ഒരു കോടി എട്ട് ലക്ഷം രൂപയുടെ ഓണ്‍ലൈന്‍ ഷെയര്‍ ട്രേഡിംഗ് സൈബര്‍ തട്ടിപ്പ് യുവാവ് അറസ്റ്റില്‍
ഷിബിന്‍.
ഇരിങ്ങാലക്കുട: ഓണ്‍ലൈന്‍ ഷെയര്‍ ട്രേഡിംഗിലൂടെ പണം നേടാമെന്ന് വിശ്വസിപ്പിച്ച് പരിയാരം സ്വദേശിയില്‍ നിന്ന് ഒരു കോടി എട്ട് ലക്ഷം രൂപ തട്ടിയെടുത്ത കേസില്‍ യുവാവ് അറസ്റ്റില്‍. മലപ്പുറം നിലമ്പൂര്‍ പന്നിക്കോട്ടുമുണ്ട സ്വദേശി പുലത്തുവീട്ടില്‍ ഷിബിന്‍ (22) നെയാണ് അറസ്റ്റ് ചെയ്തത്. തൃശൂര്‍ റൂറല്‍ ജില്ലാ പോലീസ് മേധാവി ബി. കൃഷ്ണകുമാര്‍ ഐപിഎസ് ന്റെ നേതൃത്വത്തില്‍ തൃശൂര്‍ റൂറല്‍ സൈബര്‍ പോലീസ് നിലമ്പൂര്‍ നിന്നുമാണ് അറസ്റ്റ് ചെയ്തത്.
പരാതിക്കാരനെ ഓണ്‍ലൈന്‍ ട്രേഡിംഗ് ചെയ്യുന്ന ബാരിക്ക് ഗോള്‍ഡ് കാപ്പിറ്റല്‍ എന്ന ട്രേഡിംഗ് കമ്പനിയാണെന്ന് ഫേസ്ബുക്ക്, വാട്‌സ് ആപ്പ്, ടെലഗ്രാം തുടങ്ങിയ പ്രമുഖ സോഷ്യല്‍ മീഡിയകളിലൂടെ സന്ദേശങ്ങള്‍ അയച്ച് വിശ്വസിപ്പിച്ച് ട്രേഡിംഗ് ചെയ്യുന്നതിനുള്ള വാലറ്റ് ഫോണില്‍ ഇന്‍സ്റ്റാള്‍ ചെയ്യിപ്പിച്ച് 2024 നവംബര്‍ 04 മുതല്‍ 2025 ഫെബ്രുവരി 25 വരെയുള്ള കാലയളവുകളിലായി ട്രേഡിംഗ് നടത്തിച്ച് ടാക്‌സ്, കണ്‍വേര്‍ഷന്‍ ഫീ എന്നീ ഇനങ്ങളിലുമായി പരാതിക്കാരന്റ ബാങ്ക് അക്കൗണ്ടില്‍ നിന്നും പ്രധാന പ്രതികളുടെ ബാങ്ക് അക്കൗണ്ടിലേക്ക് പണം അയച്ച് വാങ്ങിയാണ് തട്ടിപ്പ് നടത്തിയത്.
തട്ടിപ്പ് പണം കൈമാറ്റം ചെയ്യുന്നതിനായി പ്രതികള്‍ക്ക് ബാങ്ക് അക്കൗണ്ടുകള്‍ എടുക്കുന്നതിനായി സഹായം നല്‍കി 15,000 രൂപ കമ്മീഷന്‍ കൈപ്പറ്റി തട്ടിപ്പില്‍ പങ്കാളിയായതിനാണ് ഷിബിനെ അറസ്റ്റ് ചെയ്തത്. കര്‍ണ്ണാടക, രാജസ്ഥാന്‍ എന്നീ സംസ്ഥാനങ്ങളില്‍ തട്ടിപ്പു കേസുകളിലെ പ്രതിയാണ് ഷിബിന്‍. തൃശൂര്‍ റൂറല്‍ സൈബര്‍ എസ്എച്ച്ഒ പി.എസ്. സുജിത്ത്, സബ്ബ് ഇന്‍സ്‌പെക്ടര്‍മാരായ രമ്യ കാര്‍ത്തികേയന്‍, സബ്ബ് ഇന്‍സ്‌പെക്ടര്‍ കെ.വി. ജസ്റ്റിന്‍ വര്‍ഗ്ഗീസ്, സിവില്‍ പോലീസ് ഓഫീസര്‍ എച്ച്.ബി. നെഷ്‌റു, ടെലി കമ്മ്യൂണിക്കേഷന്‍ സിവില്‍ പോലീസ് ഓഫീസര്‍ ടി.പി. ശ്രീനാഥ്, ഡ്രൈവര്‍ സിപിഒ അനന്തു എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.
About Author
ഠാണാ- ചന്തക്കുന്ന് വികസനം; വ്യാപാരികളുടെ പ്രതിഷേധ ധര്‍ണ ഇന്ന് 
ആനന്ദപുരം ഗവ. സ്‌കൂള്‍ കെട്ടിടനിര്‍മ്മാണപ്പിഴവ് കേരള കോണ്‍ഗ്രസ് പ്രതിഷേധിച്ചു 
വിശ്വനാഥപുരം ക്ഷേത്രത്തില്‍ ബലിതര്‍പ്പണത്തിന് ആയിരങ്ങള്‍ 
മൂര്‍ക്കനാട് സെന്റ് ആന്റണീസ് ഹൈസ്‌കൂളില്‍ വിവിധ ക്ലബ്ബുകളുടെ ഉദ്ഘാടനം 
ക്രൈസ്റ്റ് കോളജില്‍ നിര്‍മിതബുദ്ധി അധിഷ്ഠിത വിദ്യാഭ്യാസത്തിനായി പരിശീലന പരിപാടി ആരംഭിച്ചു 
15 വയസുകാരനു നേരെ പ്രകൃതിവിരുദ്ധ പീഡനം; ജീവപര്യന്തം കഠിനതടവും ഒരു ലക്ഷം രൂപ പിഴയും 13 വര്‍ഷം തടവിനുംശിക്ഷ വിധിച്ചു 
