില് ജീവനക്കാരെ ആദരിച്ച് ക്രൈസ്റ്റ് കോളജ് എന്എസ്എസ് വിദ്യാര്ഥികള്
കെസിബിസി മദ്യലഹരി വിരുദ്ധ സമിതി ബോധവല്ക്കരണ ക്ലാസ് നടത്തി