അനുസ്മരണവും മണ്ഡോദരി കൂടിയാട്ടവും കലാനിലയത്തില്‍ നടന്നു
ഇരിങ്ങാലക്കുട: ഇരിങ്ങാലക്കുടയുടെ സാംസ്‌കാരിക രംഗത്തെ നിറസാനിധ്യമായ കെ.വി. ചന്ദ്രന്‍, കഥകളി കലാകാരന്‍ കലാനിലയം ഗോപിനാഥന്‍, മൂന്ന് പതിറ്റാണ്ട് ഗുരുകുലം മാനജരായി പ്രവര്‍ത്തിച്ച കെ.ആര്‍. ശങ്കരനാരായണന്‍, ഈ ഗുരുകുലത്തില്‍ പഠിച്ച വിദേശ കലാകാരിയായ തുമോയെ ഇറിനൊ എന്ന ജപ്പാന്‍ വനിതയുടെ നിര്യാതയായ അമ്മ റെയ് കോ സാന്‍ എന്നിവരെ കലാനിലയത്തില്‍ അനുസ്മരിച്ചു. അശോകവനികാങ്കം കൂടിയാട്ടത്തിലെ മണ്ഡോദരി കൂടിയാട്ടം അരങ്ങേറി. ഉഷാനങ്ങ്യാര്‍ ചിട്ടപ്പെടുത്തിയ മണ്ഡോദരി പുറപ്പാടു മുതല്‍ നിര്‍വഹണമടക്കം കൂടിയാട്ടം ഗുരുകുലത്തിലെ കലാകാരിയായ സരിതാ കൃഷ്ണകുമാര്‍ വിവിധ മാസങ്ങളായി ഗുരുകുലത്തിലെ മാധവ നാട്യഭൂമിയില്‍ അവതരിപ്പിച്ചു. സരിതാ കൃഷ്ണകുമാര്‍ അശോകവനികാങ്കം കൂടിയാട്ടം അവതരിപ്പിച്ചു. ചേടിയായി ഗുരുകുലം ശ്രുതിയും രംഗത്ത് വന്നു. മിഴാവില്‍ കലാമണ്ഡലം രാജീവ്, കലാമണ്ഡലം ഹരിഹരന്‍, കലാമണ്ഡലം നാരായണന്‍ നമ്പ്യാര്‍ എന്നിവരും ഇടക്കയില്‍ കലാനിലയം ഉണ്ണികൃഷ്ണനും താളത്തില്‍ ഗുരുകുലം അഞ്ജനാ, ഗുരുകുലം അക്ഷര, ഗുരുകുലം അതുല്ല്യ എന്നിവരും പങ്കെടുത്തു.
About Author
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
ഗ്രാന്റ് ഇന്‍ എയ്ഡ് സ്ഥാപനങ്ങളുടെ കാര്യത്തില്‍ ധനകാര്യവകുപ്പിന്റെ നിലപാട്; കലാനിലയം ജീവനക്കാര്‍ ആശങ്കയില്‍ 
കെഎസ്ഇ വെസ്റ്റാ ബാലകലോത്സവം; എം.എ. അബ്രാം വെസ്റ്റാ ബേബി പ്രിന്‍സ്, എലിസ ആഷ്‌ലിന്‍ വെസ്റ്റാ ബേബി പ്രിന്‍സസ് 
അക്ഷരശ്ലോക മത്സരത്തില്‍ രണ്ടാം സ്ഥാനം കരസ്ഥമാക്കി ശ്രീരൂപ രാമനാഥന്‍ 
