ക്രൈസ്റ്റ് കോളജില്‍ മാനേജ്‌മെന്റ് റിസര്‍ച്ച് ഹബ്ബ് ആരംഭിച്ചു
ക്രൈസ്റ്റ് കോളജില്‍ മാനേജ്‌മെന്റ് സ്റ്റഡീസ് വിഭാഗത്തിന്റെ ആഭിമുഖ്യത്തില്‍ ആരംഭിച്ച ക്രൈസ്റ്റ് മാനേജ്‌മെന്റ് റിസര്‍ച്ച് ഹബ്ബ് (സിഎംആര്‍എച്ച്) ന്റെ ഉദ്ഘാടനം കോളജ് പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ് സിഎംഐ നിര്വഹിക്കുന്നു.
ഇരിങ്ങാലക്കുട: ക്രൈസ്റ്റ് കോളജില്‍ മാനേജ്‌മെന്റ് സ്റ്റഡീസ് വിഭാഗത്തിന്റെ ആഭിമുഖ്യത്തില്‍ ക്രൈസ്റ്റ് മാനേജ്‌മെന്റ് റിസര്‍ച്ച് ഹബ്ബ് (സിഎംആര്‍എച്ച്) ആരംഭിച്ചു. നാലുവര്‍ഷ ബിബിഎ ബിരുദ വിദ്യാര്‍ഥികളില്‍ ഗവേഷണത്തോടുള്ള താല്‍പര്യം വര്‍ധിപ്പിക്കുക, പാഠ്യപദ്ധതിയുടെ ഭാഗമായി നൂതന മാനേജ്‌മെന്റ് മേഖലകളില്‍ ഗവേഷണം പ്രോത്സാഹിപ്പിക്കുക, ഗവേഷണ ഫലങ്ങള്‍ സാമൂഹിക നന്മയ്ക്കായി പ്രായോഗികതലത്തില്‍ ഏകോപിപ്പിക്കുക എന്നിവയാണ് ലക്ഷ്യങ്ങള്‍. കേരളത്തില്‍ തന്നെ ബിരുദ വിദ്യാര്‍ഥികളില്‍ ഗവേഷണം പ്രോത്സാഹിപ്പിച്ചു കൊണ്ടുള്ള സമഗ്രമായ ആദ്യത്തെ സംരംഭമാണ് സിഎംആര്‍എച്ച്.
കോളജ് ഓഡിറ്റോറിയത്തില്‍ നടന്ന ചടങ്ങില്‍ പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ് സിഎംഐ ഉദ്ഘാടനം നിര്‍വഹിച്ചു. സെല്‍ഫ് ഫിനാന്‍സിംഗ് വിഭാഗം ഡയറക്ടര്‍ റവ.ഡോ. വില്‍സണ്‍ തറയില്‍ സിഎംഐ, മാനേജ്‌മെന്റ് സ്റ്റഡീസ് വിഭാഗം മേധാവി പ്രഫ. സി.എല്‍. ബേബി ജോണ്‍, മാനേജ്‌മെന്റ് സ്റ്റഡീസ് കോ ഓര്‍ഡിനേറ്റര്‍ ഡോ. എ.എസ്. കൃഷ്ണ എന്നിവര്‍ പങ്കെടുത്തു. കോമ്പസ് വിദഗ്ധ പ്രഭാഷണ പരമ്പരയുടെ ഭാഗമായി കോഴിക്കോട് ദേവഗിരി കോളജ് മാനേജ്‌മെന്റ് സ്റ്റഡീസ് വിഭാഗം മേധാവി മനു ആന്റണി എഐ യുഗത്തില്‍ മാനേജ്‌മെന്റ് റിസര്‍ച്ചിന്റെ പ്രസക്തി എന്ന വിഭാഗത്തില്‍ പ്രഭാഷണം നടത്തി.
About Author
നഗരസഭയുടെ ഭരണസ്തംഭനത്തിനെതിരെയും, റോഡുകള്‍ സഞ്ചാര യോഗ്യമാക്കണമെന്നും ആവശ്യപ്പെട്ട് നഗരസഭയിലെ ബിജെപി കൗണ്‍സിലര്‍മാര്‍ ഠാണ ജംഗ്ഷനില്‍ ഉപവസ സമരം നടത്തി 
ഠാണാ- ചന്തക്കുന്ന് റോഡ് വികസനം; കള്ളംപറഞ്ഞ നഗരസഭ ചെയര്‍പേഴ്‌സന്‍റെ രാജി ആവശ്യപ്പെട്ട് എല്‍ഡിഎഫ് പ്രതിഷേധം 
സെന്റ് ജോസഫ്സ് കോളജ് കമ്പ്യൂട്ടര്‍ സയന്‍സ് വിഭാഗം വാര്‍ഷിക അസോസിയേഷന്‍ ഉദ്ഘാടനം ചെയ്തു 
ഒടുവില്‍ നഗരസഭ അധികൃതര്‍ കണ്ണു തുറന്നു; കുഴി അടക്കാന്‍ റോഡില്‍ കോണ്‍ക്രീറ്റിട്ടു 
ഛത്തിസ്ഗഡില്‍ കന്യാസ്ത്രികള്‍ക്ക് നേരേയുണ്ടായ അതിക്രമം-ഇരിങ്ങാലക്കുടയില്‍ വന്‍ പ്രതിഷേധറാലിയും പൊതുസമ്മേളനവും നടത്തി 
ലയണ്‍സ് ക്ലബ്ബിന്റെ നേതൃത്വത്തില്‍ വിദ്യാര്‍ഥികള്‍ക്ക് പുസ്തകങ്ങള്‍ നല്‍കി 
