മന്ത്രി ആര്. ബിന്ദു രാജിവെക്കണം: കെപിസിസി നിര്വാഹക സമിതിയംഗം എം.പി. ജാക്സണ്
ഇരിങ്ങാലക്കുട: സര്ക്കാര് ആര്ട്സ് ആന്ഡ് സയന്സ് കോളജുകളിലെ പ്രിന്സിപ്പല് നിയമനത്തില് ഉന്നത വിദ്യാഭ്യാസ വകുപ്പ് മന്ത്രി ഇടപെട്ടെന്ന വിവരാവകാശരേഖ പുറത്തുവന്ന സാഹചര്യത്തില് മന്ത്രി ആര്. ബിന്ദു സ്ഥാനം രാജിവെക്കണമെന്ന് കെപിസിസി നിര്വാഹക സമിതിയംഗം എംപി ജാക്സണ് ആവശ്യപ്പെട്ടു. കോളജുകളില് പ്രിന്സിപ്പല്മാര് ഇല്ലാതിരിക്കുക, സ്വന്തക്കാരെ പ്രിന്സിപ്പല്മാരായി നിയമിക്കുക എന്നിങ്ങനെ ഗുരുതര ആരോപണങ്ങളാണ് മന്ത്രി ആര്. ബിന്ദുവിനെതിരെ പുറത്തുവന്നിരിക്കുന്നത്. ഇഷ്ടക്കാരെ തിരുകി കയറ്റി ഉന്നത വിദ്യാഭ്യാസ മേഖലയെ വരുതിയിലാക്കാനാണ് സിപിഎം ശ്രമിക്കുന്നത്. മാര്ക്ക്, പ്രബന്ധ വിവാദങ്ങളിലൂടെ കേരളത്തിലെ സര്വകലാശാലകളുടെ വിശ്വാസ്യതയാണ് സര്ക്കാര് തകര്ത്തത്. ഇതിന്റെ വലിയ ഉത്തരവാദിത്തം ഉന്നത വിദ്യാഭ്യാസ വകുപ്പ് കൈകാര്യം ചെയ്യുന്ന മന്ത്രിക്ക് തന്നെയാണ്. പ്രിന്സിപ്പല് നിയമനത്തില് മന്ത്രിയുടെ ഇടപെടല് തെളിയിക്കുന്ന രേഖ പുറത്തുവന്നതിന്റെ പശ്ചാത്തലത്തില് ആര്. ബിന്ദു അടിയന്തരമായി മന്ത്രി സ്ഥാനമൊഴിയണമെന്നും ജാക്സണ് ആവശ്യപ്പെട്ടു.
About Author
ഇരിങ്ങാലക്കുട ഉപജില്ല സ്കൂള് ഗെയിംസ് ബാസ്കറ്റ്ബോള് ടൂര്ണമെന്റില് മികച്ച നേട്ടവുമായി സെന്റ് മേരീസ് ഹയര്സെക്കന്ഡറി സ്കൂള് ടീം 
എന്എസ്എസ് കരയോഗ യൂണിയന് സാഹിതീയം ദ്വൈമാസ ചര്ച്ച നടത്തി 
ഇരിങ്ങാലക്കുട ബ്ലോക്ക് പഞ്ചായത്ത് ഹരിത വസന്തം പച്ചക്കറി കൃഷി പദ്ധതി ഉദ്ഘാടനം ചെയ്തു 
ജിജെ ഇന്ഫോടെക് പ്രൈവറ്റ് ലിമിറ്റഡിന്റെ രജത ജൂബിലി ആഘോഷം നടത്തി 
സ്നേഹയോഗ പരിശീലകനും സാഹിത്യകാരനുമായ ഫ്രാന്സിസ് അസീസി അന്തരിച്ചു 
ആദരിച്ചു 
