വീട്ടിലേക്ക് അതിക്രമിച്ച് കയറി വടിവാള്‍ കൊണ്ട് തലയില്‍ വെട്ടി കൊലപ്പെടുത്താന്‍ ശ്രമം; പ്രതി അറസ്റ്റില്‍
മിഥുന്‍.
കാട്ടൂര്‍: വീട്ടിലേക്ക് അതിക്രമിച്ച് കയറി വടിവാള്‍ കൊണ്ട് തലയില്‍ വെട്ടി കൊലപ്പെടുത്താന്‍ ശ്രമിച്ച കേസില്‍ നിരവധി ക്രിമിനല്‍ക്കേസിലെ പ്രതി അറസ്റ്റില്‍. ചേര്‍പ്പ് ഇഞ്ചമുടി സ്വദേശി കുന്നത്തുള്ളി വീട്ടില്‍ മിഥുന്‍ (29) നെയാണ് പോലീസ് അറസ്റ്റ് ചെയ്തത്. കാറളം താണിശേരി സ്വദേശി കാട്ടുങ്ങല്‍ വീട്ടില്‍ ബിജു (47) വിനാണ് ആക്രമണത്തില്‍ പരിക്കേറ്റത്. ഒരാഴ്ച മുമ്പ് വഴിയിലെ പുല്ല് വെട്ടുന്നതിനെ ചൊല്ലിയുള്ള തര്‍ക്കം നടന്നിരുന്നു.
ഇതേ തുടര്‍ന്നുള്ള വൈരാഗ്യത്താല്‍ ബിജുവിന്റെ അയല്‍വാസിയായി വാടകക്ക് താമസിക്കുന്ന പ്രതി, ബിജു താമസിക്കുന്ന വീട്ടിലേക്ക് മാരകായുധങ്ങളായ വടിവാള്‍, ഇരുമ്പ് പൈപ്പ് എന്നിവയുമായി അതിക്രമിച്ച് കയറി അസഭ്യം പറയുകയും ബിജുവിനെ കയ്യിലുണ്ടായിരുന്ന ഇരുമ്പ് പൈപ്പ് കൊണ്ട് അടിക്കുകയും താഴെ വീണ ബിജുവിനെ വടിവാളുകൊണ്ട് തലക്ക് വെട്ടി ഗുരുതര പരിക്കേല്‍പ്പിച്ച്‌കൊലപ്പെടുത്താന്‍ ശ്രമിക്കുകയായിരുന്നു.
മിഥുന്‍ കാട്ടൂര്‍, ചേര്‍പ്പ്, മണ്ണുത്തി. തൃശൂര്‍ മെഡിക്കല്‍ കോളേജ് എന്നീ പോലീസ് സ്റ്റേഷന്‍ പരിധികളിലായി രണ്ട് തട്ടിപ്പ് കേസുകളിലും രണ്ട് അടിപിടിക്കേസുകളിലും ഐജി ആയി ആള്‍മാറാട്ടം നടത്തി തട്ടിപ്പ് നടത്തിയ കേസിലും, യുവതിയെ വിവാഹ വാഗ്ദാനം നല്‍കി ലൈംഗികമായി പീഡിപ്പിച്ച കേസിലും അടക്കം ഏഴ് ക്രമിനല്‍ക്കേസുകളില്‍ പ്രതിയാണ്. കാട്ടൂര്‍ പോലീസ് സ്റ്റേഷന്‍ എസ്എച്ച്ഒ ഇ.ആര്‍. ബൈജു, എസ്ഐ ബാബു ജോര്‍ജ്ജ്, എഎസ്‌ഐ മിനി, ജിഎസ്‌സിപിഒമാരായ ധനേഷ്, ജിതേഷ്, മിഥുന്‍ എന്നിവരാണ് അന്വേഷണ സംഘത്തിലുള്ളത്.
About Author
സ്‌നേഹക്കൂട് പദ്ധതി: സെന്റ് ജോസഫ്‌സ് കോളജിലെ എന്‍എസ്എസ് യൂണിറ്റ് വേളൂക്കരയില്‍ നിര്‍മിച്ചു നല്‍കുന്ന പുതിയ ഭവനത്തിന്റെ നിര്‍മ്മാണദ്ഘാടനം നടത്തി 
വര്‍ണക്കുട സാംസ്‌കാരികകോത്സവം സംഘാടക സമിതി രൂപവത്കരിച്ചു 
അധികൃതരേ, ഇത് കുറച്ച് നേരത്തേ ആകാമായിരുന്നില്ലേ…. വിമര്‍ശനങ്ങള്‍ക്കൊടുവില്‍ മാര്‍ക്കറ്റ് റോഡിന്റെ പുനരുദ്ധാരണ പ്രവര്‍ത്തനങ്ങള്‍ക്ക് തുടക്കമായി 
ഓപ്പറേഷന്‍ കാപ്പ, സ്റ്റേഷന്‍ റൗഡികളെ നാടു കടത്തി 
മരിച്ചവരുടെ ഓര്‍മ്മദിനം; ഇരിങ്ങാലക്കുട സെന്റ് തോമസ് കത്തീഡ്രല്‍ സെമിത്തേരിയില്‍ നടന്ന തിരുകര്‍മ്മങ്ങള്‍ക്ക് ബിഷപ്പ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിച്ചു 
പോലീസിംഗില്‍ പോലീസ് ഉദ്ദ്യോഗസ്ഥര്‍ അനുഭവിക്കുന്ന പ്രതിസന്ധികള്‍; പരിഹാരമാര്‍ഗങ്ങള്‍ എന്ന വിഷയത്തില്‍ തൃശൂര്‍ റൂറല്‍ ജില്ലാതല ശില്പ്പശാല നടന്നു 
