അറിവിന്റെ നിറവെളിച്ചം; ശതാബ്ദി നിറവില്‍ അവിട്ടത്തൂര്‍ ഹോളി ഫാമിലി സ്‌കൂള്‍
ശതാബ്ദി ആഘോഷിക്കുന്ന അവിട്ടത്തൂര്‍ ഹോളി ഫാമിലി സ്‌കൂള്‍.
ഇരിങ്ങാലക്കുട: അവിട്ടത്തൂരിന്റെ തിലകകുറിയായി നിലകൊള്ളുന്ന ഹോളി ഫാമിലി സ്‌കൂള്‍ 100 വര്‍ഷം പിന്നിടുകയാണ്. അവിട്ടത്തൂര്‍ ഗ്രാമ പ്രദേശത്തെ നിവാസികളുടെ അക്ഷര ഞ്ജാനത്തിന്റെ പ്രകാശ ഗോപുരമാണ് ഈ വിദ്യാലയം. ഒരു നൂറ്റാണ്ട് മുമ്പ് ഗ്രാമീണ നിവാസികള്‍ ഗുരുകുല വിദ്യാഭ്യാസത്തേയും പാരമ്പര്യാശാന്‍മാരേയും ആശ്രയിച്ച് അക്ഷരഭ്യാസം നടത്തിയിരുന്ന കാലം.
അവിട്ടത്തൂര്‍ നിവാസികള്‍ തങ്ങളുടെ പിഞ്ചുപൈതങ്ങള്‍ക്കു ആധുനിക രീതിയിലുള്ള പ്രാഥമിക വിദ്യാഭ്യാസം ലഭിക്കണമെന്ന ആഗ്രഹത്തോടെ നടത്തിയ അശ്രാന്ത പരിശ്രമത്തിന്റെ ഫലമായി അന്നത്തെ ഗവണ്‍മെന്റ് 1922 ല്‍ അവിട്ടത്തൂര്‍ പള്ളിയുടെ മാനേജ്‌മെന്റിനു കീഴില്‍ ഒരു പ്രൈമറി സ്‌കൂള്‍ അനുവദിച്ചു. കോക്കാട്ട് ദേവസി കൊച്ചുപൗലോസ് ആയിരുന്നു സ്‌കൂള്‍ മാനേജര്‍.
സ്ഥലക്കുറവിനാലും മറ്റു ചില സാങ്കേതിക കാരണങ്ങളാലും പിറ്റേ വര്‍ഷം 1923 ല്‍ ഗവണ്‍മെന്റ് ഈ സ്‌കൂളിന്റെ അംഗീകാരം പിന്‍വലിച്ചു. വീണ്ടും നാട്ടുകാരുടെ ആത്മാര്‍ത്ഥ പരിശ്രമത്തിന്റെ ഫലമായി 1925 ല്‍ വിദ്യാലയം പ്രവര്‍ത്തനമാരംഭിച്ചു. ആദ്യവര്‍ഷം ഒന്നാം ക്ലാസ് മാത്രമാണ് ഉണ്ടായിരുന്നത്. കൊല്ലംതോറും ക്ലാസുകള്‍ ആരംഭിച്ച് 1928 ല്‍ മാത്രമാണ് ഈ സ്ഥാപനം ഒരു പ്രാഥമിക വിദ്യാലയത്തിന്റെ പൂര്‍ണവളര്‍ച്ചയിലെത്തിയത്. അന്ന് വിദ്യാലയത്തിന്റെ പ്രഥമ മാനേജര്‍ പൊഴോലിപറമ്പന്‍ റപ്പായികുഞ്ഞുവറീതും പ്രഥമ ഗുരുനാഥന്‍ ഒ.ഡി. കൊച്ചാക്കോ മാസ്റ്ററും പ്രഥമശിഷ്യന്‍ തൊമ്മാന ആഗസ്തി കൊച്ചുദേവസിയുമായിരുന്നു.
വര്‍ഷങ്ങള്‍ക്കുശേഷം പള്ളി ഇടവകാംഗങ്ങളുടെ ആഗ്രഹപ്രകാരം ഈ ഇടവകയില്‍ ഒരു കന്യസ്ത്രീമഠം വരുത്തണമെന്ന് നിശ്ചയിച്ചു. ഈ ദേവാലയവും വിദ്യാലയും തിരുകുടുംബ നാമധേയത്തില്‍ അറിയപ്പെടുന്നതിനാല്‍ തിരുകുടുംബ മഠക്കാര്‍ക്കു തന്നെ 1962 ല്‍ വിദ്യാലയ ഭരണം ഏല്‍പ്പിച്ചുകൊടുക്കാമെന്ന് പള്ളിയോഗത്തില്‍ തീരുമാനിക്കുകയും 1964 ല്‍ ഭരണം ഏല്‍പ്പിച്ചുകൊടുക്കുകയും ചെയ്തു.
അക്കാലഘട്ടത്തില്‍ സിസ്റ്റര്‍ ബിബിയാന മാനേജരും ഒ.ഡി. കൊച്ചാക്കുമാസ്റ്റര്‍ പ്രധാനധ്യാപകനും സിസ്റ്റര്‍ ഡിമിന നഴ്‌സറിയുടെ ഇന്‍ ചാര്‍ജും ആയിരുന്നു. പിന്നീട് സിസ്റ്റര്‍ ആനി ഗ്രേയ്‌സ് മാനേജരും സിസ്റ്റര്‍ ആനന്ദ് പ്രധാനാധ്യാപികയുമായിരുന്ന 2004 ല്‍ വിദ്യാലയം പുതുക്കി പണിതു. സിസ്റ്റര്‍ ഹെലന്‍ ഇന്‍ ചാര്‍ജ് ആയിരുന്ന കാലഘട്ടത്തില്‍ നഴ്‌സറിയും നവീകരിച്ചു. വിദ്യാലയത്തി്‍ ഇന്ന് ഏകദേശം മുന്നൂറോളം വിദ്യാര്‍ഥികള്‍ക്ക് വഴികാട്ടിയായി അധ്യാപകരും അനധ്യാപകരുമായി 15 പേര്‍ സേവനം ചെയ്യുന്നുണ്ട്.
ജൂബിലിയാഘോഷം നാളെയും മറ്റന്നാളും
നാളെ വൈകീട്ട് 4.30 ന് നടക്കുന്ന പൊതു സമ്മേളനം ബിഷപ്പ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്യും. പ്രശസ്ത സംഗീത സംവിധായകന്‍ ഔസേപ്പച്ചന്‍ മുഖ്യാഥിതി ആയിരിക്കും. പാവനാത്മ പ്രൊവിന്‍സ് പ്രൊവിന്‍ഷ്യല്‍ സിസ്റ്റര്‍ ഡോ. ട്രീസ ജോസഫ് അധ്യക്ഷത വഹിക്കും. അവിട്ടത്തൂര്‍ ഇടവക വികാരി ഫാ. റെനില്‍ കാരാത്ര, മുന്‍വികാരി ഫാ. ഡേവീസ് അമ്പൂക്കന്‍, പ്രധാനധ്യാപിക സിസ്റ്റര്‍ ജെസ്സീന, വേളൂക്കര പഞ്ചായത്ത് പ്രസിഡന്റ് കെ.എസ്. ധനീഷ് തുടങ്ങിയവര്‍ പങ്കെടുക്കും. 22 ന് നടക്കുന്ന പൊതു സമ്മേളനം ഉന്നത വിദ്യാഭ്യസ വകുപ്പു മന്ത്രി ഡോ. ആര്‍. ബിന്ദു ഉദ്ഘാടനം ചെയ്യും. പാവനാത്മ പ്രൊവിന്‍സ് പ്രൊവിന്‍ഷ്യല്‍ കൗണ്‍സിലര്‍ സിസ്റ്റര്‍ ഡെല്‍സി പൊറുത്തൂര്‍ അധ്യക്ഷത വഹിക്കും. മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി, ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രന്‍ എന്നിവര്‍ പങ്കെടുക്കും.
About Author
ആനന്ദപുരം ശ്രീകൃഷ്ണ ഹയര്‍സെക്കന്ററി സ്‌കൂളിന്റെ എഴുപത്തിരണ്ടാമത് വാര്‍ഷികാഘോഷം 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി കാട്ടൂര്‍ വില്ലേജ് ഓഫീസര്‍ ആഷ ഇഗ്നേഷ്യസ് 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി മുരിയാട് വില്ലേജ് ഓഫീസര്‍ സിജു ജോസഫ് 
ക്രൈസ്റ്റ് കോളജിലെ കാര്‍ഷിക ഉദ്യാനത്തിന് അക്ഷയശ്രീ പുരസ്‌കാരം 
കേന്ദ്രബജറ്റ് ജനകീയം; ഇരിങ്ങാലക്കുടയില്‍ പ്രധാനമന്ത്രിക്ക് പോസ്റ്റ് കാര്‍ഡുകള്‍ അയച്ച് ബിജെപി 
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
