കരുവന്നൂര്‍ സെന്റ് മേരീസ് പള്ളിയില്‍ തിരുനാളിന് കൊടികയറി
കരുവന്നൂര്‍ സെന്റ് മേരീസ് പള്ളിയിലെ തിരുനാളിന് ഫാ. പയസ് ചിറപ്പണത്ത് കൊടിയേറ്റുന്നു. വികാരി ഫാ. ഡേവിസ് കല്ലിങ്ങല്‍ സമീപം.
കരുവന്നൂര്‍: സെന്റ് മേരീസ് പള്ളിയില്‍ വിശുദ്ധ സെബസ്ത്യാനോസിന്‍റെ തിരുനാളിന് കൊടികയറി. കാട്ടൂര്‍ പള്ളി വികാരി ഫാ. പയസ് ചിറപ്പണത്ത് കൊടിയേറ്റ് നിര്‍വഹിച്ചു. വികാരി ഫാ. ഡേവിസ് കല്ലിങ്ങല്‍, തിരുനാള്‍ ജനറല്‍ കണ്‍വീനര്‍ പോള്‍ തെക്കൂടന്‍, കൈക്കാരന്‍മാരായ ഫ്രാന്‍സിസ് പാറേമല്‍, റിസന്‍ പെരുമ്പുള്ളി എന്നിവര്‍ സന്നിഹിതരായിരുന്നു. 25, 26, 27 തിയതികളിലാണ് തിരുനാള്‍.
24 വരെയുള്ള ദിവസങ്ങളില്‍ വൈകീട്ട് 5.30ന് ദിവ്യബലി, ലദീഞ്ഞ്, നൊവേന എന്നിവ ഉണ്ടായിരിക്കും. 25ന് രാവിലെ 6.30ന് പ്രസുദേന്തിവാഴ്ച, ദിവ്യബലി, ലദീഞ്ഞ്, നൊവേന, രൂപം എഴുന്നള്ളിച്ചുവയ്ക്കല്‍ എന്നിവക്ക് ഫാ. ലിന്‍സ് മേലേപ്പുറം സിഎംഐ കാര്‍മികനായിരിക്കും. തുടര്‍ന്ന് കുടുംബങ്ങളിലേക്ക് അമ്പ് എഴുന്നള്ളിപ്പ്. രാത്രി 10ന് അമ്പ് പ്രദക്ഷിണങ്ങള്‍ പള്ളിയില്‍ സമാപിക്കും. തിരുനാള്‍ ദിനമായ 26ന് രാവിലെ 6.30ന് ദിവ്യബലി, 10.30ന് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. മെല്‍വിന്‍ പെരേപ്പാടന്‍ മുഖ്യകാര്‍മികത്വം വഹിക്കും. പിഒസി ഡയറക്ടര്‍ ഫാ. ജോജു കോക്കാട്ട് തിരുനാള്‍സന്ദേശം നല്‍കും. ഇടവകയിലെ വൈദികള്‍ സഹകാര്‍മികരായിരിക്കും.
വൈകീട്ട് 4.30ന് തിരുനാള്‍ പ്രദക്ഷിണം ആരംഭിച്ച് രാത്രി ഏഴിന് പള്ളിയില്‍ സമാപിക്കും. പരേതരുടെ അനുസ്മരണദിനമായ 27ന് രാവിലെ 6.30ന് ദിവ്യബലി, പൊതുഒപ്പീസ്, രാത്രി ഏഴിന് മെഗാ ഷോ ഉണ്ടായിരിക്കും. എട്ടാമിട തിരുനാള്‍ദിനമായ ഫെബ്രുവരി രണ്ടിന് രാവിലെ 6.30ന് ആഘോഷമായ ദിവ്യബലി, ലദീഞ്ഞ്, നൊവേന, സന്ദേശം എന്നിവ ഉണ്ടായിരിക്കും. തിരുനാളിന്‍റെ വിജയത്തിനായി വികാരി ഫാ. ഡേവിസ് കല്ലിങ്ങല്‍, കൈക്കാരന്‍മാരായ ഫ്രാന്‍സിസ് പാറേമല്‍, റിസണ്‍ പെരുമ്പുള്ളി, ജനറല്‍ കണ്‍വീനര്‍ പോള്‍ തെക്കൂടന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റി പ്രവര്‍ത്തിക്കുന്നു.
About Author
സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദുവിന്റെ ഇടപെടലില്‍ വയോധികന്‍ സദാനന്ദന് സംരക്ഷണമൊരുങ്ങി 
കല്ലേറ്റുംകര ഉണ്ണിമിശിഹാ ദേവാലയത്തില്‍ തിരുനാളിന് കൊടികയറി 
ഓപ്പറേഷന്‍ സ്‌നാക്ക്‌സ് ഹണ്ട്, അപാകതകള്‍ കണ്ടെത്തിയ നാലു സ്ഥാപനങ്ങള്‍ക്ക് നോട്ടീസ് നല്‍കി 
പാദുവാനഗര്‍ സെന്റ് ആന്റണീസ് ദേവാലയത്തില്‍ തിരുനാളിന് കൊടികയറി 
ജനശ്രദ്ധയാകര്‍ഷിച്ച് ക്രൈസ്റ്റ് എന്‍ജിനീയറിംഗ് കോളജ് ഒരുക്കിയ ഇലക്ട്രിക് വാഹന പ്രദര്‍ശനം 
സിനി ഡേവിസ് കാവുങ്ങല്‍ ഇരിങ്ങാലക്കുട രൂപത മാതൃവേദി പ്രസിഡന്റ്, സെലിന്‍ ജെയ്‌സണ്‍ സെക്രട്ടറി 
