പുനര്‍നിര്‍മ്മിച്ച ചാത്തന്‍ മാസ്റ്റര്‍ മെമ്മോറിയല്‍ ഹാള്‍ നാടിന് സമര്‍പ്പിച്ചു
അടിസ്ഥാന ചിലവുകള്‍ മാത്രം ഈടാക്കി പട്ടികജാതി വിഭാഗങ്ങള്‍ക്ക് ഹാള്‍ സൗജന്യമായി നല്‍കണമെന്ന് മന്ത്രി
ഇരിങ്ങാലക്കുട: സാമൂഹിക പരിഷ്‌കര്‍ത്താക്കളുടെ നേതൃത്വത്തില്‍ നടന്ന പോരാട്ടങ്ങളെ വിസ്മരിച്ച് കൊണ്ട് ഒരു ജനതക്കും മുന്നോട്ട് പോകാന്‍ കഴിയില്ലെന്ന് പട്ടികജാതി പട്ടിക വര്‍ഗ പിന്നോക്ക ക്ഷേമ ദേവസ്വം വകുപ്പ് മന്ത്രി കെ. രാധാകൃഷ്ണന്‍. പട്ടികജാതി വികസന ഫണ്ടില്‍ നിന്നും മൂന്നരക്കോടി രൂപ ചിലവഴിച്ച് മാപ്രാണം സെന്ററില്‍ പുനര്‍നിര്‍മിച്ച ചാത്തന്‍മാസ്റ്റര്‍ മെമ്മോറിയല്‍ ഹാളിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. നവോത്ഥാന സമരങ്ങളുടെ ഓര്‍മ്മകള്‍ പുതുക്കുന്ന കാലഘട്ടം കൂടിയാണ് കടന്ന് പോകുന്നതെന്ന് വൈക്കം സത്യാഗ്രഹത്തിന്റെ നാള്‍ വഴികളും നൂറാം വാര്‍ഷികാഘോഷങ്ങളും ചൂണ്ടിക്കാട്ടി മന്ത്രി പറഞ്ഞു. വഴി നടക്കാനുള്ള അവകാശത്തിന് വേണ്ടി ചാത്തന്‍ മാസ്റ്ററുടെ നേതൃത്വത്തില്‍ നടന്ന കുട്ടംകുളം സമരത്തെയും എടുത്ത് പറയേണ്ടതുണ്ട്. വൈദ്യുതി, വെള്ളം തുടങ്ങിയ ചാര്‍ജുകള്‍ മാത്രം ഈടാക്കി ഹാള്‍ പട്ടികജാതി വിഭാഗങ്ങള്‍ക്ക് സൗജന്യമായി നല്‍കണമെന്ന് മന്ത്രി ആവശ്യപ്പെട്ടു. ചാത്തന്‍ മാസ്റ്റര്‍ മെമ്മോറിയല്‍ ഹാള്‍ എന്നതിന് പകരം സ്മാരക മന്ദിരം എന്ന് നാമകരണം ചെയ്യണമെന്നും ഇത് സംബന്ധിച്ച് കൗണ്‍സില്‍ തീരുമാനിക്കണമെന്നും മന്ത്രി നിര്‍ദേശിച്ചു. ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍. ബിന്ദു അധ്യക്ഷയായിരുന്നു. നഗരസഭ ചെയര്‍പേഴ്‌സണ്‍ സോണിയ ഗിരി, വൈസ് ചെയര്‍മാന്‍ ടി.വി. ചാര്‍ലി, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ സുജ സഞ്ജീവ്കുമാര്‍, സി.സി. ഷിബിന്‍, അംബിക പള്ളിപ്പുറത്ത്, കൗണ്‍സിലര്‍മായ സി.എം. സാനി, അഡ്വ. കെ.ആര്‍. വിജയ, സന്തോഷ് ബോബന്‍, അല്‍ഫോണ്‍സ തോമസ്, പി.ടി. ജോര്‍ജ്, മുനിസിപ്പല്‍ എഞ്ചിനീയര്‍ ഗീതകുമാരി, സൂപ്രണ്ട് ദിലീഷ് തുടങ്ങിയവര്‍ സംസാരിച്ചു.
About Author
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
