പുല്ലൂര്‍ നാടകരാവിന് കൊടിയേറി ചമയം നാടകവേദിയുടെ അവാര്‍ഡുകള്‍ പ്രഖ്യാപിച്ചു
ചമയം നാടകവേദിയുടെ വാര്‍ഷികാഘോഷങ്ങളുടെ ഭാഗമായി നടത്തുന്ന പുല്ലൂര്‍ നാടകരാവിന് ഇരിങ്ങാലക്കുട ടൗണ്‍ഹാളില്‍ വേണുജി കൊടിയേറ്റുന്നു.
ഇരിങ്ങാലക്കുട : ചമയം നാടകവേദിയുടെ പ്രഥമ ഇന്നസെന്‍റ് സ്മാരക പുരസ്‌കാരം വ്യവസായി പോള്‍ ജോസ് തളിയത്തിനും നാടന്‍പാട്ട് രംഗത്തെ മികവിനുള്ള കലാഭവന്‍ മണി സ്മാരക പുരസ്‌കാരം പ്രസീത ചാലക്കുടിക്കും സമ്മാനിക്കും. നൃത്തരംഗത്തെ മികവിനുള്ള രണദിവെ സ്മാരക പുരസ്‌കാരം അരുണ്‍ നമ്പലത്തിലിനും മേക്കപ്പ് കലാരംഗത്തെ മികവിന് സജയന്‍ ചങ്കരത്ത് സ്മാരകപുരസ്‌കാരം കലാനിലയം ഹരിദാസിനും തച്ചുശാസ്ത്രരംഗത്തെ മികവിനുള്ള എ.വി. സോമന്‍ സ്മാരക പുരസ്‌കാരം രതീഷ് ഉണ്ണി എലമ്പലക്കാടിനും സമ്മാനിക്കുമെന്ന് ചമയം പ്രസിഡന്‍റ് എ.എന്‍. രാജന്‍, ജനറല്‍ കണ്‍വീനര്‍ സജു ചന്ദ്രന്‍ എന്നിവര്‍ പത്ര സമ്മേളനത്തില്‍ അറിയിച്ചു.
പ്രഫ. സാവിത്രി ലക്ഷ്മണന്‍, ഭരതന്‍ കണ്ടേങ്കാട്ടില്‍, പ്രഫ. വി.കെ. ലക്ഷ്മണന്‍നായര്‍, എ. സി. സുരേഷ്, കെ.ആര്‍. ഔസേപ്പ്, സെക്രട്ടറി വേണു എളന്തോളി, കോ-ഓര്‍ഡിനേറ്റര്‍മാരായ കിഷോര്‍ പള്ളിപ്പാട്ട്, ഷാജു തെക്കൂട്ട് എന്നിവരും പത്രസമ്മേളനത്തില്‍ പങ്കെടുത്തു.
ചമയം നാടകവേദിയുടെ 26 -ാം വാര്‍ഷികാഘോഷങ്ങളുടെ ഭാഗമായി നടത്തുന്ന പുല്ലൂര്‍ നാടകരാവ് 23 മുതല്‍ 29 വരെ ഇരിങ്ങാലക്കുട ടൗണ്‍ഹാളില്‍ നടക്കും. നാടകരാവിന് കൂടിയാട്ട കുലപതി വേണുജി കൊടിയേറ്റി. എല്ലാ വര്‍ഷവും മുടങ്ങാതെ നടക്കുന്ന കലാസാംസ്‌കാരിക പ്രവര്‍ത്തനങ്ങള്‍ക്കു പിന്തുണനല്‍കാന്‍ പ്രാദേശിക ഭരണകൂടങ്ങള്‍ തയാറാകണമെന്ന് വേണുജി ആവശ്യപ്പെട്ടു. ചമയം പ്രസിഡന്‍റ് എ.എന്‍. രാജന്‍, ജനറല്‍കണ്‍വീനര്‍ സജു ചന്ദ്രന്‍, പ്രഫ. സാവിത്രി ലക്ഷ്മണന്‍, ഭരതന്‍ കണ്ടേങ്കാട്ടില്‍, പ്രഫ. വി.കെ. ലക്ഷ്മണന്‍നായര്‍ തുടങ്ങിയവര്‍ പ്രസംഗിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
