ഈ കാരുണ്യയാത്ര, അപകടത്തില്‍ ഗുരുതര പരിക്കേറ്റ് ചികില്‍സയില്‍ കഴിയുന്ന പെണ്‍കുട്ടിക്കായ്
ഇരിങ്ങാലക്കുട: ബസപകടത്തില്‍ ഗുരുതര പരിക്കേറ്റ് ചികിത്സയില്‍ കഴിയുന്ന പെണ്‍കുട്ടിക്കായി തൃശൂര്‍കൊടുങ്ങല്ലൂര്‍ റൂട്ടിലെ ഒരു വിഭാഗം ബസുകള്‍ കാരുണ്യയാത്ര നടത്തി. പൂച്ചിന്നിപ്പാടത്ത് സ്വകാര്യ ബസ് ഇടിച്ച് തൊട്ടിപ്പാള്‍ സ്വദേശി നീലങ്കാവില്‍ വിന്‍സെന്റ് മരിക്കുകയും മകള്‍ വിപിനയ്ക്ക് ഗുരുതര പരിക്കേല്‍ക്കുകയും ചെയ്തിരുന്നു. ഇക്കഴിഞ്ഞ 16 നാണ് അപകടം സംഭവിച്ചത്.
വിന്‍സെന്റും മകള്‍ വിപിനയും ബൈക്കില്‍ പെരുമ്പിള്ളിശേരിയിലേക്ക് പോകുമ്പോഴാണ് വടക്കുംനാഥന്‍ എന്ന സ്വകാര്യ ബസ് നിയന്ത്രണം വിട്ട് ബൈക്കിലിടിച്ചത്. വിന്‍സെന്റ് അപകട സ്ഥലത്ത് വച്ച് തന്നെ മരണപ്പെട്ടു. തലക്കും വാരിയെല്ലിനും കാലിനും ഗുരുതര പരിക്കറ്റ വിപിന എര്‍ണാക്കുളത്തെ സ്വകാര്യ ആശുപത്രിയില്‍ ചികില്‍സയിലാണ്. സ്വകാര്യ സ്‌കൂളില്‍ താത്കാലിക തസ്തികയിലെ അധ്യാപികയാണ് വിപിന. 30 ലക്ഷം രൂപ വിപിനയുടെ ചികിത്സയ്ക്കായി വേണ്ടിവരും.
ഈ സാഹചര്യത്തിലാണ് തൃശൂര്‍കൊടുങ്ങല്ലൂര്‍ റൂട്ടിലോടുന്ന 20 ബസുകളുടെ ഉടമകള്‍ കാരുണ്യയാത്ര നടത്താന്‍ തീരുമാനിച്ചത്. ഇരിങ്ങാലക്കുട ബസ്സ്റ്റാന്‍ഡില്‍ നടന്ന ചടങ്ങില്‍ നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് ഫഌഗ്ഓഫ് നിര്‍വഹിച്ചു. സ്റ്റാന്‍ഡിംഗ് കമ്മിറ്റി ചെയര്‍മാന്‍ ഫെനി എബിന്‍ അധ്യക്ഷയായി. വിപിനയുടെ സഹോദരി മീനു വിന്‍സെന്റ്, കരുവന്നൂര്‍ ജനകീയ പ്രതിരോധസമിതി പ്രസിഡന്റ് അക്കു അക്ബര്‍ എന്നിവര്‍ പങ്കെടുത്തു.
വേഗത കുറക്കണംബസ് ഡ്രൈവര്‍മാരോട് അഭ്യര്‍ഥനയുമായി മരണപ്പെട്ട വിന്‍സെന്റിന്റെ മകള്‍ മീനു വില്‍സണ്‍
ബസ് ഓടിക്കുന്നവര്‍ ഒന്നു പ്രത്യേകം ശ്രദ്ധിക്കണം, എല്ലാവരും തന്നെ വളരെ വേഗതയിലാണ്, ബസ് അമിത വേഗതയിലാണെങ്കില്‍ മറ്റുള്ളവരുടെ ജീവന്‍ അപകടത്തിലാകും എന്ന മുന്‍വിധിയോടെ വേഗത കുറച്ച് പോകണമെന്ന് മീനു വില്‍സണ്‍. മീനു വില്‍സന്റ് ആവശ്യപ്പട്ടതനുസരിച്ച് ഈ നിര്‍ദേശം നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് ഫഌഗ്ഓഫ് ചടങ്ങില്‍ തുറന്നു പറഞ്ഞു.
About Author
മൂന്നാമത് വിമല ഇന്റര്‍ സ്‌കൂള്‍ സ്‌കേറ്റിംഗ് ചാമ്പ്യന്‍ഷിപ്പ് ഫെബ്രുവരി ഒന്നിന് 
ഇരിങ്ങാലക്കുട ക്രൈസ്റ്റ് കോളജില്‍ ഇംഗ്ലീഷ് അന്തര്‍ദേശീയ സെമിനാര്‍ 
പടിയൂര്‍ മേഖലയില്‍ കാട്ടുപന്നിശല്യം രൂക്ഷം; നാട്ടുകാര്‍ ആശങ്കയില്‍ 
മലയാളികളുടെ സാംസ്‌കാരിക ജീവിതത്തില്‍ വിലയേറിയ സംഭാവനകള്‍ നല്‍കാന്‍ ഗ്രന്ഥശാല പ്രവര്‍ത്തനത്തിന് സാധിച്ചിട്ടുണ്ട്-മന്ത്രി ഡോ. ആര്‍. ബിന്ദു 
അരിപ്പാലം സേക്രട്ട് ഹാര്‍ട്ട് കോണ്‍വെന്റിന്റെയും വിദ്യാജ്യോതി ഇംഗ്ലീഷ് മീഡിയം സ്‌കൂളിന്റെയും സുവര്‍ണ്ണ ജൂബിലി ആഘോഷം 
മുകുന്ദപുരം പബ്ലിക് സ്‌കൂളില്‍ റോഡ് സുരക്ഷ ബോധവല്‍ക്കരണം 
