കേരള വിദ്യാഭ്യാസ ഗവേഷണ പരിശീലനവകുപ്പ് വര്ണ്ണ വെറിയന്മാരുടെ തടവില് കെപിഎംഎസ്
ആളൂരില് വച്ച് നടന്ന കെപിഎംഎസ് ജില്ലാ നേതൃയോഗം സംസ്ഥാന വര്ക്കിംഗ് പ്രസിഡന്റ് പി.എ. അജയഘോഷ് ഉദ്ഘാടനം ചെയ്യുന്നു
ആളൂര്: കേരള വിദ്യാഭ്യാസ ഗവേഷണ പരിശീലന കേന്ദ്രം വര്ണ്ണവെറിയന്മാരുടെ തടവിലാണെന്ന് കെപിഎംഎസ് സംസ്ഥാന വര്ക്കിംഗ് പ്രസിഡന്റ് പി.എ. അജയഘോഷ് പറഞ്ഞു. ജില്ലാ നേതൃയോഗം ആളൂരില് ഉദ്ഘാടനം ചെയ്തു സംസാരിക്കുകയായിരുന്നു അജയഘോഷ്. കഴിഞ്ഞ അഞ്ചു വര്ഷക്കാലത്തോളമായി പ്ലസ് വണ് വിദ്യാര്ഥികളെ പഠിപ്പിച്ചു കൊണ്ടിരിക്കുന്ന സംവരണത്തെ കുറിച്ചുള്ള പാഠ്യപദ്ധതി ഭരണഘടനാ വിരുദ്ധവും സംവരണ വിരുദ്ധവുമായ ആശയങ്ങളാണെന്നും സംവരണ സമുദായങ്ങളെ വര്ഗീയവാദികളും സാമൂഹ്യവിരുദ്ധമായി ചിത്രീകരിക്കുന്ന പാഠ്യ പദ്ധതി തയ്യാറാക്കിയ എസ്സിഇആര്ടിയുടെ തീരുമാനം അപലപനീയമാണ്. രാജ്യത്തിന്റെ നാളത്തെ ഉന്നത പൗരന്മാരായി വളര്ന്ന് വരേണ്ട വിദ്യാര്ഥികള്ക്കിടയില് ആശയക്കുഴപ്പം സൃഷ്ടിക്കുന്ന രീതിയില് ഇത്തരം പാഠ്യപദ്ധതികള് ബോധപൂര്വം തിരുകിക്കയറ്റിയത് സര്ക്കാരിന്റെ സവര്ണ്ണ മനോഭാവത്തെയാണ് പ്രതിഫലിപ്പിക്കുന്നത്. ഇതിനെതിരെ ശക്തമായ നടപടികള് സ്വീകരിക്കണമെന്ന് കെപിഎംഎസ് ആവശ്യപ്പെട്ടു. ഇത്തരം മുദ്രാവാക്യങ്ങള് ഏറ്റെടുത്തുകൊണ്ട് മാര്ച്ച് അഞ്ച്, ആറ് തീയതികളില് സെക്രട്ടറിയേറ്റിനു മുന്പില് സംഘടിപ്പിക്കുന്ന രാപ്പകല് സമരം ശക്തമായ പ്രതിഷേധമാകുമെന്ന് കെപിഎംഎസ് ജില്ലാ നേതൃയോഗം മുന്നറിയിപ്പ് നല്കി. യോഗത്തില് പി.എന്. സുരന് അധ്യക്ഷത വഹിച്ചു. നേതാക്കളായ ശശി കൊരട്ടി, പി.സി. രഘു, കെ.പി. ശോഭന, ടി.കെ. സുബ്രന്, ഷാജു ഏത്താപ്പിള്ളി തുടങ്ങിയവര് സംസാരിച്ചു.
About Author
ഇരിങ്ങാലക്കുട സബ് ജില്ലാ ബാസ്കറ്റ്ബോള് ടൂര്ണമെന്റ് നടത്തി 
ക്രൈസ്റ്റ് കോളജും ജിജിബി ബാറ്ററി ഇന്ത്യയും ഗവേഷണത്തിനായി ധാരണാപത്രത്തില് ഒപ്പുവച്ചു 
വെള്ളാനിയില് കുറുക്കന്റെ ആക്രമണത്തില് നാലുപേര്ക്ക് പരിക്ക് 
ഇരിങ്ങാലക്കുട ടൗണ് അര്ബന് സഹകരണ ബാങ്ക്; ഐടിയു ബാങ്ക് ഡെപ്പോസിറ്റേഴ്സ് അസോസിയേഷന് ധര്ണ നടത്തി 
വിടവാങ്ങിയത് രോഗത്തെ ഇച്ഛാശക്തികൊണ്ട് തോല്പ്പിച്ച് മാരകരോഗബാധിതര്ക്ക് പ്രതീക്ഷയും സാന്ത്വനവും പകര്ന്ന പോരാളി; ഫ്രാന്സിസ് അസീസി 
ബിജെപി യുഡിഎഫ് ഡീലിനെതിരെ സിപിഎം പ്രകടനം നടത്തി 
