അഡ്വ. കെ.ആര്‍. തമ്പാന്‍, അഡ്വ. കെ.ആര്‍. തമ്പാന്‍ എന്നിവരുടെ അനുസ്മരണം; നളചരിതം രണ്ടാംദിവസം കഥകളി അരങ്ങേറി
ഇരിങ്ങാലക്കുട ഡോ. കെ.എൻ. പിഷാരടി സ്മാരക കഥകളി ക്ലബ് സുവർണ്ണത്തിന്റെ ഭാഗമായിഒരുക്കിയ അഡ്വ. കെ.കെ. തമ്പാൻ, അഡ്വ. കെ.ആർ. തമ്പാൻ അനുസ്മരണത്തിൽ അരങ്ങേറിയ നളചരിതം രണ്ടാംദിവസം കഥകളിയിൽ നളനായി കലാമണ്ഡലം കൃഷ്ണകുമാറും ദമയന്തിയായി കലാമണ്ഡലം ചമ്പക്കര വിജയകുമാർ എന്നിവർ അരങ്ങിൽ.
ഇരിങ്ങാലക്കുട: ഡോ. കെ.എന്‍. പിഷാരടി സ്മാരക കഥകളി ക്ലബ്ബിന്റെ ഒരുവര്‍ഷം നീണ്ടുനില്ക്കുന്ന സുവര്‍ണ്ണജൂബിലി ആഘോഷപരമ്പരയുടെ ഭാഗമായി ഇരിങ്ങാലക്കുടയിലെ സാംസ്‌കാരിക സാമൂഹികരംഗത്ത് വലിയ സംഭാവനകള്‍ നല്കിയ അഡ്വ. കെ.കെ. തമ്പാനേയും അഡ്വ. കെ.ആര്‍. തമ്പാനേയും അനുസ്മരിച്ചു. മുനിസിപ്പല്‍ ടൗണ്‍ ഹാളില്‍ ഒരുക്കിയ അനുസ്മരണപരിപാടിയില്‍ അഡ്വ. രഞ്ജിത്ത് തമ്പാന്‍ ഭദ്രദീപം തെളിയിക്കുകയും, മീര തമ്പാന്‍ ഓര്‍മ്മകള്‍ പങ്കുവക്കുകയും ചെയ്തു. ടി.ആര്‍. ദാമോദരന്‍ നമ്പ്യാര്‍ അനുസ്മരണ പ്രഭാഷണം നടത്തി.
സംഗമഗ്രാമത്തിന്റെ സാംസ്‌കാരിക പൈതൃകസ്വത്തില്‍ ഭരണസിരാകേന്ദ്രത്തിന്റെ ഇടപെടലുകളും, ഇടര്‍ച്ചകളും, പരിഹാരങ്ങളും എന്ന വിഷയത്തെ അധികരിച്ച് യുവകലാസാഹിതി സംസ്ഥാന രക്ഷാധികാരി ഇ.എം. സതീശന്‍, സ്മാരകപ്രഭാഷണം നടത്തി. സുവര്‍ണ്ണത്തിന്റെ ഭാഗമായി കെപിഎസ് മേനോനും രംഗകലകളും എന്ന വിഷയത്തെ ആസ്പദമാക്കി നടന്ന സെമിനാറില്‍ പ്രശസ്ത കൂടിയാട്ട ആചാര്യന്‍ വേണുജി, കേരള കലാമണ്ഡലം ഡീനും ഭരണസമിതിയംഗവുമായ ഡോ. എന്‍. അജയകുമാര്‍ എന്നിവരുടെ പ്രഭാഷണങ്ങള്‍ നടന്നു. ക്ലബ് ഭരണസമിതിയംഗം റഷീദ് കാറളം ആമുഖ പ്രസംഗം നടത്തി.
തുടര്‍ന്ന് നളചരിതം രണ്ടാംദിവസം കഥയുടെ കാണാപ്പുറങ്ങള്‍ എന്ന വിഷയത്തെക്കുറിച്ച് പ്രശസ്ത കലാനിരൂപകന്‍ കെ.ബി. രാജ് ആനന്ദ് പ്രഭാഷണവും തുടര്‍ന്ന് നളചരിതം രണ്ടാംദിവസം കഥകളിയും അരങ്ങേറി. കലാമണ്ഡലം കൃഷ്ണകുമാര്‍ (നളന്‍), ചമ്പക്കര വിജയകുമാര്‍ (ദമയന്തി), ഹരി ആര്‍. നായര്‍ (കലി), ശ്രീരാമന്‍ (ദ്വാപരന്‍), ആഷിക് (ഇന്ദ്രന്‍), ഷണ്‍മുഖദാസ് (പുഷ്‌കരന്‍), കലാനിലയം സൂരജ് (മന്ത്രി), അജയ് (കാള), കലാമണ്ഡലം മനോജ് കുമാര്‍ (കാട്ടാളന്‍) എന്നിവര്‍ വേഷമിട്ടു.
കലാമണ്ഡലം ജയപ്രകാശ്, വിനോദ്, തൃപ്പൂണിത്തുറ അര്‍ജ്ജുന്‍രാജ്, വൈക്കം വിഷ്ണുദേവ് എന്നിവര്‍ സംഗീതത്തിലും, കലാമണ്ഡലം കൃഷ്ണദാസ്, കലാനിലയം രതീഷ്, ദീപക് എന്നിവര്‍ ചെണ്ടയിലും, സദനം ഭരതരാജന്‍, കലാനിലയം പ്രകാശന്‍, ആര്‍എല്‍വി ജിതിന്‍ എന്നിവര്‍ മദ്ദളത്തിലും പശ്ചാത്തലമേളമൊരുക്കി. കലാമണ്ഡലം സുധീഷ്, ധഗിന്‍ എന്നിവര്‍ ചുട്ടികുത്തി. ഊരകം നാരായണന്‍ നായര്‍, ചേര്‍ത്തല ശ്രീരാജ്, നാരായണന്‍കുട്ടി, ശ്യാംമനോഹര്‍ എന്നിവര്‍ അണിയറ സഹായികളായി. ഇരിങ്ങാലക്കുട രംഗഭൂഷ ചമയമൊരുക്കി.
About Author
ലോകത്തിലെ ആദ്യത്തെ ത്രീഡി ബൈബിള്‍ സിനിമ; ജീസസ് ആന്‍ഡ് മദര്‍ മേരി, ടൈറ്റില്‍ പോസ്റ്റര്‍ വത്തിക്കാനില്‍ ഫ്രാന്‍സിസ് മാര്‍പ്പാപ്പ പ്രകാശനം ചെയ്തു 
വഖഫ് അധിനിവേശത്തിനെതിരെ ഹിന്ദു ഐക്യവേദി പ്രതിഷേധ കൂട്ടായ്മ സംഘടിപ്പിച്ചു 
ക്രൈസ്റ്റ് കോളജ് ഇംഗ്ലീഷ് അസോസിയേഷന്‍ ഉദ്ഘാടനവും പ്രഭാഷണവും സംഘടിപ്പിച്ചു 
സിബിഎസ്ഇ തൃശൂര്‍ സെന്‍ട്രല്‍ സഹോദയ ഫുട്‌ബോള്‍ വെള്ളാനി സെന്റ് ഡൊമിനിക്ക് കോണ്‍വെന്റ് ഇംഗ്ലീഷ് മീഡിയം സ്‌കൂളിന് കിരീടം 
ക്രൈസ്റ്റ് കോളജ് ഫിസിക്‌സ് വിഭാഗം എല്‍ഇഡി സ്റ്റാര്‍ നിര്‍മാണ ശില്‍പശാല നടത്തി 
സെന്റ് തോമസ് കത്തീഡ്രല്‍ ഇരിങ്ങാലക്കുട ദനഹതിരുനാള്‍ 2025; പന്തല്‍ കാല്‍നാട്ടല്‍ കര്‍മ്മം നടത്തി 
