പെരുംതോട്ടില് കക്കൂസ് മാലിന്യം തള്ളുന്നതായി പരാതി, നടപടി വൈകുന്നു
ഇരിങ്ങാലക്കുട: നഗരസഭ 19-ാം വാര്ഡിലെ പെരുംതോട്ടില് കക്കൂസ് മാലിന്യം തള്ളുന്നതായി പരാതി. ഇതുസംബന്ധിച്ച് 19-ാം വാര്ഡിലെ പ്രദേശവാസികള് നഗരസഭ സെക്രട്ടറിക്കും ആരോഗ്യവകുപ്പ് ഇന്സ്പെക്ടര്ക്കും പരാതി നല്കി. ഡയബറ്റിക്സ് സെന്റര് ആശുപത്രിക്കു സമീപത്തുകൂടി ഒഴുകുന്ന പെരുംതോട്ടില് കക്കൂസ് മാലിന്യം ഒഴുക്കുന്നുത് പതിവായിരിക്കുകയാണ്. രാത്രിയില് ടാങ്കര് ലോറിയില് കൊണ്ടുവന്ന കക്കൂസ് മാലിന്യം ഈ തോടിനോട് ചേര്ത്തു നിര്ത്തി തോട്ടിലേക്ക് ഒഴുക്കിവിടുകയായിരുന്നു. കഴിഞ്ഞ മാസവും ഇതുപോലെ സംഭവിച്ചതായി പരിസരവാസികള് പറയുന്നു. ഈ തോടിനോട് ചേര്ന്നാണു കുടിവെള്ള സ്രോതസായ കിണറുകളും സ്ഥിതിചെയ്യുന്നത്. കക്കൂസ് മാലിന്യം ഈ തോടിലൂടെ ഒഴുക്കുന്നതുമൂലം അതിലെ ബാക്ടീരിയകളും മറ്റും ഈ കിണറുകളിലേക്ക് ഒഴുകിയെത്തുമെന്നു പരാതിയില് പറയുന്നു. ഇതുമൂലം പകര്ച്ചവ്യാധികളടക്കമുള്ള രോഗങ്ങള് പിടിപെടുവാനും സാധ്യതയുണ്ട്. കൊച്ചു കുട്ടികളടക്കമുള്ള നിരവധിപേരാണ് ഇതുമൂലം ബുദ്ധിമുട്ടുന്നത്. പല രോഗങ്ങള്ക്കും ചികില്സയില് കഴിയുന്നവര് പ്രദേശത്തുണ്ട്. അസഹനീയമായ ദുര്ഗന്ധം മൂലം ഈ റോഡുകളിലൂടെ സഞ്ചരിക്കാനും സാധിക്കാത്ത അവസ്ഥയാണ്. സിസിടിവി കാമറയില് വാഹനത്തിന്റെ ദൃശ്യങ്ങള് പതിഞ്ഞിട്ടുണ്ട്. ഈ ദൃശ്യങ്ങള് നഗരസഭാ അധികൃതര്ക്കു നല്കിയിട്ടും യാതൊരു നടപടിയും സ്വീകരിച്ചീട്ടില്ല.
About Author
ഭവനരഹിതര്ക്ക് ഭവനപദ്ധതിയുമായി താഴെക്കാട് മേജര് ആര്ക്കി എപ്പിസ്കോപ്പല് തീര്ഥാടന കേന്ദ്രം 
ഇരിങ്ങാലക്കുട ടൗണ് അര്ബന് കോ ഓപ്പറേറ്റീവ് ബാങ്കിലെ പ്രതിസന്ധി; പുനര്ജീവനപദ്ധതിയുമായി അഡ്മിനിസ്ട്രേറ്റീവ് കമ്മിറ്റി 
ഓപ്പറേഷന് തൂഫാന്: കയ്പമംഗലത്ത് ഹാഷിഷ് ഓയില് പിടികൂടിയ കേസില് പ്രതികളുടെ ലക്ഷങ്ങള് വിലമതിക്കുന്ന സ്വത്തുക്കള് കണ്ടുകെട്ടി 
സഷ്മിര മേനോന് മിസ് ടീന് പ്രൈഡ് ഓഫ് കേരള സെക്കന്ഡ് റണ്ണറപ്പ് പട്ടം 
ഇരിങ്ങാലക്കുട റെയില്വേ സ്റ്റേഷന് വികസനം: ഒരു ലക്ഷം പേരുടെ ഭീമഹര്ജിക്ക് ഒപ്പുശേഖരണം തുടങ്ങി 
സഖാവ് പി.കെ. ചാത്തന് മാസ്റ്റര് കമ്യൂണിസ്റ്റുകാരുടെ വഴികാട്ടി: ബിനോയ് വിശ്വം 
