അമ്മന്നൂര്‍ ഗുരുകുലത്തില്‍ കൂടിയാട്ട മഹോത്സവത്തിന് തുടക്കമായി
അമ്മന്നൂര്‍ ഗുരുകുലത്തിലെ മാധവനാട്യ ഭൂമിയില്‍ ഗുരുകുലത്തിന്‍റെ മുപ്പത്തി ഏഴാമത് കൂടിയാട്ട മഹോത്സവം പത്മശ്രീ പെരുവനം കുട്ടന്‍മാരാര്‍ ഉദ്ഘാടനം ചെയ്യുന്നു.
ഇരിങ്ങാലക്കുട: അമ്മന്നൂര്‍ ഗുരുകുലത്തിലെ മാധവനാട്യ ഭൂമിയില്‍ ഗുരുകുലത്തിന്‍റെ മുപ്പത്തിഏഴാമത് കൂടിയാട്ട മഹോത്സവത്തിന് തുടക്കമായി. പത്മശ്രീ പെരുവനം കുട്ടന്‍മാരാര്‍ ഉദ്ഘാടനം ചെയ്തു. വേണുജിയും അമ്മന്നൂര്‍ കുട്ടന്‍ ചാക്യാരും ഭദ്രദീപം കൊളുത്തി. ആചാര്യ വന്ദനത്തോടെ ആരംഭിച്ച യോഗത്തില്‍ മുനിസിപ്പല്‍ ചെയര്‍പേഴ്‌സണ്‍ സുജ സഞ്ജീവ് കുമാര്‍ അധ്യക്ഷത വഹിച്ചു. ഗുരുകുലത്തിന്‍റെ ആചാര്യനായിരുന്ന ഗുരു അമ്മന്നൂര്‍ പരമേശ്വര ചാക്യാര്‍ അനുസ്മരണം പാമ്പുമേക്കാട് ജാതവേദന്‍ നമ്പൂതിരിയും പത്മശ്രി പി.കെ. നാരായണന്‍ നമ്പ്യാര്‍ അനുസ്മരണം ഉണ്ണികൃഷ്ണന്‍ നമ്പ്യാരും കലാമണ്ഡലം രാജീവും നടത്തി.
ഗുരുകുലം പ്രസിഡന്‍റ് നാരായണന്‍ നമ്പ്യാര്‍ സ്വാഗതവും ഗുരുകുലം സെക്രട്ടറി സൂരജ് നമ്പ്യാര്‍ നന്ദിയും പറഞ്ഞു. യോഗത്തെ തുടര്‍ന്ന് ഗുരുകുലം ശ്രുതി അവതരിപ്പിച്ച കംസജനനം നങ്ങ്യാര്‍കൂത്തും അരങ്ങേറി. രണ്ടാം ദിവസമായ ചൊവ്വാഴ്ച ദൂതവാക്യം കൂടിയാട്ടം അരങ്ങേറും. കൃഷ്ണന്‍റെ വരവ് അറിഞ്ഞ ദുര്യോധനന്‍ കൃഷ്ണനെ അപമാനിക്കാന്‍ വേണ്ടതെല്ലാം ചെയ്ത് പഞ്ചാലിയെ വസ്ത്രാക്ഷേപം ചെയ്യുന്ന ചിത്രപടം കാണുന്ന ഭാഗമാണ് അവതരിപ്പിക്കുന്നത്. ദുര്യോധനനായി ഡോ. അമ്മന്നൂര്‍ രജനീഷ് ചാക്യാര്‍ രംഗത്തെത്തും.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
