ഏഴാം കേരള ഗേള്‍സ് തൃശൂര്‍ ബറ്റാലിയന്‍ നടത്തിയ എന്‍സിസി ക്യാമ്പ് ഇരിങ്ങാലക്കുട സെന്റ് ജോസഫ്‌സില്‍ സമാപിച്ചു
ഇരിങ്ങാലക്കുട: ഏഴാം കേരള ഗേള്‍സ് ബറ്റാലിയന്‍ നടത്തിയ എന്‍സിസി ക്യാമ്പ് ഇരിങ്ങാലക്കുട സെന്റ് ജോസഫ്‌സില്‍ സമാപിച്ചു. പരിശീലന ക്യാമ്പില്‍ വിവിധ വിദ്യാഭ്യാസ സ്ഥാപനങ്ങളിലേതായി 524 കേഡറ്റുകളും ഓഫീഷ്യല്‍സും പങ്കെടുത്തു. ബറ്റാലിയന്‍ കമാന്റിംഗ് ഓഫീസര്‍ ലഫ്റ്റനന്റ് കേണല്‍ ബി. ബിജോയ് ക്യാമ്പ് നയിച്ചു. എന്‍സിസി എറണാകുളം ഗ്രൂപ്പ് കമാന്‍ഡര്‍ കോമഡോര്‍ ഹരി കൃഷ്ണന്‍ ക്യാമ്പ് സന്ദര്‍ശിച്ച് പ്രവര്‍ത്തനങ്ങള്‍ വിലയിരുത്തി. കോളജില്‍ ഒരുക്കിയിട്ടുള്ള അമര്‍ ജവാന്‍ സ്മാരകത്തില്‍ അദ്ദേഹം റീത്ത് സമര്‍പ്പിച്ചു. ഡ്രില്‍, ആയുധപരിശീലനം, ദുരന്ത നിവാരണ പരിശീലന ക്ലാസുകള്‍, ഭൂപട പഠനം, തുടങ്ങിയ മിലിട്ടറിവിഷയങ്ങളും പ്രകൃതിപഠനം, വൈല്‍ഡ് ലൈഫ് ഫോട്ടോ പ്രദര്‍ശനം, സൈബര്‍, റോഡ് സുരക്ഷാബോധവല്‍ക്കരണം, ലൈഫ് മിഷന്‍ റാലി, സ്ത്രീ സുരക്ഷ, ആര്‍ത്തവ ബോധവല്‍ക്കരണം, ആര്‍മി റിക്രൂട്ട്‌മെന്റ് കരിയര്‍ തുടങ്ങിയ സെഷനുകളും നടന്നു. വിവിധ വിഭാഗങ്ങളില്‍ നിന്നായി നിരവധി വിദഗ്ദര്‍ ക്യാമ്പില്‍ ക്ലാസുകള്‍ നയിച്ചു.
അഡ്മിനിസ്‌ട്രേറ്റിവ് ഓഫീസര്‍ മേജര്‍ ഗായത്രി കെ. നായര്‍, ക്യാപ്റ്റന്‍മാരായ ലിറ്റി ചാക്കോ, പി. എം. സിജി, ലഫ്റ്റനന്റുമാരായ കെ.എന്‍. ലവ്ജി, ഡോ. കെ.എസ്. ഷഹീത, ഇന്ദു, സുബേദാര്‍ മേജര്‍മാരായ പദം റാണ, കെ. രാധാകൃഷ്ണന്‍, ഗേള്‍ കേഡറ്റ് ഇന്‍സ്ട്രക്ടര്‍ മഞ്ജു മോഹനന്‍ തുടങ്ങിയവര്‍ നേതൃത്വം നല്‍കി. മികച്ച പെര്‍ഫോര്‍മന്‍സിന് ആലുവ യുസി കോളജും ശ്രീ കേരളവര്‍മ്മ കോളജും ഓവറോള്‍ ഒന്നും രണ്ടും സ്ഥാനങ്ങള്‍ കരസ്ഥമാക്കി.
About Author
ഇരിങ്ങാലക്കുട ചന്തക്കുന്ന് മാര്‍ക്കറ്റിലെ ജലസംഭരണി നാടിന് സമര്‍പ്പിച്ചു; നിര്‍മ്മാണം പൂര്‍ത്തീകരിച്ചത് അമൃത് പദ്ധതിയില്‍ 3.4 കോടി രൂപ ചെലവഴിച്ച് 
വിനോദസഞ്ചാരികള്‍ നവ്യാനുഭവമായി ബോട്ടിംഗ് ആരംഭിച്ചു: പൊതുമ്പുചിറയോരത്തിന് ഇനി പത്തരമാറ്റ് സൗന്ദര്യം 
ആറ് വിദ്യാഭ്യാസ പദ്ധതികള്‍ക്ക് തുടക്കം കുറിച്ച് ഉയിരെ എജുക്കേഷന്‍ മീറ്റ് 
സെന്‍ട്രല്‍ ഇലക്ട്രോകെമിക്കല്‍ റിസര്‍ച്ച് ഇന്‍സ്റ്റിറ്റ്യൂട്ടില്‍ നിന്നും കെമിക്കല്‍ സയന്‍സില്‍ ഡോക്ടറേറ്റ് നേടി കെ.എം. ലക്ഷ്മി 
പുളിക്കലച്ചിറ പാലം: പുതിയ കരാറുകാരനെ നിയോഗിച്ച് സര്‍ക്കാര്‍ 
ഊരകം കതിര്‍പ്പിള്ളി കുളം സംരക്ഷണഭിത്തി തകര്‍ന്നു, വെള്ളത്തിലായത് പതിനെട്ട് ലക്ഷം രൂപ: നിര്‍മാണം നിലച്ചിട്ട് 4 മാസം 
