കാട്ടൂര്‍ ജനമൈത്രി പോലീസിന്റെ നേതൃത്വത്തില്‍ കുട്ടികളുടെ അണ്ടര്‍ 14 ഫുട്‌ബോള്‍ മത്സരം നടത്തി
കാട്ടൂര്‍ ജനമൈത്രി പോലീസിന്റെ നേതൃത്വത്തില്‍ ഡ്രീം പ്രൊജക്ട് തൃശൂര്‍, കാട്ടൂര്‍ ഫുട്‌ബോള്‍ അക്കാദമി എന്നിവരുടെ സഹകരണത്തോടെ നടത്തിയ കുട്ടികളുടെ അണ്ടര്‍ 14 ഫുട്‌ബോള്‍ മത്സരം കാട്ടൂര്‍ ഇന്‍സ്പെക്ടര്‍ പി.പി. ജസ്റ്റിന്‍ ഉദ്ഘാടനം ചെയ്യുന്നു.
കാട്ടൂര്‍: കാട്ടൂര്‍ ജനമൈത്രി പോലീസിന്റെ നേതൃത്വത്തില്‍ ഡ്രീം പ്രൊജക്ട് തൃശൂര്‍, കാട്ടൂര്‍ ഫുട്‌ബോള്‍ അക്കാദമി എന്നിവരുടെ സഹകരണത്തോടെ കേരള സംസ്ഥാന സര്‍ക്കാരിന്റെ ലഹരി വിരുദ്ധ വാരാചാരണത്തിന്റെ ഭാഗമായി 23 ന് കുട്ടികളുടെ അണ്ടര്‍ 14 ഫുട്‌ബോള്‍ മത്സരം എടമുട്ടം ഫുസോ ടര്‍ഫ് മൈതാനത്തില്‍ നടത്തി. ഫുട്‌ബോള്‍ മത്സരം കാട്ടൂര്‍ ഇന്‍സ്പെക്ടര്‍ പി.പി. ജസ്റ്റിന്‍ ഉദ്ഘാടനം ചെയ്തു. മത്സരത്തില്‍ പങ്കെടുത്ത കുട്ടികള്‍ക്കും മാതാപിതാക്കള്‍ക്കും കാണികള്‍ക്കും ലഹരി വിരുദ്ധ പ്രതിജ്ഞ ചൊല്ലി കൊടുത്തു.
ജില്ലാ ടീമില്‍ കളിച്ച കുട്ടികള്‍ വരെ ഉള്‍പ്പെട്ട ആറ് പ്രശസ്ത ടീമുകള്‍ ലീഗ് അടിസ്ഥാനത്തില്‍ പങ്കെടുത്തു. അതി ഗംഭീര മത്സരത്തില്‍ കാട്ടൂര്‍ ഫുട്‌ബോള്‍ അക്കാദമി വിജയികളായി. എച്ച്ഡിപി എടതിരിഞ്ഞി സ്‌കൂള്‍ റണ്ണര്‍ അപ്പ് ആയി. വിജയികള്‍ക്ക് ട്രോഫികളും ക്യാഷ് അവാര്‍ഡും കാട്ടൂര്‍ എസ്‌ഐ സുജിത്ത്, ഷാഫി, തോമസ് എന്നിവര്‍ നല്‍കി. കാട്ടൂര്‍ ഫുട്‌ബോള്‍ അക്കാദമി കോച്ച് രഘു സ്വാഗതം പറഞ്ഞു. മത്സരം സംഘടിച്ച കാട്ടൂര്‍ ജനമൈത്രി പോലീസ് സീനിയര്‍ സിവില്‍ പോലീസ് ഓഫീസര്‍ ധനേഷ് നന്ദി പറഞ്ഞു.
About Author
കാട്ടൂര്‍ പഞ്ചായത്തില്‍ കുട്ടികളുടെ ഹരിതസഭ സംഘടിപ്പിച്ചു 
കാട്ടൂര്‍ പഞ്ചായത്തില്‍ കുടുംബശ്രീയുടെ നേതൃത്വത്തില്‍ പുതിയ സംരംഭങ്ങള്‍ ആരംഭിച്ചു 
നിക്ഷേപ സമാഹരണ യജ്ഞം: കാട്ടൂര്‍ സര്‍വീസ് സഹകരണബാങ്കിന് പുരസ്‌കാരം 
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
തൃശൂര്‍ ജില്ലയില്‍ ആദ്യമായി എല്ലാ അയല്‍കൂട്ടങ്ങളെയും ഹരിത അയല്‍ക്കൂട്ടങ്ങളാക്കി കാട്ടൂര്‍ ഗ്രാമപ്പഞ്ചായത്ത് 
കാട്ടൂര്‍ ഗ്രാമപ്പഞ്ചായത്തില്‍ പോഷകാഹാര പ്രദര്‍ശന മത്സരം നടത്തി 
