ചെമ്മണ്ട കായല്‍ പളിയംപാടം കടുംകൃഷി കര്‍ഷക സഹകരണ സംഘത്തിന്റെ പാടശേഖരത്തില്‍ വെള്ളം കയറി കൃഷി നശിച്ചു
ചെമ്മണ്ട: കായല്‍ പളിയംപാടം കടുംകൃഷി കര്‍ഷക സഹകരണ സംഘത്തിന്റെ പാടശേഖരത്തില്‍ വെള്ളം കയറി. 1300 ഏക്കര്‍ വരുന്ന പാടശേഖരത്തിലെ നെല്ല് കൊയ്ത്ത് തുടങ്ങിയതിനു ശേഷമാണു പാടശേഖരത്തില്‍ വെള്ളം കയറിയത്. 70 ഏക്കറോളം സ്ഥലത്ത് നെല്‍കൃഷി വീണുപോയതിനാല്‍ കൊയ്യാന്‍ സാധിക്കാതെയായിരിക്കുകയാണ്. മോട്ടോറുകള്‍ തുടര്‍ച്ചയായി പ്രവര്‍ത്തിപ്പിക്കുന്നുണ്ടെങ്കിലും വെള്ളം വറ്റിച്ച് കൊയ്ത്ത് മെഷീന്‍ ഇറക്കാന്‍ പറ്റാത്ത സാഹചര്യമാണ്. കര്‍ഷകര്‍ക്കുണ്ടായ ഭീമമായ നഷ്ടത്തിനു സര്‍ക്കാരില്‍ നിന്നു നഷ്ടപരിഹാരം അനുവദിക്കണമെന്നു കൃഷിക്കാര്‍ ആവശ്യപ്പെട്ടു. ജില്ലാ പഞ്ചായത്ത് പ്രസിഡന്റ് പി.കെ. ഡേവിസ് മാസ്റ്റര്‍ പാടശേഖരം സന്ദര്‍ശിച്ചു. കേരളകര്‍ഷക സംഘം ജില്ലാ എക്‌സിക്യുട്ടീവ് അംഗം. ടി.ജി. ശങ്കരനാരായണന്‍, കേരള കര്‍ഷകസംഘം നേതാവ് പി.വി. ഹരിദാസ്, സിപിഎം ലോക്കല്‍ സെക്രട്ടറി എ.വി. അജയന്‍, കര്‍ഷക സഹകരണസംഘം പ്രസിഡന്റ് കെ.കെ. ഷൈജു, ബോര്‍ഡ് മെമ്പര്‍മാരായ സജി കൈതവളപ്പില്‍, കെ.ആര്‍. ഗോപാലന്‍, എം.സി. അഭിലാഷ് എന്നിവരും ഒപ്പമുണ്ടായിരുന്നു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
