കാറളത്ത് വീടിന്റെ പൂട്ട് പൊളിച്ച് മോഷണം. പത്തുപവനോളം തൂക്കം വരുന്ന സ്വര്‍ണാഭരണങ്ങള്‍ നഷ്ടപ്പെട്ടു
ഇരിങ്ങാലക്കുട: പട്ടാപ്പകല്‍ വീടിന്റെ പൂട്ട് പൊളിച്ച് മോഷണം. കാറളം നന്തിയിലെ ഗെയില്‍ ഓഫീസിന് സമീപം താമസിക്കുന്ന പൊന്നാനി പ്രേമന്റെ വീട്ടിലാണ് മോഷണം നടന്നത്. പ്രേമന്റെ സഹോദരനെ ആശുപത്രിയില്‍ കൊണ്ടുപോയി തിരികെ വന്നപ്പോഴാണ് മോഷണവിവരം അറിയുന്നത്. പ്രേമന്റെ ഭാര്യ ജോലിക്കും മക്കള്‍ സ്‌കൂളിലും പോയതിനാല്‍ വീട്ടില്‍ ആരും ഉണ്ടായിരുന്നില്ല. ആശുപത്രിയില്‍ നിന്നും വന്നപ്പോള്‍ വീടിന്റെ മുന്‍ഭാഗത്തെ പൂട്ട് തകര്‍ന്ന നിലയില്‍ കാണപ്പെട്ടു. തുടര്‍ന്ന് നടന്ന പരിശോധനയില്‍ അലമാരയില്‍ സൂക്ഷിച്ചിരുന്ന സ്വര്‍ണാഭരണങ്ങള്‍ നഷ്ടപ്പെട്ടതായി കണ്ടെത്തുകയായിരുന്നു. പത്തുപവന്‍ സ്വര്‍ണാഭരണങ്ങളാണ് നഷ്ടപ്പെട്ടത്. അലമാരയിലെ വസ്ത്രങ്ങളും വലിച്ചുവാരിയിട്ട നിലയിലായിരുന്നു. വീടിന്റെ പിന്‍വാതില്‍ തുറന്നുകിടന്ന നിലയിലായിരുന്നു. മോഷ്ടാവ് ഇതുവഴിയായിരിക്കാം രക്ഷപ്പെട്ടതെന്ന് കരുതുന്നു. കാട്ടൂര്‍ സിഐ ആര്‍. ബൈജുവിന്റെ നേതൃത്വത്തിലുള്ള സംഘം സ്ഥലത്തെത്തി അന്വേഷണം നടത്തി. കൂടുതല്‍ വസ്തുക്കള്‍ മോഷണം പോയിട്ടുണ്ടോയെന്ന് അന്വേഷിച്ചുവരികയാണ്.
About Author
ഭൂമിയുടെ ന്യായവിലയിലെ വര്‍ധന: എടതിരിഞ്ഞിയില്‍ കേരള കോണ്‍ഗ്രസ് ധര്‍ണ നടത്തി 
കല്‍പ്പണിയുടെ മറവില്‍ ബ്രൗണ്‍ഷുഗര്‍ വില്‍പന: വെസ്റ്റ് ബംഗാള്‍ സ്വദേശി പിടിയില്‍ 
എടക്കുളം സെന്റ് സെബാസ്റ്റിയന്‍സ് ദേവാലയത്തില്‍ തിരുനാള്‍ ഇന്നും നാളെയും 
സമ്പൂര്‍ണ സഹായക ഉപകരണ ലഭ്യത ഉറപ്പാക്കല്‍: നേട്ടം കൈവരിച്ച് ആളൂര്‍ പഞ്ചായത്ത് 
വിപിന്‍ പാറേമേക്കാട്ടിലിനെ റോട്ടറി ഡിസ്ടിക്ട് ആദരിച്ചു 
ആനീസ് കൊലപാതകം; നേരറിയാന്‍ സിബിഐ വരില്ല, അന്വേഷണം ക്രൈംബ്രാഞ്ചിനു തന്നെ 
