അവയവദാനമെന്നത് ശ്രേഷ്ഠമായ പുണ്യം: സ്പീക്കര്‍ എ.എന്‍. ഷംസീര്‍
ഇരിങ്ങാലക്കുട: അവയവദാനമെന്നത് ശ്രേഷ്ഠമായ പുണ്യമാണെന്ന് നിയമസഭ സ്പീക്കര്‍ എ.എന്‍. ഷംസീര്‍. ഇരിങ്ങാലക്കുട വെസ്റ്റ് ലയണ്‍സ് ക്ലബിന്റെ ആഭിമുഖ്യത്തില്‍ അവയവദാതാക്കളുടെ കുടുംബത്തിനുള്ള ആദരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 2022 ഡിസംബര്‍ 13ന് മരണമടഞ്ഞ് അഞ്ച് അവയവങ്ങള്‍ ദാനം ചെയ്ത ധീരജ് തേറാട്ടിലിന്റെ കുടുംബം സ്വീകരിച്ച നിലപാട്, ആ ധൈര്യം മഹത്തരമാണ്. ഇത്തരം പ്രവര്‍ത്തനങ്ങളിലൂടെ നന്മയുടെ സംസ്‌കാരമാണ് പടുത്തുയര്‍ത്തുന്നതെന്ന് സ്പീക്കര്‍ പറഞ്ഞു. ധീരജ് തേറാട്ടിലിന്റെ കുടുംബത്തെ യോഗത്തില്‍ ആദരിച്ചു. ഇരിങ്ങാലക്കുട രൂപത ബിഷപ്പ് മാര്‍ പോളി കണ്ണൂക്കാടന്‍ അനുഗ്രഹപ്രഭാഷണം നടത്തി. ലയണ്‍സ് ക്ലബ് 318 ഡി ഫസ്റ്റ് വൈസ് ഡിസ്ട്രിക്റ്റ് ഗവര്‍ണര്‍ ടോണി ആനോക്കാരന്‍ മുഖ്യ അതിഥിയായിരുന്നു. വെസ്റ്റ് ലയണ്‍സ് ക്ലബ് പ്രസിഡന്റ് സതീശന്‍ നീലങ്കാട്ടില്‍ അധ്യക്ഷത വഹിച്ചു. മുന്‍ ഗവ. ചീഫ് വിപ്പ് അഡ്വ. തോമസ് ഉണ്ണിയാടന്‍ അവയവദാന സന്ദേശം നല്‍കി. മുന്‍ ലയണ്‍സ് ക്ലബ് 318 ഡി ഡിസ്ട്രിക്റ്റ് ഗവര്‍ണര്‍ അഡ്വ. ടി.ജെ. തോമസ് അവാര്‍ഡ് പ്രഖ്യാപനം നടത്തി. നഗരസഭ ചെയര്‍പേഴ്‌സണ്‍ സോണിയ ഗിരി, ലയണ്‍സ് ക്ലബ് റീജിയന്‍ ചെയര്‍മാന്‍ ഷാജന്‍ ചക്കാലക്കല്‍, സോണ്‍ ചെയര്‍മാന്‍ വി.ആര്‍. പ്രേമന്‍, പബ്ലിസിറ്റി കണ്‍വീനര്‍ അഡ്വ. കെ.ജി. അജയ്കുമാര്‍, വെസ്റ്റ് ലയണ്‍സ് ക്ലബ്ബ് സെക്രട്ടറി ഷാജു കണ്ടംകുളത്തി എന്നിവര്‍ സംസാരിച്ചു. ആദരണ സമ്മേളനത്തോടനുബന്ധിച്ച് ലയണ്‍സ് ക്ലബ് ഇന്റര്‍നാഷണല്‍ ബെസ്റ്റ് ബിസിനസ് മാന്‍ അവാര്‍ഡ് മാര്‍വെല്‍ ഏജന്‍സീസ് ഉടമ ബാബു മാര്‍വെല്‍, ജെ.പി. ട്രേഡിംഗ് കമ്പനി ഉടമ ബിനോയ് സെബാസ്റ്റ്യന്‍ എന്നിവര്‍ക്കും, സേവന്‍മിത്ര് അവാര്‍ഡ് ജോണ്‍സന്‍ കോലങ്കണ്ണിക്കും സമ്മാനിച്ചു. ഇരിങ്ങാലക്കുട വെസ്റ്റ് ലയണ്‍സ് ക്ലബ് ഏര്‍പ്പെടുത്തിയ ജില്ലയിലെ മികച്ച നഗരസഭ ചെയര്‍മാനുള്ള അവാര്‍ഡ് ഇരിങ്ങാലക്കുട നഗരസഭ ചെയര്‍പേഴ്‌സണ്‍ സോണിയ ഗിരിക്കും, ജില്ലയിലെ മികച്ച പഞ്ചായത്ത് പ്രസിഡന്റിനുള്ള അവാര്‍ഡ് മുരിയാട് ഗ്രാമപഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളിക്കും, ജില്ലയിലെ മികച്ച ബ്ലോക്ക് പഞ്ചായത്ത് അംഗത്തിനുള്ള അവാര്‍ഡ് വെള്ളാങ്കല്ലൂര്‍ ബ്ലോക്ക് പഞ്ചായത്ത് അംഗം അഡ്വ. ശശികുമാര്‍ ഇടപ്പുഴക്കും, ഇരിങ്ങാലക്കുട നഗരസഭയിലെ ബെസ്റ്റ് കൗണ്‍സിലര്‍ അവാര്‍ഡ് അല്‍ഫോന്‍സ തോമസിനും സമര്‍പ്പിച്ചു.
About Author
പുല്ലൂര്‍ സേക്രഡ് ഹാര്‍ട്ട് മിഷന്‍ ഹോസ്പിറ്റലില്‍ സെമിനാര്‍ സംഘടിപ്പിച്ചു 
സിപിഐഎം പൊറത്തിശേരി ലോക്കല്‍ സമ്മേളനത്തോടനുബന്ധിച്ച് സൈക്കിള്‍ റാലി സംഘടിപ്പിച്ചു 
സംരംഭകത്വത്തിനായി മൂന്നു കോടി വായ്പ സഹായം നല്‍കി മുരിയാട് കുടുംബശ്രീ 
കേരള അര്‍ബന്‍ ബാങ്ക് സ്റ്റാഫ് ഓര്‍ഗനൈസേഷന്‍ ട്രഷററായി കെ.പി. സെബാസ്റ്റ്യന്‍ 
എം.ബി. നെല്‍സണ്‍ ഇരിങ്ങാലക്കുട പീപ്പിള്‍സ് സഹകരണബാങ്ക് പ്രസിഡന്റ് 
സൗജന്യ നേത്ര പരിശോധന ക്യാമ്പ് സംഘടിപ്പിച്ചു 
