നഗരസഭയിലെ 41 വാര്‍ഡുകളിലും വാര്‍ഡു വികസന സമിതികള്‍ ആരംഭിച്ച് റിപ്പോര്‍ട്ട് ചെയ്യുവാന്‍ സെക്രട്ടറിയോട് ഓംബുഡ്‌സ്മാന്‍
ഇരിങ്ങാലക്കുട: നഗരസഭയിലെ 41 വാര്‍ഡുകളിലും അയല്‍സഭകള്‍, വാര്‍ഡ് വികസന സമിതികള്‍, വാര്‍ഡ് കേന്ദ്രങ്ങള്‍ എന്നിവ ഉടനെ ആരംഭിച്ച് റിപ്പോര്‍ട്ട് ചെയ്യുവാന്‍ നഗരസഭ സെക്രട്ടറിയോട് ഓംബുഡ്‌സ്മാന്‍ ആവശ്യപ്പെട്ടതായി ആംആദ്മി പാര്‍ട്ടി ഇരിങ്ങാലക്കുട നിയോജകമണ്ഡലം കണ്‍വീനര്‍ കെ.ഡി. അല്‍ഫോന്‍സ ടീച്ചര്‍ പത്രസമ്മേളനത്തില്‍ അറിയിച്ചു. വിധി നടപ്പിലാക്കുവാന്‍ നഗരസഭ സെക്രട്ടറി താമസം വരുത്തുകയാണെങ്കില്‍ വീണ്ടും ഓംബുഡ്‌സ്മാനെ സമീപിക്കണമെന്ന് വിധിയില്‍ വ്യക്തമാക്കി. താന്‍ നല്‍കിയ പരാതിക്ക് പരിഹാരമായി തദ്ദേശസ്വയംഭരണ വിഭാഗമാണ് ഓംബുഡ്‌സ്മാന്‍ വിധി പുറപ്പെടുവിച്ചത് എന്ന് അല്‍ഫോന്‍സ ടീച്ചര്‍ വ്യക്തമാക്കി. പൊതുജനങ്ങള്‍ക്ക് ഗ്രാമസഭയെകുറിച്ചും അയല്‍സഭകളെക്കുറിച്ചും വിവരാവകാശ നിയമങ്ങളെ കുറിച്ചും അറിവ് നല്‍കുവാനുളള പ്രവര്‍ത്തനങ്ങള്‍ ആംആദ്മി പാര്‍ട്ടി ആരംഭിക്കുമെന്നും വ്യക്തമാക്കി. അല്‍ഫോന്‍സ ടീച്ചര്‍ താമസിക്കുന്ന വാര്‍ഡില്‍ വാര്‍ഡുകേന്ദ്രത്തിനുളള സ്ഥലംകണ്ടെത്തിയെന്നും പ്രവര്‍ത്തനഫണ്ട് ഉടനെ അംഗീകരിച്ചു നല്‍കുമെന്നും നഗരസഭ സെക്രട്ടറി ഓംബുഡ്‌സ്മാന്് ഉറപ്പു നല്‍കിയതായും ആംആദ്മി പാര്‍ട്ടി നേതാക്കള്‍ പറഞ്ഞു. പത്രസമ്മേളനത്തില്‍ സംസ്ഥാന വ്യക്താവ് സുനില്‍ ജോര്‍ജ്, ജില്ലാ കമ്മിറ്റി അംഗം ബാലചന്ദ്രമേനോന്‍, നഗരസഭ കണ്‍വീനര്‍ റെജി സെബാസ്റ്റ്യന്‍ എന്നിവര്‍ പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
