35 വര്‍ഷം തടവും 80000രൂപ പിഴയും വിധിച്ചു..
മൂന്നു വയസു മാത്രം പ്രായമുള്ള ബാലനെ പ്രകൃതിവിരുദ്ധലൈംഗിക പീഡനത്തിനിരയാക്കിയ 58 കാരന് 35 വര്‍ഷം തടവും 80000രൂപ പിഴയും വിധിച്ചു..
ഇരിങ്ങാലക്കുട: മൂന്നു വയസ്സു മാത്രം പ്രായമുള്ള ബാലനെ പ്രകൃതിവിരുദ്ധലൈംഗിക പീഡനത്തിനിരയാക്കിയ 58 കാരന് 35 വര്‍ഷം തടവും 80000രൂപ പിഴയും വിധിച്ചു. ചാലക്കുടി പോലീസ് രജിസ്റ്റര്‍ ചെയ്ത കേസില്‍ ചാലക്കുടി പരിയാരം ഒരപ്പന സ്വദേശി പുളിക്കന്‍ വീട്ടില്‍ വില്‍സനെ(58)യാണ് ഇരിങ്ങാലക്കുട ഫാസ്ട്രാക്ക് സ്പെഷ്യല്‍ കോടതി (പോക്സോ) ജഡ്ജ് കെ പി പ്രദീപ് ശിക്ഷ വിധിച്ചത്. കേസില്‍ പ്രോസിക്യൂഷനു വേണ്ടി സ്പെഷ്യല്‍ പബ്ലിക് പ്രോസിക്യൂട്ടര്‍ കെ.എന്‍.സിനിമോള്‍ ഹാജരായി. കുട്ടിയെ റോഡരികില്‍ നിന്നും കൂട്ടി കൊണ്ടുപോയി പീഡനത്തിന് ഇരയാക്കി എന്നാണ് കേസ്. പിഴത്തുക അടക്കാത്ത പക്ഷം രണ്ടു വര്‍ഷവും ഒന്‍പതു മാസവും കൂടി ശിക്ഷ അനുഭവിക്കണം. ചാലക്കുടി സി.ഐ ആയിരുന്ന കെ. എസ്. സന്ദീപ് കേസ് രജിസ്റ്റര്‍ ചെയ്ത് അന്വേഷണം നടത്തിയ കേസില്‍ സി.ഐ. സൈജു. കെ. പോള്‍ ആണ് കുറ്റപത്രം സമര്‍പ്പിച്ചത്. ആളൂര്‍ പോലീസ് സ്റ്റേഷന്‍സീനിയര്‍ സിവില്‍ പോലീസ് ഓഫീസര്‍ ആയ ടി.ആര്‍ രജനി കേസ് നടത്തിപ്പില്‍ പ്രോസിക്യൂഷനെ സഹായിച്ചു. 17 സാക്ഷികളെ കേസില്‍ വിസ്തരിച്ചു. 35 രേഖകള്‍ തെളിവില്‍ ഹാജരാക്കി.പിഴ തുക അതിജീവിതന് നല്‍കാന്‍ കോടതിവിധിച്ചു.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
