മൂര്‍ക്കനാട് സൗത്ത് ബണ്ട് റോഡ് ടാറിടല്‍, പദ്ധതി സമര്‍പ്പിച്ചിട്ട് ആറുമാസം; പണമില്ല
മൂര്‍ക്കനാട്: കരുവന്നൂര്‍ മൂര്‍ക്കനാട് സൗത്ത് ബണ്ട് റോഡ് വീണ്ടും ടാറിടുന്നതിനായി ഇറിഗേഷന്‍ വകുപ്പ് 85 ലക്ഷം രൂപയുടെ പദ്ധതി സമര്‍പ്പിച്ചിട്ട് ആറുമാസ മായെങ്കിലും തുക ലഭിച്ചില്ല. കാറളം, തൃപ്രയാര്‍, എടമുട്ടം, കാട്ടൂര്‍ എന്നീ പ്രദേശങ്ങളിലെ നൂറുകണക്കിന് യാത്രക്കാര്‍ക്കും വാഹനങ്ങള്‍ക്കും തൃശൂര്‍ കൊടുങ്ങല്ലൂര്‍ സംസ്ഥാന പാതയിലേക്ക് എളുപ്പമെത്താനുള്ള പ്രധാന റോഡാണ് കുണ്ടും കുഴികളുമായി കിടക്കുന്നത്. മുന്‍ എംഎല്‍എ തോമസ് ഉണ്ണിയാടന്റെ ശ്രമഫലമായി രണ്ടുകോടി ഏഴുലക്ഷം രൂപ ചെലവിലാണ് വലിയപാലം മുതല്‍ കാറളം വരെ റോഡിന്റെ നിര്‍മാണം പൂര്‍ത്തീകരിച്ചത്. എന്നാല്‍ അതിനുശേഷം ഈ റോഡില്‍ ഒരുവിധ അറ്റകുറ്റപ്പണികളും നടത്തിയിട്ടില്ലെന്ന് നാട്ടുകാര്‍ കുറ്റപ്പെടുത്തി. മൂന്നുകിലോമീറ്ററിലേറെ വരുന്ന റോഡ് പൂര്‍ണമായും ടാറിടുന്നതിനായിട്ടാണ് പദ്ധതി സമര്‍പ്പിച്ചിരിക്കുന്നത്. എന്നാല്‍ ഫണ്ടില്ലാത്തതിനാല്‍ പദ്ധതിക്ക് അനുമതി കിട്ടിയിട്ടില്ല. ഫണ്ടിന്റെ ലഭ്യതയനുസരിച്ച് മൂന്ന് ഘട്ടമായി ടാറിടാനും തയ്യാറാണെന്ന് ഇറിഗേഷന്‍ വകുപ്പ് വ്യക്തമാക്കി. അടിയന്തരമായി റോഡ് അറ്റകുറ്റപ്പണി നടത്തി ഈ ദുരവസ്ഥ പരിഹരിക്കണമെന്ന് നാട്ടുക്കാര്‍ ആവശ്യപ്പെട്ടു.
About Author
പടിയൂരില്‍ കാട്ടുപന്നി ശല്യം രൂക്ഷം; നെല്‍കൃഷി കുത്തിയിളക്കി നശിപ്പിച്ചു 
മുരിയാട് പഞ്ചായത്തില്‍ സഞ്ചാര സംരക്ഷണം ആവശ്യപ്പെട്ട് കോണ്‍ഗ്രസ് അംഗങ്ങള്‍ ധര്‍ണ നടത്തി 
വയോധികയെ കൊലപ്പെടുത്തി ആഭരണങ്ങള്‍ കവര്‍ന്നു; ലഹരിമാഫിയ സംഘങ്ങളെ കേന്ദ്രീകരിച്ച് അന്വേഷണം 
കാറളം പ്രാഥമിക ആരോഗ്യ കേന്ദ്രത്തില്‍ ഈവനിംഗ് ഒപി നിര്‍ത്തലാക്കിയതിനെതിരെ പ്രതിഷേധിച്ചു 
കാറളത്ത് വയോധികയെ കൊലപ്പെടുത്തി ആഭരണങ്ങള്‍ കവര്‍ന്നു, അന്വേഷണം ഊര്‍ജിതം 
കാറളത്ത് വയോധികയെ വീടിനുള്ളില്‍ കൊല്ലപ്പെട്ട നിലയില്‍ കണ്ടെത്തി; 15 പവനോളം സ്വര്‍ണം കവര്‍ന്നതായി സൂചന 
