ആയുര്‍വേദത്തിലേക്കുള്ള തിരിച്ചുപോക്ക് ഗുണം ചെയ്യും: ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു
ഇരിങ്ങാലക്കുട: ജീവിതശൈലീരോഗങ്ങള്‍ക്കുള്ള പരിഹാരമായി ആയുര്‍വേദത്തിലേക്കുള്ള തിരിച്ചുപോക്ക് ഗുണം ചെയ്യുമെന്ന് ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു അഭിപ്രായപ്പെട്ടു. കൂടല്‍മാണിക്യം ദേവസ്വത്തിന്റെ നേതൃത്വത്തില്‍ ആരംഭിക്കുന്ന സംഗമേശ്വര ആയുര്‍വേദ ഗ്രാമം പദ്ധതിയുടെയും ആയുര്‍വേദ ചികിത്സാലയത്തിന്റെയും ഉദ്ഘാടനം നിര്‍വഹിക്കുകയായിരുന്നു മന്ത്രി. മറ്റത്തൂര്‍ ലേബര്‍ കോണ്‍ട്രാക്ട് കോ-ഓപ്പറേറ്റീവ് സൊസൈറ്റി പ്രസിഡന്റ് സി.വി. രവി ഔഷധസസ്യ കൃഷിയുടെ ധാരണാപത്രം മന്ത്രിക്കു കൈമാറി. സംഗമേശ്വര ആയുര്‍വേദ ഗ്രാമത്തിനു പ്രാരംഭഘട്ട സഹായം നല്‍കിയ തോട്ടാപ്പിള്ളി വേണുഗോപാലമേനോനെ മന്ത്രി ആര്‍. ബിന്ദുവും മനോജ്കുമാര്‍ രാധാകൃഷ്ണനെ നഗരസഭ ചെയര്‍പേഴ്‌സന്‍ സോണിയഗിരിയും ആദരിച്ചു. ദേവസ്വം ചെയര്‍മാന്‍ യു. പ്രദീപ് മേനോന്‍ അധ്യക്ഷത വഹിച്ചു. സംഗമേശ്വര ആയുര്‍വേദ ഗ്രാമം ഡയറക്ടര്‍ ഡോ. കേസരി മേനോന്‍, അഡ്മിനിസ്‌ട്രേറ്റര്‍ എം. സുഗിത എന്നിവര്‍ സംസാരിച്ചു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
