കരുവന്നൂര്‍ താത്കാലിക പാലം തകര്‍ന്നുവീണിട്ട് രണ്ടുമാസം; പുനര്‍നിര്‍മിക്കാനായില്ല
കരുവന്നൂര്‍: ശക്തമായ ഒഴുക്കില്‍ കനാലിനുകുറുകെ സ്ഥാപിച്ചിരുന്ന താത്കാലിക പാലം തകര്‍ന്നുവീണിട്ട് രണ്ടുമാസമായിട്ടും ഇതുവരെയും പുനര്‍നിര്‍മിക്കാനായില്ല. കരുവന്നൂര്‍ പുഴയില്‍നിന്ന് പുത്തന്‍തോട്ടിലേക്ക് വരുന്ന കനാലിനുകുറുകെ മുളകൊണ്ട് നിര്‍മിച്ച പാലമാണ് ശക്തമായ ഒഴുക്കില്‍ തകര്‍ന്നുവീണത്. പുഴയില്‍നിന്ന് ചണ്ടിയും മറ്റ് മാലിന്യങ്ങളും അടിഞ്ഞുകൂടിയ അവസ്ഥയിലായിരുന്നു. ഇരിങ്ങാലക്കുട നഗരസഭയിലെ രണ്ട്, നാല് ഡിവിഷനുകളെ ബന്ധിപ്പിച്ചുകൊണ്ടാണ് കനാലിനുകുറുകെ പാലം നിര്‍മിച്ചിരിക്കുന്നത്. ഇതോടെ ഇരുകരയിലും കൃഷി ആവശ്യത്തിനുപോകുന്ന കര്‍ഷകര്‍ വഞ്ചിയെ ആശ്രയിക്കേണ്ട അവസ്ഥയിലാണ്. വര്‍ഷംതോറും തനതുഫണ്ടുപയോഗിച്ച് നഗരസഭയാണ് പാലം നിര്‍മിക്കുന്നതെന്ന് പ്രദേശവാസികള്‍ പറഞ്ഞു. എല്ലാ വര്‍ഷവും മഴ കഴിയുമ്പോള്‍ കെട്ടുന്ന പാലം അടുത്തവര്‍ഷം മഴ കഴിയുന്നതുവരെ നില്‍ക്കാറുണ്ട്. താല്ത്കാലിക സംവിധാനം മാറ്റി സ്ഥിരമായി പാലം നിര്‍മിക്കാന്‍ നഗരസഭ തയാറാകണമെന്നാണ് കര്‍ഷകരുടെ ആവശ്യം. ഇരുകരയിലുമുള്ളത് സ്വകാര്യ വ്യക്തികളുടെ ഭൂമിയായതിനാലാണ് സ്ഥിരം പാലം നിര്‍മിക്കാന്‍ തടസം. കഴിഞ്ഞദിവസം കൗണ്‍സിലര്‍ അല്‍ഫോണ്‍സാ തോമസിന്‍റെ നേതൃത്വത്തില്‍ നഗരസഭ എന്‍ജിനീയറിംഗ് വിഭാഗം താത്കാലിക പാലം നിര്‍മിക്കുന്നതിനുള്ള എസ്റ്റിമേറ്റ് തയ്യാറാക്കി.
About Author
ഇരിങ്ങാലക്കുട സെന്റ് ജോസഫ്‌സ് കോളജില്‍ ആവേശമായി മെഗാ തൊഴില്‍ മേള പ്രയുക്തി 2024 
ക്രൈസ്റ്റ് കോളജ് എന്‍എസ്എസ് യൂണിറ്റ് കുസൃതി 14 സ്‌കൂളുകളിലേക്ക് എന്ന പരിപാടി സംഘടിപ്പിച്ചു 
നിക്ഷേപ സമാഹരണ യജ്ഞം: കാട്ടൂര്‍ സര്‍വീസ് സഹകരണബാങ്കിന് പുരസ്‌കാരം 
സംസ്ഥാന ചെസ് ഇന്‍ സ്‌കൂള്‍ മത്സരങ്ങള്‍ സെന്റ് ജോസഫ് കോളജ് ഇന്‍ഡോര്‍ സ്റ്റേഡിയത്തില്‍ ആരംഭിച്ചു 
ഇരിങ്ങാലക്കുട സെന്റ് ജോസഫ്‌സ് കോളജിന് ഭിന്നശേഷി സൗഹാര്‍ദ്ദ സ്ഥാപനത്തിനുള്ള സംസ്ഥാന അംഗീകാരം 
കാര്‍മല്‍ മെലഡി 2024; ഹ്രസ്വചിത്ര അവാര്‍ഡ് ദാനം നടത്തി 
