പുളിക്കലചിറ പ്രദേശം 2018 ലെ പ്രളയത്തിനു സമാനം, താത്കാലിക ബണ്ട് പൊളിക്കില്ലെന്ന് തീരുമാനം, പഞ്ചായത്ത് പ്രസിഡന്റിനെ തടഞ്ഞു
ഔദ്യോഗിക വാഹനത്തില്‍ കയറാന്‍ ഒരുങ്ങിയ പടിയൂര്‍ പഞ്ചായത്ത് പ്രസിഡന്റ് ലിജി രതീഷിനെ ബിജെപി പ്രവര്‍ത്തകരുടെ നേതൃത്വത്തില്‍ തടയുന്നു.
പ്രതിഷേധക്കാരെ ബലപ്രയോഗത്തിലൂടെ പോലീസ് നീക്കി
ഇരിങ്ങാലക്കുട: പടിയൂര്‍ പഞ്ചായത്തിലെ രണ്ട് വാര്‍ഡുകളിലെ നൂറോളം വീടുകള്‍ വെള്ളക്കെട്ടിലായ വിഷയത്തിന് പരിഹാരമായി വാര്‍ഡ് നിവാസികളും ജനപ്രതിനിധികളും ആവശ്യപ്പെട്ടത് പ്രകാരം പുളിക്കലച്ചിറ പാലനിര്‍മ്മാണത്തിനായി നിര്‍മ്മിച്ച താത്കാലിക ബണ്ട് പൊളിക്കില്ല. താത്കാലിക ബണ്ട് നിലനിറുത്തി കൊണ്ട് തന്നെ വെള്ളക്കെട്ടിന് പരിഹാരം കാണാന്‍ ആവശ്യമായ നിര്‍മ്മാണ പ്രവര്‍ത്തനങ്ങള്‍ ഇന്നു മുതല്‍ തന്നെ ആരംഭിക്കാനാണ് തീരുമാനമെന്ന് പിഡബ്ല്യുഡി ബ്രിഡ്ജസ് വിഭാഗം അധികൃതര്‍ അറിയിച്ചു.
താത്കാലിക ബണ്ട് പൊളിക്കുന്നത് അടുത്ത മാസം ആരംഭിക്കുന്ന നാലമ്പലദര്‍ശനത്തിന് പ്രതിസന്ധി സൃഷ്ടിക്കുമെന്നും ബണ്ട് നിലനിറുത്തി കൊണ്ട് തന്നെ വിഷയത്തിന് പരിഹാരം കാണാനും സുഗമമായി വെള്ളം ഒഴുകി പോകാനുള്ള നടപടികള്‍ സ്വീകരിക്കാനുമാണ് തീരുമാനിച്ചിരിക്കുന്നതെന്ന് ബ്രിഡ്ജസ് വിഭാഗം അറിയിച്ചു.
ബണ്ട് പൊളിക്കണമെന്ന ആവശ്യത്തില്‍ ഉറപ്പ് ലഭിക്കാതെ വന്നതോടെ വൈകീട്ട് നാല് മണിക്ക് പഞ്ചായത്ത് ഓഫീസിന് മുന്നില്‍ ഭരണസമിതിയിലെ ബിജെപി അംഗങ്ങളുടെ നേതൃത്വത്തില്‍ പഞ്ചായത്ത് ഓഫീസില്‍ നിന്നും മടങ്ങി ഔദ്യോഗിക വാഹനത്തില്‍ കയറാന്‍ ഒരുങ്ങിയ പഞ്ചായത്ത് പ്രസിഡന്റിനെ തടഞ്ഞു. നടപടി സ്വീകരിക്കേണ്ടി വരുമെന്ന് പോലീസ് വിശദീകരിച്ചപ്പോള്‍ പ്രതിഷേധവുമായി വാര്‍ഡ് നിവാസികള്‍ റോഡില്‍ കുത്തിയിരുന്നു. തുടര്‍ന്ന് പോലീസ് ഇവരെ ബലപ്രയോഗത്തിലൂടെ മാറ്റുകയായിരുന്നു.
രാവിലെ വില്ലേജ് അധികൃതര്‍ നല്‍കിയ റിപ്പോര്‍ട്ട് അനുസരിച്ച് ബണ്ട് പൊളിക്കുകയോ അല്ലെങ്കില്‍ കൂടുതല്‍ വ്യാസമുള്ള പൈപ്പുകള്‍ സ്ഥാപിച്ച് വെള്ളക്കെട്ട് ഒഴിവാക്കാനുള്ള നടപടികള്‍ സ്വീകരിക്കാനുമാണ് ജില്ലാ ഭരണകൂടം നിര്‍ദ്ദേശിച്ചത്. അതേ സമയം പഞ്ചായത്തിലെ പത്തനങ്ങാടി, കോതേറ്റിപ്പാടം പ്രദേശങ്ങളിലെ വെള്ളക്കെട്ട് തുടരുകയാണ്.
എതാനും പേര്‍ ക്യാമ്പിലേക്കും മറ്റുള്ളവര്‍ ബന്ധുവീടുകളിലേക്കുമാണ് മാറിയിരിക്കുന്നത്. വിട പറഞ്ഞ മുന്‍ പഞ്ചായത്ത് പ്രസിഡന്റ് കെ സി ബിജുവിന്റെ വീട് അടക്കം വെള്ളക്കെട്ടിലാണ്. 2018 ലെ പ്രളയത്തിന് ശേഷം ഇതാദ്യമായാണ് ഇത്രയും വെള്ളം കയറുന്നതെന്നും കഴിഞ്ഞ രണ്ട് ദിവസങ്ങളില്‍ മഴ കുറഞ്ഞെങ്കിലും വെള്ളക്കെട്ടിന് മാറ്റമുണ്ടായിട്ടില്ലെന്നും പ്രദേശത്ത് ിന്നുള്ള വീട്ടുകാര്‍ പറഞ്ഞു.
About Author
ഇരിങ്ങാലക്കുട സെന്റ് തോമസ് കത്തീഡ്രലിൽ ദുക്റാന തിരുനാളിനു കൊടിയേറി 
താണിശേരി വിമല സെന്‍ട്രല്‍ സ്‌കൂളില്‍ വായനാവാരം ആഘോഷിച്ചു 
കേന്ദ്ര അവഗണനക്ക് എതിരെ കെഎസ്ടിഎ പ്രതിഷേധ സമരം നടത്തി 
ഓപ്പറേഷന്‍ കാപ്പ വേട്ട തുടരുന്നു….. 2025-ല്‍ മാത്രം 40 പേരെ കാപ്പ പ്രകാരം ജയിലിലടച്ചു, 107 ഗുണ്ടകളെ കാപ്പ ചുമത്തി 67 പേര്‍ക്കെതിരെ കാപ്പ പ്രകാരം നാടു കടത്തി 
അംബേദ്കർ ഗ്രാമവികസന പദ്ധതി; മുരിയാട് ഒരുകോടിയുടെ നിർമാണ പ്രവർത്തനങ്ങൾക്കു തുടക്കം 
ഇരിങ്ങാലക്കുട സെന്റ് ജോസഫ്‌സ് കോളജില്‍ കോണ്‍വൊക്കേഷന്‍ ചടങ്ങ് നടത്തി 
