മാലിന്യ സംസ്‌കരണം; കാറളത്തും കാട്ടൂരിലും വിജിലന്‍സ് പരിശോധന
ഇരിങ്ങാലക്കുട: കാറളം, കാട്ടൂര്‍ പഞ്ചായത്തുകളിലെ വിവിധ സ്ഥാപനങ്ങളില്‍ മാലിന്യ സംസ്‌കരണവുമായി ബന്ധപ്പെട്ട വിജിലന്‍സ് സ്‌ക്വാഡ് പരിശോധനനടത്തി. പരിശോധനയില്‍ കാറളം പഞ്ചായത്തില്‍ മാലിന്യം അലക്ഷ്യമായി കൈകാര്യംചെയ്ത സ്ഥാപനങ്ങളില്‍നിന്ന് പിഴയീടാക്കി. വിജിലന്‍സ് സ്‌ക്വാഡ് കണ്‍വീനറായ കാറളം പഞ്ചായത്തിലെ ഹെല്‍ത്ത് ഇന്‍സ്‌പെക്ടര്‍ കെ.എം. ഉമേഷിന്‍റെ നേതൃത്വത്തില്‍ ടി.ബി. ഐശ്വര്യ, ചിന്താ സുഭാഷ്, റഷീദ് എന്നിവര്‍ പരിശോധനയില്‍ പങ്കെടുത്തു.
കാട്ടൂര്‍ പഞ്ചായത്തിലെ വിവിധ സ്ഥാപനങ്ങളില്‍ മാലിന്യസംസ്‌കരണവുമായി ബന്ധപ്പെട്ട വിജിലന്‍സ് സ്‌ക്വാഡ് മിന്നല്‍പ്പരിശോധന നടത്തി. വിവിധ വ്യാപാരസ്ഥാപനങ്ങളില്‍ നടത്തിയ പരിശോധനയില്‍ ജൈവ, അജൈവ മാലിന്യങ്ങള്‍ അലക്ഷ്യമായി കൈകാര്യം ചെയ്ത സ്ഥാപനങ്ങള്‍ക്ക് പിഴ ചുമത്തി. ഹെല്‍ത്ത് കാര്‍ഡില്ലാത്ത തൊഴിലാളികള്‍ പണിയെടുക്കുന്ന മൂന്നു ഹോട്ടലുകള്‍ക്ക് നോട്ടീസ് നല്‍കി.
സ്‌ക്വാഡ് കണ്‍വീനര്‍ കെ.എം. ഉമേഷ് പരിശോധനയ്ക്ക് നേതൃത്വംനല്‍കി. സി.എം. അനൂപ്, എം.ജെ. ഇന്ദു തുടങ്ങിയവര്‍ പരിശോധനയില്‍ പങ്കെടുത്തു. പരിശോധന കര്‍ശനമാക്കുമെന്ന് കാട്ടൂര്‍ പഞ്ചായത്ത് സെക്രട്ടറി വി.എ. ഉണ്ണികൃഷ്ണന്‍ അറിയിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
