ഉപജില്ല സ്‌കൂള്‍ കലോത്സവം നവംബര്‍ 8 മുതല്‍ 11 വരെ എടതിരിഞ്ഞി എച്ച്ഡിപി സമാജം സ്‌കൂളില്‍; സംഘാടക സമിതി രൂപീകരിച്ചു
ഇരിങ്ങാലക്കുട: ഉപജില്ല കേരള സ്‌കൂള്‍ കലോത്സവം നവംബര്‍ 8, 9, 10, 11 തീയതികളില്‍ എടതിരിഞ്ഞി എച്ച്ഡിപി സ്‌കൂളില്‍ നടക്കും. ഒമ്പത് വേദികളിലായിട്ടാണ് കലോത്സവ പരിപാടികള്‍ നടത്തുന്നത്. പരിപാടികളുടെ നടത്തിപ്പിനായി സംഘാടക സമിതി രൂപീകരിച്ചു. സംഘാടക സമിതി രൂപീകരണയോഗം എച്ച്ഡിപി സമാജം ഹയര്‍ സെക്കന്‍ഡറി സ്‌ക്കൂളില്‍ പടിയൂര്‍ ഗ്രാമപഞ്ചായത്ത് പ്രസിഡന്റ് ലത സഹദേവന്‍ ഉദ്ഘാടനം ചെയ്തു. ഉപജില്ല വിദ്യാഭ്യാസ ഓഫീസര്‍ ഡോ. എം.സി. നിഷ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് കെ.വി. സുകുമാരന്‍, ബ്ലോക്ക് പഞ്ചായത്ത് മെമ്പര്‍മാരായ സുധ ദിലീപ്, രാജേഷ് അശോകന്‍, പഞ്ചായത്ത് മെമ്പര്‍മാരായ ജയശ്രീലാല്‍, ഷാലി ദിലീപ്, സ്‌കൂള്‍ മാനേജര്‍ ഭരതന്‍ കണ്ടേങ്കാട്ടില്‍, വികസന സമിതി കണ്‍വീനര്‍ പി.ജി. ഉല്ലാസ്, സി.എസ്. സുധന്‍, ആര്‍ച്ച ഗിരീഷ്, കെ.ബി. ദിനചന്ദ്രന്‍ എന്നിവര്‍ പ്രസംഗിച്ചു. പ്രിന്‍സിപ്പല്‍ കെ.എ. സീമ സ്വാഗതവും, പ്രധാനധ്യാപിക സി.പി. സ്മിത നന്ദിയും പറഞ്ഞു. പടിയൂര്‍ പഞ്ചായത്ത് പ്രസിഡന്റ് ലത സഹദേവന്‍ (ചെയര്‍പേഴ്സണ്‍), പ്രിന്‍സിപ്പല്‍ കെ.എ. സീമ (ജനറല്‍ കണ്‍വീനര്‍), എഇഒ ഡോ. എം.സി. നിഷ (ട്രഷറര്‍) എന്നിവര്‍ സംഘാടകസമിതിക്ക് നേത്യത്വം നല്‍കും.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
