19 മണിക്കൂര്‍ 48 മിനിറ്റ് നീണ്ടുനിന്ന പുരാതന വൃത്തപ്പാട്ടുകള്‍ ലോക റെക്കോര്‍ഡില്‍ ഇടം നേടി
ഇരിങ്ങാലക്കുട: പ്രശസ്ത കൈകൊട്ടിക്കളി കലാചാര്യയായ ഗുരു അണിമംഗലത്ത് സാവിത്രി അന്തര്‍ജ്ജനത്തിന്റെ നേതൃത്വത്തില്‍ സംഘടിപ്പിച്ച കൈകൊട്ടിക്കളി മഹാസംഗമം ‘പുരാവൃത്തം’ 19 മണിക്കൂര്‍ 48 മിനിറ്റ് നീണ്ടുനിന്ന പുരാതനമായ കൈകൊട്ടിക്കളി വൃത്തപ്പാട്ടുകള്‍ യൂണിവേഴ്‌സല്‍ റിക്കോര്‍ഡ് ഫോറത്തിന്റെ ലോക റെക്കോര്‍ഡില്‍ ഇടം നേടി.
അവതരണത്തില്‍ അപൂര്‍വവും പ്രചാരത്തില്‍ കുറവായിരിക്കുന്ന പാട്ടുകളെയും ഭഗവത് കീര്‍ത്തനങ്ങളെയും ഉള്‍പ്പെടുത്തി നടത്തിയ ഈ കൈകൊട്ടിക്കളി വൃത്തപ്പാട്ടുകളുടെ അവതരണത്തില്‍ കേരളത്തിലെ വിവിധ പ്രദേശങ്ങളില്‍ നിന്നുള്ള കൈകൊട്ടിക്കളി സംഘങ്ങള്‍ പങ്കാളികളായതു ശ്രദ്ധേയമായിരുന്നു. യുആര്‍എഫ് ചീഫ് എഡിറ്റര്‍ ഗിന്നസ് സുനില്‍ ജോസഫ് റെക്കോര്‍ഡ് പ്രഖ്യാപനവും സര്‍ട്ടിഫിക്കറ്റ് വിതരണവും നടത്തി.
പ്രചാരത്തില്‍ നിന്നും അകന്നുപോയ ഇത്രയധികം കൈകൊട്ടിക്കളി പാട്ടുകള്‍ വീണ്ടും അവതരിപ്പിക്കുകയും അവ ഭാവിയിലേക്കായി യൂട്യൂബില്‍ രേഖപ്പെടുത്തുന്നതും വലിയൊരു സമര്‍പ്പണമാണ് എന്ന് സംഘാടക സമിതി അഭിപ്രായപ്പെട്ടു. സാവിത്രി അന്തര്‍ജ്ജനത്തിന് ശിഷ്യകള്‍ പൂമാലയും പൊന്നാടയും സമര്‍പ്പിച്ചു. നാദോപാസന സെക്രട്ടറി പി. നന്ദകുമാര്‍ സാവിത്രി ടീച്ചര്‍ക്ക് പൊന്നാട അണിയിച്ചു.
About Author
വോട്ടര്‍ പട്ടിക തീവ്ര പരിഷ്‌കരണം; ഇരിങ്ങാലക്കുട നിയോജകമണ്ഡലത്തില്‍ ഡോ.സദനം കൃഷ്ണന്‍കുട്ടിക്ക് എന്യുമറേഷന്‍ ഫോറം കൈമാറി 
കാലിക്കട്ട് യൂണിവേഴ്‌സിറ്റി ഡി സോണ്‍ വോളീബോള്‍ മത്സരത്തില്‍ ജേതാക്കളായി ഇരിങ്ങാലക്കുട ക്രൈസ്റ്റ് കോളജ് ടീം 
ഇരിങ്ങാലക്കുട ജനറല്‍ ആശുപത്രി ഒപി, ഐപി, ഓപ്പറേഷന്‍ തിയറ്റര്‍ കെട്ടിടം ഇന്ന് നാടിന് സമര്‍പ്പിക്കും 
ഇരിങ്ങാലക്കുട നഗരസഭാ വെല്‍നെസ് സെന്റര്‍ തുറന്നു 
സംസ്ഥാന ജില്ലാ തലങ്ങളില്‍ മികച്ച പ്രകടനം കാഴ്ചവച്ച കായികതാരങ്ങള്‍ക്ക് സ്വീകരണം നല്‍കി 
സ്‌നേഹക്കൂട് പദ്ധതി: സെന്റ് ജോസഫ്‌സ് കോളജിലെ എന്‍എസ്എസ് യൂണിറ്റ് വേളൂക്കരയില്‍ നിര്‍മിച്ചു നല്‍കുന്ന പുതിയ ഭവനത്തിന്റെ നിര്‍മ്മാണദ്ഘാടനം നടത്തി 
