ഡോണ്ബോസ്കോ പുസ്തകോത്സവം -മനുഷ്യനും പ്രകൃതിയും തമ്മിൽ ലയമുണ്ടായാലേ ലോകത്തെ രക്ഷിക്കാനാകൂ: കെ. സച്ചിദാനന്ദൻ
ഇരിങ്ങാലക്കുട: മനുഷ്യനും പ്രകൃതിയും തമ്മിൽ ലയമുണ്ടായാലേ ലോകത്തെ രക്ഷിക്കാനാകൂവെന്ന് കേരള സാഹിത്യ അക്കാദമി പ്രസിഡന്റും കവിയുമായ കെ. സച്ചിദാനന്ദൻ. ഡയമണ്ട് ജൂബിലിയോടനുബന്ധിച്ച് ഡോണ് ബോസ്കോ സ്ക്കൂളില് നടന്ന പുസ്തകോത്സവം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മിതവ്യയത്തോടെ കഴിഞ്ഞുകൂടാനുള്ള സാധനങ്ങളെല്ലാം ലോകത്തുണ്ട്.
അത്യാഗ്രഹത്തോടെ നാം അവയെ ദുരുപയോഗിക്കുമ്പോഴാണ് പ്രാണവായുവിന്റെ പ്രഭവകേന്ദ്രങ്ങൾവരെ ഇല്ലാതാകുന്നത്. വായന ബുദ്ധിയുടെ വികാസത്തിനും വ്യക്തിത്വ രൂപീകരണത്തിനും അനിവാര്യമാണെന്നും അദ്ദേഹം പറഞ്ഞു.
ഡോണ് ബോസ്കോ റെക്ടറും സ്കൂള് മാനേജരുമായ ഫാ. ഇമ്മാനുവല് വട്ടക്കുന്നേല് അധ്യക്ഷത വഹിച്ചു. സാഹിത്യരംഗത്ത് പ്രശസ്തരായ സി. രാവുണ്ണി, എസ്.കെ. വസന്തന്, പ്രതാപ് സിംഗ്, വൈശാഖന് തുടങ്ങിയവരെ ആദരിച്ചു. രക്ഷിതാക്കളിലെ എഴുത്തുകാരായ അരുണ് ഗാന്ധിഗ്രാം, വി.വി. ശ്രീല, പോള് സെബാസ്റ്റ്യന്, സിന്റി സ്റ്റാന്ലി എന്നിവരേയും ആദരിച്ചു.
ഹയര് സെക്കൻഡറി സ്കൂള് പ്രിന്സിപ്പാള് ഫാ. സന്തോഷ് മാത്യു, സെന്ട്രല് സ്കൂള് പ്രിന്സിപ്പാള് ഫാ. മനുപീടികയില്, എല്പി സ്കൂള് ഹെഡ്മിസ്ട്രസ് സിസ്റ്റര് ഓമന, ജൂബിലി ജനറൽകണ്വീനര് ജോസ്പോള് തളിയത്ത്, ലൈസ സെബാസ്റ്റ്യന്, ടെല്സണ് കേട്ടോളി, ശിവപ്രസാദ്, സെബി മാളിയേക്കല്, ശ്രീകല ശ്രീജിത്ത് എന്നിവര് പ്രസംഗിച്ചു.
About Author
ഇരിങ്ങാലക്കുട ഉപജില്ല സ്കൂള് ഗെയിംസ് ബാസ്കറ്റ്ബോള് ടൂര്ണമെന്റില് മികച്ച നേട്ടവുമായി സെന്റ് മേരീസ് ഹയര്സെക്കന്ഡറി സ്കൂള് ടീം 
എന്എസ്എസ് കരയോഗ യൂണിയന് സാഹിതീയം ദ്വൈമാസ ചര്ച്ച നടത്തി 
ഇരിങ്ങാലക്കുട ബ്ലോക്ക് പഞ്ചായത്ത് ഹരിത വസന്തം പച്ചക്കറി കൃഷി പദ്ധതി ഉദ്ഘാടനം ചെയ്തു 
ജിജെ ഇന്ഫോടെക് പ്രൈവറ്റ് ലിമിറ്റഡിന്റെ രജത ജൂബിലി ആഘോഷം നടത്തി 
സ്നേഹയോഗ പരിശീലകനും സാഹിത്യകാരനുമായ ഫ്രാന്സിസ് അസീസി അന്തരിച്ചു 
ആദരിച്ചു 
