നിപ്മറില്‍ ഭിന്നശേഷി കുട്ടികളുടെ നേതൃത്വത്തില്‍ കേക്ക് മേള
കല്ലേറ്റുംകര നിപ്മറില്‍ സംഘടിപ്പിച്ചു കേക്ക് മേള ജില്ലാ കളക്ടര് കൃഷ്ണതേജ ഉദ്ഘാടനം ചെയ്യുന്നു.
ഇരിങ്ങാലക്കുട: നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷനില്‍ (നിപ്മര്‍) ഭിന്നശേഷി കുട്ടികളുടെയും അമ്മമാരുടെയും നേതൃത്വത്തില്‍ കേക്ക് മേള തുടങ്ങി. സ്വയം തൊഴില്‍ പരിശീലന പരിപാടിയായ എംവോക്കിന്‍റെ ഭാഗമായാണ് കേക്ക് മേള സംഘടിപ്പിക്കുന്നത്. രക്ഷിതാക്കളുടെ കൂടി പങ്കാളിത്തത്തോടെ സംഘടിപ്പിച്ച കേക്ക് ഫെസ്റ്റ് ജില്ലാ കളക്റ്റര്‍ കൃഷ്ണതേജ ഉദ്ഘാടനം ചെയ്തു. പൈനാപ്പിള്‍ കേക്ക്, മാര്‍ബിള്‍ കേക്ക്, പ്ലം കേക്ക്, ഡ്രീം കേക്ക്, ക്യാരറ്റ് ഡേറ്റസ്, ജാര്‍ കേക്ക് തുടങ്ങി വിവിധയിനം കേക്കുകളാണ് കേക്ക് മേളയില്‍ വില്‍പ്പനയ്ക്ക് വച്ചിട്ടുള്ളത്. അഞ്ചു കുട്ടികളും അവരുടെ അമ്മമാരുമാണ് കേക്ക് മേളയുടെ അണിയറയില്‍ പ്രവര്‍ത്തിച്ചത്. മൂന്നു ദിവസമാണ് കേക്ക് മേള നടക്കുക. ചടങ്ങില്‍ മാള ബ്ലോക്ക് പഞ്ചായത്ത് പ്രസിഡന്റ് സന്ധ്യാ നൈസണ്‍ അധ്യക്ഷത വഹിച്ചു. ആളൂര്‍ ഗ്രാമ പഞ്ചായത്ത് പ്രസിഡന്റ് കെ.ആര്‍. ജോജോ, നിപ്മര്‍ എക്‌സിക്‌സ്യൂട്ടീവ് ഡയറക്ടര്‍ സി. ചന്ദ്രബാബു, ഡോ. നിമ്മി ജോസഫ്, പഞ്ചായത്ത് അംഗം മേരി ഐസക്, സ്‌പെഷല്‍ എഡ്യൂക്കേറ്റര്‍ അനു അഗസ്റ്റിന്‍ എന്നിവര്‍ സംസാരിച്ചു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
