പൂവത്തുംകടവ് പാലത്തിനുസമീപം മാലിന്യം തള്ളല്‍ രൂക്ഷമാകുന്നു

വള്ളിവട്ടം: വെള്ളാങ്കല്ലൂര്‍-മതിലകം പഞ്ചായത്തുകളെ ബന്ധിപ്പിക്കുന്ന പൂവത്തുംകടവ് പാലത്തിനുസമീപം മാലിന്യം തള്ളല്‍ രൂക്ഷമാകുന്നു. പാലത്തിനുസമീപമുള്ള അനുബന്ധ റോഡിനോടുചേര്‍ന്നുള്ള ഭാഗത്താണ് മാലിന്യം തള്ളുന്നത്. കിറ്റുകളിലും ചാക്കുകളിലും മറ്റുമായി കൊണ്ടിടുന്നവയും ഭക്ഷണാവശിഷ്ടങ്ങളും റോഡരികിലും സമീപത്തുള്ള കുറ്റിച്ചെടികള്‍ നിറഞ്ഞ താഴ്ന്ന ഭാഗത്തും കാണാം. കോണത്തുകുന്നില്‍നിന്ന് കൊടുങ്ങല്ലൂര്‍ക്കുള്ള വാഹനങ്ങള്‍ ഈ വഴിയെ തിരിച്ചുവിടുന്നതിനാല്‍ ഒട്ടേറെ വാഹനങ്ങളാണ് ഈ വഴി പോകുന്നത്. പാലത്തിനുസമീപം വെളിച്ചമില്ലാത്തത് മാലിന്യം തള്ളല്‍ വര്‍ധിക്കാന്‍ കാരണമാകുന്നുണ്ട്. മാലിന്യം മൂലം തെരുവുനായ്ക്കളുടെ ശല്യവും വര്‍ധിക്കുന്നുണ്ട്. രാത്രികാലങ്ങളില്‍ പോലീസ് പട്രോളിംഗ് വര്‍ധിപ്പിക്കണമെന്നും മാലിന്യം തള്ളുന്നവരെ കണ്ടെത്തി നടപടികള്‍ സ്വീകരിക്കണമെന്നും നാട്ടുകാര്‍ പറഞ്ഞു.

About Author

IjkNews Office

See author's posts