ഇരിങ്ങാലക്കുട റെയില്‍വേ സ്റ്റേഷന്‍ വിഷയം: രാജീവ് ചന്ദ്രശേഖറിന് കത്തു നല്‍കി
ഇരിങ്ങാലക്കുട റെയില്‍വേ സ്റ്റേഷന്‍.
ഇരിങ്ങാലക്കുട: കല്ലേറ്റുംകരയിലെ ഇരിങ്ങാലക്കുട റെയില്‍വേ സ്റ്റേഷന്‍ വികസനം ആവശ്യപ്പെട്ട് നടക്കുന്ന ജനകീയ സമരത്തെ തൃശൂര്‍ ലോക്‌സഭാംഗവും കേന്ദ്ര സഹമന്ത്രിയുമായ സുരേഷ് ഗോപി അവഗണിക്കുന്നതിനെതിരെ ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖറിന് സമരസമിതി മുഖ്യ സംഘാടകന്‍ വര്‍ഗ്ഗീസ് തൊടുപറമ്പില്‍ കത്ത് നല്‍കി. സുരേഷ് ഗോപിയെ കണ്ടു ചര്‍ച്ച നടത്താന്‍ സമയം ചോദിച്ച് കത്തു നല്‍കി ആറുമാസമായിട്ടും പരിഗണിക്കാത്തത് ജനാധിപത്യ മര്യാദകളുടെ ലംഘനമാണെന്ന് കത്തില്‍ കുറ്റപ്പെടുത്തി.
കഴിഞ്ഞ ലോക്‌സഭാ തെരഞ്ഞെടുപ്പിനു മുമ്പ് ബിജെപി പ്രതിനിധിയായ പി.കെ. കൃഷ്ണദാസ് വന്ന് സ്റ്റേഷന്‍ വികസനം അമൃത് പദ്ധതിയില്‍ ഉള്‍പ്പെടുത്തിയെന്നും പത്തു കോടി രൂപ അനുവദിച്ചുവെന്നും അറിയിച്ചിരുന്നു. സ്റ്റേഷന്‍ വികസന വിഷയത്തില്‍ അടിയന്തിര നടപടികള്‍ ഉണ്ടാകുമെന്ന് തെരഞ്ഞെടുപ്പ് സമയത്ത് സുരേഷ് ഗോപി ഉള്‍പ്പടെയുള്ള നേതാക്കള്‍ പലവട്ടം ഉറപ്പു നല്‍കി. തെരഞ്ഞെടുക്കപ്പെിനു ശേഷം യാതൊരു നടപടിയും ഉണ്ടായിട്ടില്ല. കോവിഡ് കാലത്ത് സ്റ്റോപ്പേജ് എടുത്തു കളഞ്ഞ ട്രെയ്‌നുകള്‍ വീണ്ടും ഇവിടെ നിര്‍ത്താനാവശ്യമായ നടപടികള്‍ പോലും ഉണ്ടായിട്ടില്ല. ഈ സാഹചര്യത്തില്‍ ജനകീയ സമരങ്ങളെ അവഗണിക്കുന്ന നടപടികളില്‍ നിന്ന് ജനപ്രതിനിധിയായ സുരേഷ് ഗോപിയെ തിരുത്തണമെന്നും രാജീവ് ചന്ദ്രശേഖറിനു നല്‍കിയ കത്തില്‍ ആവശ്യപ്പെട്ടു.
About Author
ഛത്തീസ്ഗഡില്‍ മലയാളി കന്യാസ്ത്രീകളെ കള്ളക്കേസില്‍ കുടുക്കി അറസ്റ്റ് ചെയ്ത് തുറങ്കില്‍ അടച്ചതില്‍ പ്രതിഷേധിച്ചു 
ഭാര്യയെ ആക്രമിച്ച കേസില്‍ ഭര്‍ത്താവ് അറസ്റ്റില്‍ 
കേരള കോണ്‍ഗ്രസ് പൊറത്തിശേരി മണ്ഡലം സമ്മേളനം 
എംജി സര്‍വ്വകലാശാലയില്‍ നിന്ന് സുവോളജിയില്‍ ഡോക്ടറേറ്റ് കരസ്ഥമാക്കി സോനു ദാസ് 
ഡോ. കെ.ജെ. വര്‍ഗീസ് ഇന്തൊനേഷ്യയില്‍ വിസിറ്റിംഗ് പ്രഫസര്‍ 
കോടതി വിധികള്‍ അവഗണിച്ച് ആര്‍എസ്എസ് വിധേയരെ വിസിമാരാക്കുന്നു, ഗവര്‍ണറുടേത് ഏകപക്ഷീയ തീരുമാനം- മന്ത്രി ആര്‍. ബിന്ദു 
