സ്‌കില്‍ ഡവലപ്പ്‌മെന്റ് ഇന്‍ഡസ്ട്രിയല്‍ കോ-ഓപ്പറേറ്റീവ് സൊസൈറ്റി
കാട്ടൂര്‍: ഗ്രാമപഞ്ചായത്തിലെ സ്‌കില്‍ ഡവലപ്പ്‌മെന്റ് ഇന്‍ഡസ്ട്രിയല്‍ കോ-ഓപ്പറേറ്റീവ് സൊസൈറ്റിയുടെ ഉദ്ഘാടനം ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു നിര്‍വഹിച്ചു. സംസ്ഥാന സര്‍ക്കാരിന്റെ നൈപുണ്യ വികസന പദ്ധതിയിലുള്‍പ്പെടുത്തി ആരംഭിച്ച ഈ വ്യവസായ സംഘത്തിലൂടെ വിദഗ്ധ തൊഴിലാളികള്‍ക്കു തൊഴിലവസരങ്ങള്‍ സൃഷ്ടിക്കുന്നതിനും വരുമാനം ഉറപ്പു വരുത്തുന്നതിനും അവിദഗ്ധ തൊഴിലാളികള്‍ക്കു പരിശീലനം നല്‍കുന്നതിനുമാണു ലക്ഷ്യമിടുന്നത്. കാട്ടൂര്‍ ഗവ. ഹൈസ്‌കൂള്‍ പരിസരത്തെ സംഘം ഓഫീസില്‍ വെച്ചു ചേര്‍ന്ന ഉദ്ഘാടന ചടങ്ങില്‍ കാട്ടൂര്‍ ഗ്രാമപഞ്ചായത്ത് പ്രസിഡന്റ് ഷീജ പവിത്രന്‍ അധ്യക്ഷത വഹിച്ചു. തൃശൂര്‍ ജില്ലാ വ്യവസായ കേന്ദ്രം ഡെപ്യൂട്ടി രജിസ്ട്രാര്‍ ടി.എസ്. മായാദേവി, മുകുന്ദപുരം താലൂക്ക് വ്യവസായ ഓഫീസര്‍ വി.എസ്. ജലജ, മുകുന്ദപുരം താലൂക്ക് വ്യവസായ ഓഫീസ് സഹകരണ ഇന്‍സ്‌പെക്ടര്‍ മെറിന്‍ ജോര്‍ജ്, സംഘം രക്ഷാധികാരി എന്‍.ബി. പവിത്രന്‍, സംഘം പ്രസിഡന്റ് കെ.സി. മണിക്കുട്ടന്‍, സെക്രട്ടറി മില്‍സ തോമസ് എന്നിവര്‍ പ്രസംഗിച്ചു.
About Author
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
പൂമംഗലം പഞ്ചായത്ത് കുടുംബാരോഗ്യ കേന്ദ്രത്തില്‍ ഫിസിയോ തെറാപ്പി വിഭാഗം ഉദ്ഘാടനം ചെയ്തു 
തൃശൂര്‍ ജില്ലയില്‍ ആദ്യമായി എല്ലാ അയല്‍കൂട്ടങ്ങളെയും ഹരിത അയല്‍ക്കൂട്ടങ്ങളാക്കി കാട്ടൂര്‍ ഗ്രാമപ്പഞ്ചായത്ത് 
പി. ഗോപിനാഥ് പൂമംഗലം സര്‍വീസ് സഹകരണ ബാങ്ക് പ്രസിഡന്റ് 
പടിയൂര്‍ പൂമംഗലം പഞ്ചായത്തുകളെ ബന്ധിപ്പിക്കുന്ന അവുണ്ടര്‍ ചാല്‍ പാലത്തിന് കാത്തിരിപ്പ് നീളുന്നു 
ആരോഗ്യത്തിന് അറിവിന്റെ ശൃംഖല ബോധവല്‍ക്കരണത്തിനായി പുതുവഴി തീര്‍ക്കാന്‍ വേളൂക്കര 
