സംസ്ഥാനത്തെ വാക്‌സിന്‍ വിതരണം അവതാളത്തിലായ അവസ്ഥയില്‍: വി.ഡി. സതീശന്‍
ഇരിങ്ങാലക്കുട: കേരളത്തിലെ വാക്‌സിന്‍ വിതരണം അവതാളത്തിലായ അവസ്ഥയിലാണെന്ന് പ്രതിപക്ഷ നേതാവ് വി.ഡി. സതീശന്‍ എംഎല്‍എ. ലഭിക്കുന്ന വാക്‌സിന്‍ കൃത്യമായി വിതരണം ചെയ്യുന്നതില്‍ സര്‍ക്കാര്‍ പരാജയമായെന്നും കോണ്‍ഗ്രസ് നേതാവ് വിമര്‍ശിച്ചു. കോണ്‍ഗ്രസിന്റെ നേതൃത്വത്തില്‍ എംസിപി കണ്‍വെന്‍ഷന്‍ സെന്ററില്‍ സംഘടിപ്പിച്ച സൗജന്യ മെഗാ വാക്‌സിനേഷന്‍ ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോവിഡ് മൂലം മരിച്ച ആയിരക്കണക്കിന് ആളുകള്‍ സര്‍ക്കാരിന്റെ കോവിഡ് ലിസ്റ്റില്‍ ഉള്‍പ്പെട്ടിട്ടില്ല. നഷ്ടപരിഹാരത്തിന് അര്‍ഹതയുള്ള പലരും ലിസ്റ്റില്‍ വന്നിട്ടില്ല. കേരളത്തില്‍ കോവിഡ് മരണങ്ങള്‍ കുറവാണെന്ന് കാണിച്ച് ക്രെഡിറ്റ് നേടാനുള്ള ശ്രമത്തിലാണ് സര്‍ക്കാര്‍. പ്രതിപക്ഷം പറയുന്നത് കേള്‍ക്കാന്‍ സര്‍ക്കാര്‍ തയാറാകുന്നില്ലെന്നും പ്രതിപക്ഷനേതാവ് കുറ്റപ്പെടുത്തി. കെപിസിസി നിര്‍വാഹകസിമതി അംഗം എം.പി. ജാക്‌സന്‍ അധ്യക്ഷത വഹിച്ചു. ഡിസിസി പ്രസിഡന്റ് എം.പി. വിന്‍സെന്റ്, ഡിസിസി നേതാക്കളായ ജോസ് വളളൂര്‍, എം.എസ്. അനില്‍കുമാര്‍, ആന്റോ പെരുമ്പിള്ളി, സോണിയഗിരി, കെ.കെ. ശോഭനന്‍, സതീഷ് വിമലന്‍, സോമന്‍ ചിറ്റേത്ത്, ബ്ലോക്ക് പ്രസിഡന്റുമാരായ ടി.വി. ചാര്‍ളി, കെ.കെ. ജോണ്‍സന്‍ എന്നിവര്‍ പങ്കെടുത്തു. നഗരസഭയിലെ 41 വാര്‍ഡുകളില്‍ നിന്നും തെരഞ്ഞെടുക്കപ്പെട്ട മൂവായിരത്തോളം പേര്‍ക്കാണ് വാക്‌സിന്‍ നല്കിയത്.
About Author
പൊടിശല്യം രൂക്ഷം; കരുവന്നൂര്‍ വാട്ടര്‍ അഥോറിറ്റിക്ക് മുമ്പില്‍ പൊറത്തിശേരി മണ്ഡലം കോണ്‍ഗ്രസ് കമ്മിറ്റി പ്രതിഷേധസംഗമം നടത്തി 
ഇഴജന്തുക്കളുടെ കേന്ദ്രമായി കെഎസ്ഇബി കെട്ടിടം 
പൊറത്തൂച്ചിറ മലിനപ്പെടുത്തല്‍; നഗരഹൃദയത്തില്‍ പ്രവര്‍ത്തിക്കുന്ന മോക്കോ കഫേയ്ക്ക് 25000 രൂപ പിഴ; പ്രവര്‍ത്തിച്ചിരുന്നത് ലൈസന്‍സില്ലാതെ 
ബാപ്പുജി സ്റ്റേഡിയത്തില്‍കളി തുടരാം 
തൃശൂര്‍- കൊടുങ്ങല്ലൂര്‍ റോഡ് നിര്‍മാണത്തില്‍ അശാസ്ത്രീയതയും മെല്ലെപ്പോക്കും- കേരള കോണ്‍ഗ്രസ് 
പൊറത്തൂച്ചിറയിലെ മാലിന്യ പ്രശ്‌നം; ഓടയിലേക്ക് മാലിന്യം ഒഴുക്കി വിട്ടതായി ആരോഗ്യ വിഭാഗം കണ്ടെത്തി 
